ســـعـــر الســهــــــم الــعــــــادل .. (لأصحاب الخبرة فقط ! )

[الحمد لله]

السلام عليكم،،


أتمنى تزويد المنتدى بإسعار الأسهم الحقيقية - حسب الطلب - وفق بياناتها المالية، بعيداً عن التضخيم الحاصل من قبل المضاربيب والمحافظ وأخبار الجرايد ؟!

وأتمنى أن تكون المشاركة محصورة من قبل السادة الأعضاء المحترفين في التحليل وقراءة البيانات المالية.



ومشكورين مقدماً على المجهود

 

[الحمد لله]

أعيان

أنا وبكون أو من يشارك:

بطلب السعر العادل لسهم أعيان

 

[خير الكلام]

السلام عليكم

اعيان =400 فلس
مشاريع =80 فلس .
اسماك =160 فلس مع ارباح سدافكو من غيرها 45 فلس .
البنك الوطني =800 فلس .
الصناعات الوطنيه =800 فلس .
اسمنت ابيض=80 فلس
فجيره =200 فلس .
قيوين =250 فلس .
بوبيان كيماويات =600 فلس .
------------------
هذي طبعا اسعارها العادله في الوقت الحالي ولكن مع المشاريع المستقبليه ومع الانتعاش الاقتصادي سوف تتضاعف انشالله .
على سبيل المثال المشاريع سعره العادل مستقبليا 400 فلس .والصناات الوطنيه دينار ونص .

 

[العايش]

فهمنا كيف حسبتها يا خير الكلام مع الشكر مقدما

 

[خير الكلام]

السلام عليكم

من عيوني اخي العايش راح اعطيك الاسماك كمثال .السهم سعره العادل 45 .
لان الشركه مستحيل تعطيك ارباح اكثر من 5 فلوس .
مع ارباح سدافكو هذا اذا طلتوها يكون سعره 150-160 .
وزعت الاسماك ارباح بحدود 40 فلس وطار السهم الى 240 فلس والسؤال الخظير من وين ارباحهم .
الجواب سهل ارباحهم من جيوب اهل الشركه الاساسيين .
عطهم ارباح 40 فلس وبيعهم على 240 فلس .
طبعا اخي العايش محد يقدر يقول ان الاسماك افضل من سهم الاولى للوقود .
-----
بعض الناس ماراح تسمع النصيحه وتنخدع بكلام الجرايد والاشاعات .
والا من صجك في خبل يشتري الاسماك ب400 ويترك الاكتتابات القادمه .
خل الاسماك تفيد ربعها وخل القرين والوقود عندي بالتجوري .
واخيرا وليس اخرا هذا راي معرض للخطأ قبل الصواب .
ودمت سالما .

 

[wome]

لو سمحتوا نبي راي المحترفين المبني على أسس

مو يجي واحد يقول السعر العادل للمشاريع 80 فلس ,, بلا خرابيط اصلا سعرهم الدفتري يا المحترف جم ؟؟ عشان تقول السعر العادل 80 !!

بوبيان سعرها العادل 600 فلس !!؟؟

وين المحترفين ؟

 

[الراقي]

السعر العادل شوف الارباح التشغليه فقط بس في الكويت العكس يعلن ارباح فلس يروح حد اعلى

 

[خير الكلام]

السلام عليكم

لو سمحتوا نبي راي المحترفين المبني على أسس

مو يجي واحد يقول السعر العادل للمشاريع 80 فلس ,, بلا خرابيط اصلا سعرهم الدفتري يا المحترف جم ؟؟ عشان تقول السعر العادل 80 !!

بوبيان سعرها العادل 600 فلس !!؟؟

وين المحترفين ؟

==================
هذا رايي الخاص .وقلته سنه 1997 ومحد انتبه .وسمعت كلام زعلني .
هذا اللي فوق اولا .
اما ثانيا شوف انا شكاتب ودقق والا انت ماتعرف عربي ؟؟؟؟
قلت مع الارباح المستقبليه راح يتضاعف السعر .
وان صارت الصجيه راح تتذكر كلامي
وروح اشتر بوبيان ب1300 وخلهم يعطونك 45 فلس نقدي كسرها على الفايده تطلع انت الخسران .
لكن في شئ احب اقوله والكل يشوف اغلب اللي عندهم اسهم ينتظرون الفرصه لصعوده ومن ثم البيع .والضحيه منو ؟؟؟؟
الضحيه هو اللي ماشاف انا شكتبت .
اخيرا دقق عدل انا شنو كاتب .
وشكرا .

