أفضل مكان غسيل؟

[longinvestor]

شباب عندي جاكوار توني مطلعة من الوكالة
بس بعرف وين أفضل مكان اغسل فيه السيارة؟
خاصة اني ابي احط شمع لحمايتها
الماي افضل او البخار؟
لون السيارة اسود
وياريت ما يكون المكان زحمة
السعر ما يهم بس اهم شيء الشغل و المواد

 

[الاحمـد]

محطة الفلاح بشرق شغل نظيف ومرتب

 

[longinvestor]

وين التفاعل يا شباب

 

[top secret]

اول شي مبروك الموتر ويعطيك خيرها ويكفيك شرها

انا بعطيك نصيحه عشان موترك لونه اسود
لازم لما تيي تغسل السياره بالبدايه راح يرشها الغسال بالماي خلك واقف ووصيه يرشه وايد عشان ينزل الغبار منها عدل علشان لما يفرك السياره بالصابون الغبار مايزلق البدي ويسوي دوائر اللي تطلع وتبين بالشمس نصيحه الثانيه لك اخوي تشوف الغسال شنو القطعه اللي يفرك فيها بالصابون اذا قطعة زل قوله استريح ابي اسفنجه وتتاكد انها اسفنج لانه الاكثر يستخدمون قطعة زل موكت وتزلق السياره وتسوي داوئر ماتروح الا بالبوليش وتعال فجج كل يوم بوليش
وثالث شغله والاهم لما تخلص سيارتك من الفرك وتروح لين الكودريه( التنشيف) تمسكه وتقوله لو شفت الفوطه حاطها على سيارتي اذبحك لانه الفوطه تدمر البدي وتزلقه وتسوي دوائر وقوله مابيها لا داخل ولا بره ابد لاشوفك تمسح فيها انا قاعد اقولك حتى الطبلون لانه بعد فتره يصير اجلح وباهت وتوصيه كل شوي يغسل الكودري عن الصابون والغبار
طبعا هالشغلات عرفتها بعد معانات مع اللون الاسود
وآسف عالاطاله وتقبل مروري ومبروك الموتر وبالتوفيق

 

[صقر3]

Top ماعندك سياره للبيع انت تحافظ علي سيارتك عدل بس ملاحظاتك على الغسيل دقيقه اتمنا لك العافيه وصحه

 

[sanad2007]

محطة صافي واقطع

شغل عدل واستراحه حلوه وبارده تلفزيون وجريده وشاي وقهوه

وشغلهم راهي مو نظام جعوص الفوط على طول يغيرونهم والكودري

واذا دهنت سيرهم اوووووه يلحسونها لحس

والله يكون بعونك على اللون صج انه ملكي ورزه بس ماينفع بالكويت

 

[Bo-Jarrah]

محطه صافي جيده
اتعب على البنقال الي ينشفون سيارتك كل واحد نص دينار وعطهم سبراي تلميع تواير وسبراي تلميع داخليه
وشوف التنظيف على اصوله