شوارعنا تعج بالسكارى من غير خمر

[Navigator]

السلام عليكم ورحمة الله وبركاته

في البداية اعذروني على الوصف ولكن الفلاق ضئيل بين الحالتين

سابقاً اي سياره تتعرج في سيرها مره يمين ومره يسار يتضح ان سائقها مخمور

حالياً اي سياره تتعرج في سيرها يتضح ان سائقها مشغول بغير القياده والطريق

عابث بارواح مقتادي الطريق وضارب القوانين عرض الحائط

والسبب برودكاست !!!

لو دكتور طوارئ يمكن تترقع

لكن عواطلي ويشوف برودكاست نفسه

كم مرّه اتفادى الاصطدام بهم والله ستر وسلم لكن الى متى ؟

حملات اعلانية ما تفيد وياهم الشوارع صايره حلبات سباق من السرعه الزايده والحين زادوها بالاجهزه اللي ما تصلح لهم

يا جماعه نبي حل

شرّعوا قوانين جديده وشدّدوا العقوبات والا فرحانين بتحصيل الغرامات على
حساب ارواحنا وارواح المسلمين ؟

ليش عقوبة قطع الاشارة الضوئية هي الاقل في العالم عندنا ؟

والله في الدول اللي أقل منا من حيث مستوى المعيشه والحريات العقوبه
تعادل 10 اضعاف راتب المخالف

غير السجن وما خلافه

الهذه الدرجه ارواحنا رخيصه ؟

الله يكافيكم الشر مستشفى الرازي متروس عن آخره والعمليات الجراحية ماخذه مواعيد خيالية

السرعه + الاهمال في القياده

نبي لهم حل

 

[نجوم777]

كله من سبب واحد الاى فون ....عندى موضوع عنه الاى فون هذا الشيطان الصغير ..... بلاء وفتنه الله يبعدنا عنه ...حتى بالمسجد الناس تتعبث فيه ...

 

[بو شيشه]

السالفة مو سالفة برودكاست ولا تلفونات
السالفة باختصار هو التهور كثير من الناس الله يهديهم ماخذين الشارع لهم ويشطفونك شطف كأنهم واثقين انك راح تنتبه لهم و تفسح لهم الطريق

 

[abdullah6868]

هذى مشكلة تعانى منها حتى امريكا
فى الويك اند بامريكا على الهاى وى اغلب سائقين المركبات سكارى

ولكن فى الكويت تهور واستهتار بشكل مو طبيعى

الله يستر على الجميع

 

[Navigator]

السالفة مو سالفة برودكاست ولا تلفونات
السالفة باختصار هو التهور كثير من الناس الله يهديهم ماخذين الشارع لهم ويشطفونك شطف كأنهم واثقين انك راح تنتبه لهم و تفسح لهم الطريق

واغلبهم صغار بالسن وين التجنيد يعلمهم يلتزمون شوية ::verymad::

هذى مشكلة تعانى منها حتى امريكا
فى الويك اند بامريكا على الهاى وى اغلب سائقين المركبات سكارى

ولكن فى الكويت تهور واستهتار بشكل مو طبيعى

الله يستر على الجميع

هلا بو علي

بس بامريكا الدوريات تارسه الشوارع ويا ويله اللي يصيدونه سكران او متجاوز
الاشارة الحمراء

وزراء ومشاهير عندهم يدشون السجن بسبب تجاوز الاشارة الحمراء

لا والمدة مو اقل من 3 شهور

 

[Low Fat]

شباب طايش الأب عجز وهو يوجه

والدوله مو مخليه شئ بـ الأعلام المرئي والمسموع ألا وحذروا من السرعه وتجاوز الأشارات الحمرا ..

لدرجة يتم تجاوز القوانين المروريه بلا مبالاه رغم الأدله اللتي تنشر للعضه ..

نسأل الله لنا ولهم الهدايه والسلامه ,,​

 

[بو شيشه]

قاعد اطوف اشارات و ادوس و قاعد انتقد
<<<<<صج متناقض

 

[العاشق]

عز الله صدقت تهور وستهتار ومورادين على احد امنعو التلفون العادي اثناء القياده وهذيلاااا طايحيله بيبي وتفاهااات مالها لا اول ولا تالي ممدي عليهاا

دقت علي اختي وقالت تعااال الحين رحت لها طيران اطالع الااا سيارة ولدها

مدعومه عند الباب اخترعت دشيت الاااااا الحبيب هلاااااا خالي مافيه الا العافيه وختي وراه قالت شوف هالولد كل يوم داعم بسيارته وهالمره داش بعااايله بعد بسبة هالاتاري اللي بيده ويقول تلفون

طالعته قال خالي جاني واتس اب مهم ولهيت ودعمت

سخااااااااافه اطالعه رجال 23 سنه ادوس ابطنه ولااا شسويله هذا

سفلت فيه وقلت هالمره بصلح السياره وان دعمت مره ثانيه بشتريلك قاري ولا روح الجامعه كعابي

اختي تقول ليتك دايس ابطنه من الحره بيذبح هالعجوز​

 

[قلم حر]

يا معود السكران اهون منهم على الاقل السكران مركز

حده يعني مو سكران وصاير جنه اعور من التركيز

اما جيل البرودكاست مشغول حده من الفراغه بتلفونه

ومايدري عن الشارع

وبعدين هذا انسان ما خاف على روحه تبونه يخاف على

عيال الناس

انا اقول لازم يرجع عصر الخيازرين اللي منقعه بماي وملح


​

 

[نجوم777]

الاغانى بالسياره ماتعتقدوون انها تسبب سرحان ..واندماج ...وخيالات ...وفقد للعقل ....والا ماتعتقدوون ...انا اعتقد انه الاغانى من الشر الى يخليك ماتركز حتى بالسياقه

 

[abo Rana]

صج الحين ماتدري اللي يسوق سكران او يطالع الواتس اب

 

[بوالعيس بيك]

صج الحين ماتدري اللي يسوق سكران او يطالع الواتس اب

تصدق السكران يسوق أحسن من إللي يطالع الواتس أب

 

[abo Rana]

تصدق السكران يسوق أحسن من إللي يطالع الواتس أب

تصدق اني اذا شفت الواتس اب سيارتي من قطعه لي قطعه

 

[بوالعيس بيك]

تصدق اني اذا شفت الواتس اب سيارتي من قطعه لي قطعه

تصدق جم مره صار حادث جدامي والسبه الواتس أب

تلقي البنت أو الولد منزل راسه ومايدري إلا داعم إللي جدامه

 

[away1979]

تصدقون إني شاك فيكم ثنينكم ​

 

[بوالعيس بيك]

تصدقون إني شاك فيكم ثنينكم ​

ولييييين هذي أعراض فايرس المدير ​

 

[جواهر]

ان كان عن الحوادث اسبابها كثير واهمها السرعه الزايده
وهو استهتار بالمقام الاول وبالفتره الاخيره اجهز الجوال زادت الطين بله
قبل يومين كنت امشي بالممشى واشوف وحده بنت صغيره بالسن بحدود 16 سنه
وهي قاطعه السكه رايحه للسوبر ماركت وبايدها البيبي ولاتطالع بالطريق وبعدين وقفت
بمكانها الجوال بأيدها ولا كأنها قاطعه طريق ولا كنه في سيارات وفي شباب متهور ممكن يصدمها ولا شي صارت هالجوالات لاحسه عقول الناس حتى بالطريق لاحول ولاقوه

شكرا لك بو سلمان