السلام عليكم ( قسايم النسيم)

[بن دهيران]

انا طلبي الاسكاني تاريخ 31|12|1992م
ياجماعه انا محتار بين منطقتين ابو احليفه مع انها مو مظمونه وبين قسائم النسيم وبصراحه انا رجال ابي ابني وابيع ابي رايكم اي المنطقتين سعر القسيمه فيها افضل وشكرا .

 

[hbtko]

ما يبيلها تفكير اكيد ابو حليفه فتح الباب للبيت للسد. ١٥٠ الف شلون لو يطلع لك موقع ارض بس

 

[بن دهيران]

مشكور على المشاركه اخ hbtko بس انا في حيره من امري اخاف اطوف النسيم عشان ابو احليفه وبعدين افلس من الثنتين خخخخخخ بس للعلم النسيم 500 متر ويمكن اسعارها تكون مرتفعه وعيون اهل الجهراء عليها اتمنا لو يشارك ناس بالموضوع يفيدونا بالاسعار المتوقعه لقسايم النسيم

 

[al7mly]

انا طلبي 93 _ شهر 10
النسيم جاهزه للبناء نصيحه عصفور باليد والا عشره على الشجره

انا عن نفسي باخذ بالنسيم 500 متر وابنيها واعرضها للبيع

طافنا كل شئ سعد العبدالله ام الهيما

 

[صقر3]

انا طلبي 93 _ شهر 10
النسيم جاهزه للبناء نصيحه عصفور باليد والا عشره على الشجره

انا عن نفسي باخذ بالنسيم 500 متر وابنيها واعرضها للبيع

طافنا كل شئ سعد العبدالله ام الهيما

اذا تبي تبيع ومستعجل عليك بالنسيم ابو حليفه يبيلها اقل شي 3 سنوات علي مايفكرون الاخوان في الاسكان يوقعون العقد للبنيه تحتيه وفوقها سنتين للبناء يعني تقريباً 5 سنوات النسيم صيده موفق خير

 

[al7mly]

مشكور ياصقر

كلامك صحيح النسيم ابتدت بناء البنيه التحتيه شهر 8 _2009

ومتوقع الانتهاء شهر 11 _2011 يعني سنتين وجم شهر والتوزيع بعد رمضان وبناء سنتين يعني 2013 ممتاز للبيع

عكس ابوحليفه مو مضمونه المنطقه واذا صدف انها طلعت من نصيبك يبيلها اكثر من مده النسيم في البنيه التحتيه والتوزيع والبناء


يعني راح توفر 5 سنوات ويمديك تلحق على الاسعار قبل ماتطير وتاخذلك بيت او ارض قريب من موقع سكنك وافضل من انك وتنطر


والزمن علمنا لانطوف كافيييييييييييييييييييييييييييييييييييي

ونصيحه للطلبات القديمه توكلوا على الله لا يطلعون قرارات نلاقي نفسنا طلبات جديده مثلنا مثل 2011


والله نتحسف على الوقت

نصيحه من جمل

والله الموفق

 

[ابو خالد.74]

اعتقد اللي بياخذون فيها راح يبدلونها بطلبات وسعر الفرق فقط اما البنيان راح تصير صعبه عليك انت ويمكن مايرضي الشراي ويمكن حتى السرداب ماراح تبني على النطره اللي نطرتها من ٩٢ للحين كملها لبوحليفه او بدل بطلب واستلم كاش*

 

[ابو خالد.74]

الاسكان تخلص من منطقه منطقه علشان يصير تبادل بالسكان ويتوزعون هذي خطتهم فما اعتقد ان بوحليفه بعيده والله تعالى اعلم بس يخلصون من النسيم راح يبتدون باللي وراه

 

[ابو خالد.74]

مشكور ياصقر

كلامك صحيح النسيم ابتدت بناء البنيه التحتيه شهر 8 _2009

ومتوقع الانتهاء شهر 11 _2011 يعني سنتين وجم شهر والتوزيع بعد رمضان وبناء سنتين يعني 2013 ممتاز

والله الموفق

اخوي النسيم جاهزه للبناء قفلوها المنطقه خالصه بس يخلصون من بيوت سعدالعبدالله يوزعونها وعقبها النسيم وهلُم جراً

 

[بن دهيران]

يالربع انا داري ان النسيم راح توزع بعد رمضان ان شاء الله بس اللي ابيكم تفيدونا فيه هل النسيم لها مستقبل من ناحيه سعرها لاني قاعد اشيك على اسعار بيوت النسيم الحاليه بصراحه اسعارها عاديه جدا فيدونا برايكم وشكرا

 

[بن دهيران]

اعتقد اللي بياخذون فيها راح يبدلونها بطلبات وسعر الفرق فقط اما البنيان راح تصير صعبه عليك انت ويمكن مايرضي الشراي ويمكن حتى السرداب ماراح تبني على النطره اللي نطرتها من ٩٢ للحين كملها لبوحليفه او بدل بطلب واستلم كاش*

لبو خالد معلش ممكن توضح كلامك ووجهت نظرك لاني ما فهمت قصدك

 

[بومحمـد]

يوجد مشروعين ضخمين جدا على طرفي الجهراء
اذا الجهراويين أرتفعت الأسعار عندهم ينطرون هالمنطقتين
و ب 600 متر بعد

كبار جدا مدينة جابر كلها كأنها قطعه عند هذة المشاريع
حسب آخر تصريحات
المطلاع 18,000 وحدة سكنية
غرب الجهراء أكثر من 30,000 وحدة سكنية

حتى ابو طلب 2010 يحوشه الدور

و الله كريم

 

[بن دهيران]

السلام عليكم ( قسايم النسيم)

--------------------------------------------------------------------------------

انا طلبي الاسكاني تاريخ 31|12|1992م
ياجماعه انا محتار بين منطقتين ابو احليفه مع انها مو مظمونه وبين قسائم النسيم وبصراحه انا رجال ابي ابني وابيع ابي رايكم اي المنطقتين سعر القسيمه فيها افضل وشكرا .

 

[aboshja3]

طبعا وبدون تفكير اخذ بقسايم بوحليفه منطقه راقيه جدا واسعارها بتكون نار لان ماكو مشاريع حاليه بالمنطقه العاشره وناس اعرفهم مستعدين يبدلون مع سد 150 ألف بحكم موقعها المميز غيرها لاكن النسيم حولها مشاريع الدنيا
واذا تبي النسيم انا عندي طلب 94 يخصص وازيدك عشر آلاف اذا موافق راسلني عالخاص*

 

[MMLooo7]

ياجماعه انا عندى طلب شهر 10 - 94 هل تتوقعون يوصل الطلب لى او لا بالنسيم لانى ناطر النسيم ادرى البعض راح يقول ليش ما اخذت من زمان باختصار شديد كنت ( بالسجن ) قاتل واحد بالغلط وانشالله ما اقتل واحد ثانى وانا قاعد ابنى البيت لانه الشارع الكل يبى يتهاوش ياليت تفيدونه شباب

 

["المتخصص"]

اخوي بن دهيران شوف الخاص عندك ورد علي.

 

[بن دهيران]

اسمحلي حاليا انا مسافر وبرجع بعد اسبوع ان شاء الله

 

[ليث متواضع]

تحوشك النسيم إن شاء الله

 

[faisel 2]

وين نحصل مخطط المنطقه..؟

 

[al7mly]

وين نحصل مخطط المنطقه..؟

تفضل اخي الكريم

http://www.indexsignal.com/forum/showthread.php?p=3277237#post3277237