 

[wome]

سعر بوبيان مو 1300 عسان أشتريه بهالسعر - سعر 1020 !!!!
والمشاريع 355 فلس ---

ننطر لي نهاية السنة ونشوف يا انا يا انت والله كريم :d

 

[المستفسر]

بصراحه يعجبنى الكلام اللى تطرقله خير الكلام والصراحه توجع بس الناس هالوقت ما تتقبل

 

[خير الكلام]

السلام عليكم

سعر بوبيان مو 1300 عسان أشتريه بهالسعر - سعر 1020 !!!!
والمشاريع 355 فلس ---

ننطر لي نهاية السنة ونشوف يا انا يا انت والله كريم :d

=================
اخي الكريم انا قلت 1300 ووراها قلت 45 قلس يعني كنت اقصد قبل الارباح .
وحقيقه مادري ننطر على شنو ؟
على كل حال في هذه الاحوال لا خوف من خساره شديده ولكن في حال انهار السوق راح تتمنى تلاقى واحد يشتري بوبيان ب400 فلس .
وقبل لا ااستمر في الكلام راح انبهكم على شغله مهمه مادام الاقتصاد ممتاز مافي خوف عليكم .وبوبيان راح نشوف ب1400 انشالله .
اخيرا اخي الكريم يعلم الله وهذا من فضله انني من القله القليله التي خرجت من انهيار سنه 1997 بربح .
ويعلم الله ان تخطيطي بعيد عن المشاعر والاحاسيس وهذا اللي خلاني ماانصاد الى اللحظه هذي وهذا من فضل ربي .
فقط لسبب واحد لاني متاكد ان اغلب الهوامير لديهم شركات في السوق الكويتي لسلب رزق عباد الله ومن بين هذه الشركات جيزان والمشاريع .كلامي مو متناقض اشتر وبيع ولاتتوهق .
----------------
اخي العزيز المستفسر الكثير من الاخوان مايعجبهم الواقع .على العموم السوق بخير ولاتخافون من كلامي لان المشاريع المستقبليه كثيره جدا ولذلك اطمئنوا .
اخيرا نصيحه للمستثمر الصغير اقوله عطني اذنك .انت شحققققققققققه تشتري بوبيان ب1300 والقرين ب100 فلس
وشحقه تشتري بعض الشركات المشبوهه وتترك اسهم شركات الوقود .
حقيقه انا مستغرب .

 

[العايش]

ا خي العزيز خير الكلام جزاك الله خير على هذا المجهود الطيب


اخوك العا يش

 

[الحمد لله]

السلام عليكم

خير الكلام : قواك الله أخوي على هالمجهود، بس يعني أفهمة من كلامك أن أعيان .400 أن تو الناس عليها ما نشتري الحين ؟

وجم سعر الدخول ؟

 

[boalons]

الاخ خير الكلام

ياريت تشرح لنا الطريقه العلميه الي حددت فيها اسعار هذي الاسهم

طرق تقييم السهم متعدده فياريت نعرف طريقتك هذي ؟

اذا مافي طريقه معينه قيمت فيها الاسهم يعني تقييمك هذا من وحي خيالك !

فياريت توضح اكثر

 

[خير الكلام]

السلام عليكم

اخي العايش يعلم الله اني انصح فقط .
اخي الحمدلله انا بالغت شويه بسعر اعيان حتى 400 فلس كثير عليه (في الوقت الحالي ).
اخي المشرف مااعرف انطق اسمك بالعربي اسمحلي
انا شرحت كيفيه تقييمي للسهم راجع فوق .قلت بالنسبه للفايده هذي طريقتي .
خلنا نشوف الطرق الثانيه لتقييم السهم ؟
ابدا مستحيل اسكت عن الحق فمن واجبي تحذير الناس من (بعض) الشركات المشبوهه .
سنه 1973 رجل مفلس فيه جشع لعب على الناس والحين مليونير .
واللي تسمونهم هوامير ماهم الا خثاثيق من طمعنا وخيانه الاعلام وبعض اصحاب النفوس الرديه خلوا بعض المساكين يدشون على اسهم اللصوص والنتيجه خسارتهم لاموالهم وذهابها للخثاثيق اللي تسموهم هوامير .
شتسوى على الشايب اللي نزلت دمعته بالبورصه والله ماتسوى عليه .
وتجيني يالمشرف وتقول عطني طريقه علميه لتحليلي .
ومع اني ذكرت بالاعلى اني حسبتها مقابل الفايده .
اكرر واكرر اخوي المشرف ارجو منك نصح اهل المنتدى بالاسهم الطيبه ومن هذي الاسهم سهم عقار والكثير الكثير .
والسلام ختام

