المطاعم

[ياسر وردان رسلي]

المطاعم بكافة درجاتها
من الأبسط الى الفاخرة
من الخليجية والعربية والأوربية والآسيوية ... والخ

هل المطاعم تحافظ على المواد الغذائية اليومية طازجة وغير منتهية الصلاحية ؟

هل المطاعم تحافظ على الطبخ الصحي والنظيف وغير مكررة الاستعمال ؟

هل عمال المطبخ سليمين صحيا ومحافظون في الطبخ بالنظافة ؟


شعر عمال الطبخ في الأطعمة

والعطاس

والعرق

والأمراض الجلدية والمعدية

عدم سلامة نظافة اصابع اليد واليدين

الزيت المكرر

اللحوم والدجاج ... والخ

الله يعلم مصدرها وصلاحيتها والفاسدة

والأطعمة كافة

الصراصير

والديدان

والفئران

والقطط

والذباب

 

[circuit]

الحمدالله لستُ من رواد المطاعم>>>> متأثره بموضوع نجوم
وماحب اكلهم وبالذات الوجبات السريعه الحمدالله ع النعمه

 

[ياسر وردان رسلي]

ماهو موضوع نجوم ؟

 

[circuit]

اللغه العربيه :$

 

[ياسر وردان رسلي]

شكرًا

 

[نجوم777]

موضوعك حلو اخوى ياسر ....لكن وين الى يمنع نفسه عن المطاعم ...والله احلى اكل فى البيت لكن ...؟؟؟؟؟ شنو السر الى يخلى وجبه هارديز قدام عيونك لما اتجوع ..كل موجود ولله الحمد فى البيت ...العيب فينا وانا اخوك ..والا المطاعم مااتعرف شتاكل فيها هذاك اليوم مطعم يوكل الناس لحم حمير الله يكرم السامع

 

[B-A-1983-A-B]

وجبات الوالدة الله يخليها
المقبلات :
فتوش تبولة كبة بطاط كبة برغل حمص متبل سلطة سيزر باشميل
الحلويات :
عيش السرايا عش البلبل كنافة محلبية جلي كيك فاطمة حسين
المجابيس :
مجبوس دياي مجبوس لحم مطبق ربيان او زبيدي بالاضافة الى حميسة ربيان
مرقوق لحم
تشريبة
بالاضافة الى اصناف كثيرة لا تعد ولا تحصى الله يخلي الوالدة


بس بخاطري بخبز تنور من البيت مثل ايام اول يحطون فية شوية ملح تحس بطعم الخبز وانت تاكل بس وين الي يخبز اليوم

بالنسبة حق المطاعم لاتقولي في مطعم نظيف كلهم مثل مثل والوصاخة عد وخربط اذا تحصلة حلو بشي تحصلة مو شي بنظافتة او بشغلة او باي شي ثاني خاص بنشاطة .... يمدحون خبز + جبن كيري + قلاص جاي نظيف ويترس البطن وسريع

 

[ياسر وردان رسلي]

يعني

المطاعم

لا نظافة

ولا جودة

في الأطعمة

 

[ياسر وردان رسلي]

الوجبات السريعة

والمأكولات الخفيفة

والمشويات

والأكلات الكويتية

والهندية

لا

نظافة

 

[نجوم777]

عندنا مطعم بالجهراء الصناعيه لحمه طازج يعنى الكباب لحم خروف طازج ...والماعون على دينارين ..اربع شياش صغيره ...بس والله مااينشبع منه ...ومبين عليه نظيف ...وزحمه حيل .....الطلب يوصلك اذا فى البيت بعد ساعه ونص ...الله يرزقه الناس زحمه عنده

 

[بو شيشه]

الحكم على المطاعم برأي واحد صعب
يعتمد ..في مطاعم نظيفه وفي مطاعم مو نظيفة وهم العمال يلعبون دور كبير في النظافه
مثال..في مطعم من المطاعم اغلب زباينه بنتقدون نظافته بالمشويات..لكن بعد فتره تغير معلم المشويات و توظف عندهم معلم يديد خبره و نظيف و هم عليه خلطه حلوه...والحين اغلب زباينه يمدحونه حيل...يمدحون مشوياته فقط
بصراحه صعب تحكم على جميع المطاعم بحكم واحد..في الزين وفي والشين

 

[ياسر وردان رسلي]

كيف حكمت على نظافة المطاعم

انت لا تعلم ما يحصل من الداخل من عمال المطبخ

من تقطيع وقص الخضروات والفواكه وخلط العجين والكباب .... والخ

من ايدي العامل واصابع الايدي

يمسح بها انفه والاذن

ومسح العرق

والابط

والعطاس

والحساسية

وقضاء الحاجه دون غسل الايدي

 

[الهمس الخجول]

طبعاً مافي انظف ولا آلذ من أكل البيت ..!
المطاعم اللي مابتهتم بمستوى النظافه ولاحتى بجودهـ الأكل هذي نشوفها على طريق السفر المحل يكوون صغير جزء منه لاعداد الأكل وكمان مايكون فيه تكييف والجزء الثاني للكاشير والجزء الباقي للزباين يمسكون سرى فيه ولابعد العامل تلاقيه مو لابس قفاز وقبل لايلف الساندويتش يحك رأسه ووع ويدينه كلها شعر الله يديم النعمه بس واللهي هالنوعيات شفتهم اكثر من مرهـ برى الرياض بالمناطق القريبه من القويعيه ومرات يسون مثل الغرف الصغيرهـ بجنب بعض ويقولوآ استراحه للمسافرين ولما تطلب اكل ماعندهم الأ رز ودقوس معه بيبسي ولابعد البيبسي حار مو حاطينه بالثلاجه ..
لكن في المقابل في مطاعم كبيرهـ لها اسمها ومعروفه اما عالمياً او محلياً بسبب انتشار فروعها هذي المطاعم تحرص على سمعتها فتشدد كثير على مستوى النظافه وكمان الأماكن المخصصه لأعداد الطعام تكون مجهزه ومكيفه وكمان حديثه وتخضع للرقابه ..!
ياسر اذا لك خاطر باآكل المطاعمـ لاتروح الا لمطاعم معروفه ومشهورهـ على مستوى الكويت والخليج اما اللي تجيك محلات على الشارع او على طريق السفر لاتقرب لهم ولاتشتري من عندهم ابد ..!

 

[ياسر وردان رسلي]

نسال الله العفو والعافية