قسايم النسيم

[ابوخالد12]

السلام عليكم انا عندى استفسار يا اخوان انتم تعلمون مدى التخبط فى الاسكان والقرارات العشوائية الغير مدروسة والتى بالتالى تصب فى بهذلة المواطن ودمار حياتة الاجتماعية والاسرية
بالنسبة لقسايم النسيم ماهى اسعار البدل نبى نعرف اسعار السوق ولااحد يكسر فى حلال المسلم حتى هو يستفيد لانى سوف اخصص فيها واللى لدية الرغبة يكتب السعر الحقيقى لانى ناوى اشترى بيت جاهز طبعا من المعقول والمفروض من الاخوان سكان الجرا كل واحد يجهز فلوووسة حق البدل ولايغامر وينطر منطقة جديدة لان الواقع الحالى لابشر بخير والله يعين حال اهل الطلبات الجديدة

 

[q8aty]

هلا اخوي بوخالد طبعا ما ابي احط لك سعر اهنيه عندي لك سعر طيب وان شالله يعجبك
هذا رقمي ياليت ادق
60079795 ابو عمر
وكل شي يتم عند محامي لين ادش القرعه وان شالله الله يوفقك بخوش بيت
وشكرا

 

[ابو خالد.74]

اخوي شلون ناوي تبدل طلبك وتبي تشتري لك بيت ؟

هل تبي تبدل بطلب وتاخذ فوقهن فلوس او الارض تبيعها شلون؟؟؟

يعني الارض مع الطلب بكم توصل ان طقت بالعالي ٤٥

ترا المنطقه نفسها بنقره وعند بيوت الشعبيات يعني الوضع راح يصير فيها غير شوي

لا اهل الجهرا من ٩٠ الى ٩٦ كلهم بجنوب الجهرا ٧ قطع لان ماكان احدله رغبه فيها

 

["المتخصص"]

اخوي ابو خالد12 انا مراسلك على الخاص.

 

[ابوخالد12]

النسيم

اخوي شلون ناوي تبدل طلبك وتبي تشتري لك بيت ؟

هل تبي تبدل بطلب وتاخذ فوقهن فلوس او الارض تبيعها شلون؟؟؟

يعني الارض مع الطلب بكم توصل ان طقت بالعالي ٤٥

ترا المنطقه نفسها بنقره وعند بيوت الشعبيات يعني الوضع راح يصير فيها غير شوي

لا اهل الجهرا من ٩٠ الى ٩٦ كلهم بجنوب الجهرا ٧ قطع لان ماكان احدله رغبه فيها

السلام عليكم لاتبخس حلال الناس روح شوف اسعار البدل فى جابر اما اذا كنت من سكان الجهرا ء وقاعد تسوى حركات علشان الناس تبيع بأى سعر فهذا شى ثانى على اى اساس قلت 500 متر مع الخدمات الجتهزة اذا طقت 45 الف دينار

شوف الى من سكان الجهراء ويطوف هالفرصة راح يندم طول عمرة فرصه لن تتكرر واى سعر يدفعه هو الرابح

 

[L.yan]

أنا عن نفسي إن حصلي فيها قسيمة راح أبنيها ب٧٠أو زيادة بسيطة وأبيعهاب ٢٢٠ألف إذا موقع عادي سد وإذا كانت موقع مميز تصل ل٣٠٠ألف والمنطقة مرصودة من أهل الجراء الكل يتمنى فيها لسهولة مدخلها عالسادس والله يجيب الي فيه الخيروأنصحك لاتبادل أرض بطلب الا اذا عطوك ١٠٠ألف للسد وهذا صعب

 

[sporty72]

أنا عن نفسي إن حصلي فيها قسيمة راح أبنيها ب٧٠أو زيادة بسيطة وأبيعهاب ٢٢٠ألف إذا موقع عادي سد وإذا كانت موقع مميز تصل ل٣٠٠ألف والمنطقة مرصودة من أهل الجراء الكل يتمنى فيها لسهولة مدخلها عالسادس والله يجيب الي فيه الخيروأنصحك لاتبادل أرض بطلب الا اذا عطوك ١٠٠ألف للسد وهذا صعب

أخوي نحترم وجهة نظرك
بس على أي أساس حطيت هالأرقام ؟ شنو مقياسك ؟
بس الواضح في ناس يرغبون بالنسيم وفي ناس تقول ماتسوى حجتهم الموقع غير جيد وانها مجاورة للشعبيات
أخوي انا ما أعلم شي عن المنطقة انا أبي اجمع معلومات هل تسوى الواحد ياخذ فيها ولا لأ
لازم يفيدنا واحد من سكان الجهراء يكون أفضل

 

[q8aty]

اخوي اللي يبي ياخذ ويبني ويبيع لا يتعب عمره اتوقع اتوقع ماتسوي همها
الاحسن ياخذ ويبدل من الجهرا
لان المشكله في المنظقه البلوك طويل حيل وجنوب الجهرا والشعبيات من صوبين المنطقه مستقبلاااا بتصير زحمه
الي يبيها بس احنا اللي بالجهرا
وندفع ونبدل

 

[L.yan]

أخوي نحترم وجهة نظرك
بس على أي أساس حطيت هالأرقام ؟ شنو مقياسك ؟
بس الواضح في ناس يرغبون بالنسيم وفي ناس تقول ماتسوى حجتهم الموقع غير جيد وانها مجاورة للشعبيات
أخوي انا ما أعلم شي عن المنطقة انا أبي اجمع معلومات هل تسوى الواحد ياخذ فيها ولا لأ
لازم يفيدنا واحد من سكان الجهراء يكون أفضل

شوف أسعار النعيم وجنوب الجهراء وراح تعرف ليش حطيت الأرقام الي محيرتك ولاتنسى الفرق بالمساحة أما الشعبيات راح تتم إزالتها وحتى لو ما أزيلت فماراح تكون عائق لأن سكانها بشر ومسلمين حالهم حال غيرهم .

 

[المحلل المالي75]

سلام عليكم ... أنا طلبي 97 شهر 6 هل ممكن يجيني الدور فيها ولا لأ ..؟