 

[العايش]

اخى العزيز خير الكلام السلام عليكم ورحمة الله وابركا تة


من كتا با تك نحس فيك الشجا عة و الرحمة للشيا ب وهذا تشكر علية

ما بخصوص السعر العا دل للشركا ت فا لى اعرفة ان السعر العا دل

= تدفقا ت الاربا ح نا قص المصرو فا ت و تقسيم البا قى على عدد الا سهم للشركة هذا حسب معرفتى البسيطة و نرجو التصحيح ان كنت على خطا ء

وكل انسا ن خطا ء الا من رحمة الله وتقبلوا تحيا تى اخوك العا يش

 

[حداق البورصة]

=================

اخيرا نصيحه للمستثمر الصغير اقوله عطني اذنك .انت شحققققققققققه تشتري بوبيان ب1300 والقرين ب100 فلس
.

كلامك عسل بس نطق طق بهل البورصة

لين ما تبلش الاكتتابات بعد الصيف

.

.

 

[knpcMAA]

=================
اخي الكريم انا قلت 1300 ووراها قلت 45 قلس يعني كنت اقصد قبل الارباح .
وحقيقه مادري ننطر على شنو ؟
على كل حال في هذه الاحوال لا خوف من خساره شديده ولكن في حال انهار السوق راح تتمنى تلاقى واحد يشتري بوبيان ب400 فلس .
وقبل لا ااستمر في الكلام راح انبهكم على شغله مهمه مادام الاقتصاد ممتاز مافي خوف عليكم .وبوبيان راح نشوف ب1400 انشالله .
اخيرا اخي الكريم يعلم الله وهذا من فضله انني من القله القليله التي خرجت من انهيار سنه 1997 بربح .
ويعلم الله ان تخطيطي بعيد عن المشاعر والاحاسيس وهذا اللي خلاني ماانصاد الى اللحظه هذي وهذا من فضل ربي .
فقط لسبب واحد لاني متاكد ان اغلب الهوامير لديهم شركات في السوق الكويتي لسلب رزق عباد الله ومن بين هذه الشركات جيزان والمشاريع .كلامي مو متناقض اشتر وبيع ولاتتوهق .
----------------
اخي العزيز المستفسر الكثير من الاخوان مايعجبهم الواقع .على العموم السوق بخير ولاتخافون من كلامي لان المشاريع المستقبليه كثيره جدا ولذلك اطمئنوا .
اخيرا نصيحه للمستثمر الصغير اقوله عطني اذنك .انت شحققققققققققه تشتري بوبيان ب1300 والقرين ب100 فلس
وشحقه تشتري بعض الشركات المشبوهه وتترك اسهم شركات الوقود .
حقيقه انا مستغرب .

السلام عليكم جميعا ..

شلونك اخوي خير الكلام ممكن اعرف لو تكرمت وتفضلت علينا

ان شلون قدرت وتمكنت وتخلصت بعد فضل الله سبحانه ان تنجو

من كارثة ومصيبة المناخ 97 ........!!!!

ارجو منك التفسير المطول للأهمية الامر .. وذلك لأستفادة كل أعضاء

المنتدي المبتدئين .. ذلك ولكم جزيل الشكر

ناطرين ردك لو سمحت ...


اخوك بو عبدالله

 

[الحمد لله]

السلام عليكم ،،،

أخوي خير الكلام تحملنا بعد أشوية، ونقول السعر العادل لسهم الرابطة جم الحين؟



مع الشكر والتقدير مسبقاً على ردك أخوي

 

[knpcMAA]

كارثة السوق 97

السلام عليكم جميعا ..

شلونك اخوي خير الكلام ممكن اعرف لو تكرمت وتفضلت علينا

ان شلون قدرت وتمكنت وتخلصت بعد فضل الله سبحانه ان تنجو

من كارثة ومصيبة المناخ 97 ........!!!!

ارجو منك التفسير المطول للأهمية الامر .. وذلك لأستفادة كل أعضاء

المنتدي المبتدئين .. ذلك ولكم جزيل الشكر

ناطرين ردك لو سمحت ...


اخوك بو عبدالله

السلام عليكم ...


للحين ناطرين ردك والاستفادة منك يا خير الكلام اذا تكرمت !!!


وسلامتك .....

بو عبدالله