شركة انترنت ومخالفه شروط عقود جميع المشتركين من قبل يونيو

[mash3an]

السلام عليكم

http://www.indexsignal.com/forum/showthread.php?t=293883

اكيد سمعتو عن المسرحيه الجديده الي مطبقينها كل شركات الانترنت بالكويت وهي الإستخدام العادل ( تحديد كميه البيانات الي انزلها باليوم الى حد معين بعد تجاوزها تنخفض السرعه تلقائيا الى الربع !! ) وزياده على هذا في حد شهري لمجموع البيانات الي تم تنزيلها ...



المهم الشغله هذي مو موجوده بالعقد الي تم توقيعه شهر 10 سنه 2010

وفجأه انصدم بهالشغله انها تتطبق علي ... يعني شايف السرعه شلون اقل من المفروض .. وهي 1/8 من السرعه الأصليه ...
وغير سرعه الأبلود الي هي 50 سؤاء كان اشتراكك 1 ميجا او 20 ميجا نفس السرعه !!
وغير الانقطاع المفاجئ للانترنت ...
وغير تسكير البورتات لبرنامج التورنت والتضييق علينا بكل ما اوتيتم من قوه ..
يعني فوق ما احنا شايفين كل هالظلم وماكل خرا وساكت فوق هذا تحطون هالسياسات الرجعيه احنا اليوم بنهايه 2011 ؟؟

الشغله هذي ماينسكت عنها خلاص انا زهقت .... واكيد في غيري كثير خاصه الي كانو مشتركين نفس حالتي قبل شهر 6


شنو اقدر اسوي ؟ ...في سبيل
أولا استرجاع حقي ...
ثانياً تغيير هذا الشيء وازاله هذي السياسه ...

رجاء الإفادة وشكراً

 

[kuwaityi]

بسراحه المجتمع الكويتي كله يعاني من هالمشكله امر مؤسف انا مشترك مع فيفا قبل عام والان بعد تحديد السرعه كلمتهم ان اتفاقي معاكم انترنت غير مقيد فقالوا بالعقد ان موافق علي جميع الشروط ومن ضمنها التعديلات في نظام الخدمة

 

[AL-AMIR]

والله ابتلشنا بالشركات الحراميه

ولا حول ولا قوة إلا بالله

 

[GOOGLE_KWT]

طبعا الي حط هذي الشروط يبي الكويت تتطور لي ورا
والله اعرف ناس اشتراكهم في الامارات 512 وربي يقولون يسوى اقوى اشتراك عندكم سواء بالقيم او التنزيل


الحمدالله انا انهيت كل اشتراكاتي الانترنت من شركات الهواتف واستخدم حاليا انترنت من dsl
لكن هم حراميه ولكن اهون من شركات الهواتف

بس ملاحظه : حتى شركات الانترنت الارضي قامت تحط بعضها حد للداونلود يعني بعضهم صارو نفس الشركات الي قال عنها الاخ

 

[silencee]

السلام وعليكم ورحمة الله

أخوي الكريم الان فيه حمله بهالخصوص ومع الاسف شركات dsl هي المعنيه

وكلنا نقول لا للإستخدام المحدود للإنتر نت

ولا نسمح للشركه الاخلال بالعقد المبرم

فالـــــــــــــ ( عقد شريعة المتعاقدين ) نتمنى منك أخذ صوره بالسكانر لخلف العقد فيه شروط وحطها لنا

وراح أبلغك ما يسفر عنه بهالحمله واجيبلك مسوده ماعليك الاا انك توقعها وتقدمها للمحكمه فقط

حملة المدونين ضد الانترنت المحدود في دولة الكويت
هذا الهاش تاق خاص بالحملة على تويتر #q8cap

لي عوده

 

[q8dragen]

يلا شباب دشو ويانه بحمله ضد شركات الانترنت اذا شافونه وايد غصب عنهم شيليون هل شغله نبي نهددهم انه نقطع اشتراكاتنه يردون الداولود مفتوح انا كلمت المحامي مالي قالي اذا انت شركه وعندك اثبات انك انظريت يدفعونلك تعويض بس اذا انت ماعندك خساره بس تاخذ قيمه اشتراكك بلكامله بس بعد مده بلمحاكم اذا تبي كلهمهم يعطونك فوسك هذا انا بروحي بس اذا حنه 1000 او اكثر غصب عنهم يتعدلون لانه ما يقدرون يخسرون 1000 وله 2000 اشتراك وله شريكم
انا سويت قروب بلفيس بوك عشان نظغط عليهم اذا صرنه الف انروح انكملهم نهددهم نسحب اشتراكتنه
شباب دشو ويانه بلحمله وانشالله خير
دشو على الفيس بوك وكتبو حمله مقاطعه شركات الانترنت وضيفوني وبعده بلقروب حلمه الضغط على شركات الانترنت

يلا ناطركم