يا جماعه ساعدوني تكفون؟

[فرحان جداً]

بسم الله الرحمن الرحيم

يا جماعه انا كان عندي اسهم بشركة كويت انفست ولا ادري شنو اسوي؟

يعني بالعربي عندي 7500 سهم........الحين شنو صار فيهم؟ وشنو اسوي؟؟ ممكن مساعده


ارجوكم

 

[Navigator]

تم دمج الشركه يالحبيب

واسهمك موجوده

اعتقد باسم الدولية للتمويل

 

[فرحان جداً]

انزين جم صار عندي سهم وهل راح يعطوني فلوس واذا يعطون شلون اخذهم؟؟؟

 

[Navigator]

انزين جم صار عندي سهم وهل راح يعطوني فلوس واذا يعطون شلون اخذهم؟؟؟

يالغالي اعتذر منك ما عندي علم بخصوص حسبة الدمج وان شاء الله الاخوان يفيدونك

او تراجع الشركه اللي تتداول فيها ويبلغوك بكمية اسهمك

وما راح يعطونك فلوس

 

[فرحان جداً]

متأكد انهم ما يعطوني فلوس؟ انا قريت ان في 33 فلس على السهم بس شنو هذا بالضبط ما ادري؟؟؟؟؟؟؟؟؟؟؟ و وين اروح حق شركتي مالت التداول؟ انزين لها فرعين بالمنشر و الرئيسيه...اروح وين(((((((

اللي يسمعني يقول ربحان...........خسران 80% من فلوسي يا ليت التجار يردونهم لي

 

[faisal134]

اطلب كشف من وسيطك تلاقيهم مو جودين بس الحسبه مادري

 

[alnmr]

فعلا فيها33 فلس بس راح ايوزعونها ولا شنو ايسوون فيها الله أعلم زائد الاسهم عموما تلقاهم ابمحفضتك عند وسيطك

 

[عالم الابداع]

انا جيت فازع احسب فيه تحليل والا شي ثاني

بس طلع شي مااعندي علم فيه


اتمنالك التوفيق

 

[فرحان جداً]

جماعه سمعت ان في نقدي بالنسبه للتحويل من كويت انفست الى دوليه للتمويل....من وين احصل على الفلوس؟

 

[طبعنا]

اخوي اول شي طلع كشف حساب من مكتب الوساطة وبعدها راجع الشركة

 

[فرحان جداً]

يا جماعه وين يوزعون فلوس النقدي مال التسويه اللي صارت؟وشلون اراجع الشركه وانا ما ادل مكانها اصلاً

 

[اللمبى]

يااخو اطلب كشف من المكتب وراح تعرف كم سهم عندك اعتقد ثلث اسهمك

وتلقي الشيك موجود عند المقاصه من خلال مكتبك او عند مقر الشركه الام

المبلغ راح يكون بسيط جدا


اتمني لك التوفيق

 

[فرحان جداً]

دقيت على شركتي يقولون ما يدرون عن شي واذا لي تشيك لازم استلمه من برج احمد!!!؟

 

[متدرب أصيل]

بس لا تزعل مني
صج ما أتغشمر
يمكن تقدر تشتري فيهم كنفة مقعد واحد هزاز وتقعد جدام الدريشة تبجي
تذكر دعاية ماكدونالدز مالت الصبي اللي يشوف الشعار من الدريشة ويبجي
أنا حبيت انك ما تتفاجأ لما تروح تستلم الشيك
الله يوفقك يالغالي

 

[ليث متواضع]

الشيك تستلمه من برج أحمد الدور الأول
والله أعلم موفق خير

 

[فرحان جداً]

بس لا تزعل مني
صج ما أتغشمر
يمكن تقدر تشتري فيهم كنفة مقعد واحد هزاز وتقعد جدام الدريشة تبجي
تذكر دعاية ماكدونالدز مالت الصبي اللي يشوف الشعار من الدريشة ويبجي
أنا حبيت انك ما تتفاجأ لما تروح تستلم الشيك
الله يوفقك يالغالي

اخوي انا ما قدرت اشتري الكنفه اللي تقول عنها بس ابشرك قعدت عند الدريشه وسقتها بجيه لين قلت بس :> خلها على الله

انزين معقوله بالمنتدى ماكو ولا واحد شاري بهالشركه غيري؟ بعرف من وين استلم فلوسي؟ لان رحت برج احمد قبل مده قالولي ماكو شي بأسمك!!!!!! وشركتي اللي قاعد اتداول عن طريقهم قالولي روح برج احمد!!!!