خريطة طريق الكويت مكه المكرمه

[مستثمر2]

السلام عليكم شباب في احد عنده خريطة الكويت مكه من الخفجي وياليت اسامي المناطق

 

[Cccom]

اطلع من الساالمى احسن لك واقرب بعد

 

[Cccom]

وووهذي بعد لك اخوووي

 

[هاب الريح]

اخوي cccom؟

اطلع من الساالمى احسن لك واقرب بعد

هل الطريق سايد واحد ولا سريع وفي جسور ألف معها ولا الطريق سيده لي ظلم؟

كم الفرق بينه وبين طريق الكويت - الرياض - الطايف ؟

 

[هاب الريح]

و سمعت ان في 200 كيلو مقطعه لا محطة بنزين ولا ديرة صيحيح هل الكلام؟

 

[Cccom]

اخوي cccom؟

اطلع من الساالمى احسن لك واقرب بعد

هل الطريق سايد واحد ولا سريع وفي جسور ألف معها ولا الطريق سيده لي ظلم؟

كم الفرق بينه وبين طريق الكويت - الرياض - الطايف ؟

هههههههههههههه
مو انا اللى بساافر
الطريق امشى فيه وانا مغمض يا الحبيب
اللى يبى يرووح اخوونا
مستثمر2
بالتووووووووووفيق

 

[هاب الريح]

ادري انه مو انت اللي بتسافر

انا اقتبست جملتك وقاعد اسئلك عليه

(اطلع من الساالمى احسن لك واقرب بعد)

شلون احسن واقرب ؟

ما جاوبتني كم الفرق بينه وبين طريق الخفجي؟

وهل في مسافة كبيره بالطريق مافيه محطات بنزين؟

 

[Cccom]

الخريطة عندك
وبالنسبة للبنزين موجود فى كل مكااان
اما طريق المقطعه هذا يتكلمون عنه الشباب ما يصلحه لانه سايد واحد وفى حلال ومشاكله كثيره ولا يفضل فيه المشى بالليل

طريق السالمى من الكويت الى الرياض
كله حارتين ولا فيه مشااكل
والطريق جديد وممتع بعد وفيه محطاات كثيره
ومن تووصل الطائف اسكن فى فندق الميرديان فووق بالجبل
ولا تروووح للسيل الكبير
زحمه والسكن غااالى
هناك من تريح بالفندق فى ميقات يم الفندق وعلى طول تنزل من طلعت كرا وتكون مكة على شمالك

هذي نصيحة منى ولا تنساانى من الدعاء وليرحم ولديك لى ولوالدين ولجميع المسلمين

لا تسكن باي مكان غير فندق الميرديان طيعنى وموجود بالطائف فووق بالجبل برااد شى مو طبيعى

 

[هاب الريح]

جزاك الله خير والله يرحم والدينا والديك والدين المسلمين اجمعين

فعلآ سمعت كثير عن طريق المجمعة - ظلم انه خطر وخصوصأ بالليل

بالنسبه لي مريديان الطايف ما اعرفه بصراحة لاكن في فندق في قلب الطايف يمدحونه اعتقد اسمه فندق أولف انترناشنل

 

[Cccom]

هذا الفندق صااد وما عليه زحمه
وفيه ونظام فلل حق العائلات
ممتع جدا
ووتعديل بسيط
من تنزل من طلعة كرا

تكون مكة على يدك اليمين
لذا ووجب التوضيح والتنبية

 

[هاب الريح]

جزاك الله خير

جزاك الله خير وشكرأ لك

 

[::فزاع::]

والله مانصحك بطرريق كراا

لو تخلي طلعتك من الطايف الى مكه

عن طريق السيل احسن لك وآمن

 

[Cccom]

والله مانصحك بطرريق كراا

لو تخلي طلعتك من الطايف الى مكه

عن طريق السيل احسن لك وآمن

اخوي فزااع
انت خبرك بالطريق من قديم

الحين من افضل واحسن الطرق
روووووووووعه ما بعدها روووووووووووعه
الطريق سايدين منفصلين وكل سايد حارتين
وفيهم اضاءه بعد
ولا اي مشكله فيه
انا انصح بشده فيه

 

[freemanq8]

الله يسمح درب اللي بيسافر وانا من زمان ماسافرت سيارة بس مرة رحت المدينة المنورة علي ساكنها الصلاة والسلام قبل لا اوصلها مافي محطات بانزين علي الطريق لمسافة 200 كيلو خاصة للي توانكي بانزينهم صغيير وطبعا الكلام صار لة مدة