الى عملاء بيتك للتداول

[topic_love]

السلام عليكم ورحمة الله وبركاته

يعطيكم العافيه


اخواني عملاء بيتك للتداول


نبي توضيح منكم للمبتدئين مثلي عن بيتك للتداول

لأن بالبحث بقوقل لقيت اراء كثير البعض يقول البرنامج يعلق والكثير تواجههم مشاكل

نبي نعرف الأستخدام من البدايه


وشنو عيوب البرنامج او السلبيات اللي تواجهكم


فتح الحساب يكون بـ 500 دينار بس هل استطيع سحب المبلغ والا المبلغ يكون مجمد ؟


لقيت هالموضوع في موقع المؤشرنت فيه الكثير من الأسئله وفي اجوبه بس الموضوع من 2007 فأتوقع الحين الوضع تغير

ومشكورين مقدما والله يعطيكم العافيه

واتمنى الموضوع يكون مفيد

تحيتي

 

[topic_love]

اسف هذا الموضوع

http://www.indexsignal.com/forum/showthread.php?t=76195&page=4

 

[bogazi80]

ياهلا بالحبيب.. اي نعم تقدر تسحب المبلغ
والبرنامج القديم أفضل بكثير... الجديد شوي معقد بس زين يمشي الحال..
اذا انت جديد على التداول احسن لك اتروح حق بيتك للتداول بكيفان خلف الجمعية او المبنى الرئيسي
وتتعلم منهم شلون تتداول ماتأخذ منك ساعة واللة يرزقك ..وادعيلنا يالحبيب

 

[topic_love]

الله يجزاك خير اخوي

ومشكور وماقصرت

بس ياليت لو توضح لنا شنو العيوب او المشاكل اللي تواجهك بالبرنامج

 

[ajeeb]

اترجاك تنحاش منهم
نظام التداول غير صالح وصل فيه الخراب انك تحط امر فوري تنطر عليه اهو وكيفه ينفذه بعد ساعه بعد ثلاث ساعات ومكن ما يتنفذ ويحطه بالانتظار ويحجز فلوسك ومستحيل تلغيه الا
تدق عليهم وتقولهم المشكله وبعد ربع ساعه يلغونه ويقولك اسفين هذا الكلام بعد ماصلحوه على قولتهم كل نظام جديد فيه مشاكل
هذا البرنامج ياليت فيه مشاكل هذا البرنامج من اصله مغشوش وخراب
اترجاك من كل قلبي تنحاش

 

[topic_love]

اوف لهالدرجه

بس اشوف الكثير مشتركين فيه اخوي ؟

وشنو تنصح بغير بيتك للتداول اذا ابي اتداول عن طريق النت ؟

 

[بوعبدالمحسن]

انا عاجبني الصراحه واعتقد انه زين

 

[topic_love]

يعطيك العافيه اخوي ابو عبدالمحسن على تواصلك

 

[topic_love]

اشدعوه يا جماعه المشاهدات 263 والردود بس 3 اخوان !!!

 

[Kaubar]

الشهاده لله اخوي ماجربت غيره يمكن لو اجرب غيره اقول وين كنت دافن نفسي

انا استخدمه على شان الأسهم الشرعيه

ماشي حاله البرنامج القديم يعلق وغيروه الحين مافي برنامج تنزله الي كمبيوترك دايرك تدش

الموقع وتتداول

البرنامج وحده موكفايه راح تحتاج في بعض الأحيان الي الأتصال عليهم لحل بعض المشاكل

عيوبه ساعات يتأخر في تنزيل الأوامر

اما تحويل الفلوس وسحبها ولا اروع

تمنياتي لك بالتوفيق

 

[بوعبدالمحسن]

يمكن الناس تسأل ليش غيروا برنامجهم بيتك للتداول

انا الصراحه ما ادري ولكن اعتقد والله اعلم للأسباب التالية

1. البرنامج القديم لا يعمل الا مع الويندوز فقط
2. مع تزايد عدد مستخدمين شركة ابل من الذكاء ان بيت للتداول
يوفر امكانية التداول لكافة المستخدمين

يعني اللي عنده ايباد او كمبيوتر ماك او يشتغل على نظام اللينكس كل هذيله في السابق ما يقدرون يستخدمون البرنامج الا اذا استخدموا جهاز يشغل نظام ويندوز المتخلف

في حين الان كل المستخدمين بكل اطياف وانواع انظمة التشغيل تستطيع التداول لان الناظم الجديد يعتحمد على المتصفح المدعم بالجافا

وثاني شي انا شايف ان البرنامج الجديد فيه خيارات اكثر للمتداول من السابق

اما عن مشاكل الاوامر الصراحه لم تواجهني وان شاء الله يحلونها

الصبر زين وبسكم تحلطم !

 

[topic_love]

الله يعطيكم العافيه

وبيض الله وجيهكم

الصراحه الواحد يبي بيتك للتداول مثل ما ذكر اخوي كوبرا للأسهم الشرعيه

ولأن تقدر تحول الفلوس من حسابك للتداول

بس الحين ترددت اذا يتأخر بالاوامر وما ينفذها

واتمنى ردود اكثر من الأخوان


شاكرلكم

 

[topic_love]

للرفــــــــــــع

 

[xTrader]

امركم عجيب صراحة

يعني الحين الواحد اذا يتداول مع وسيط شرعي يحس بالطمئنينة لانه شرعي ويحس مثلا انه ياخذ اجر



يبه النظام شفته عند كذا واحد من الربع نظام لي الحين فيه مشاكل
ويوهق الواحد
هذا تداول لا تستهين يالمشاكل هذي ممكن تورطك
والشركات هذي ما عليها منك

ومراح ادخل بالشرعية لاني شفت سوالف عجيبه غريبة من بعض الشركات

عندك مثال
سهم ياكو لما كان بحدود ال 130 فلس كان بره القائمة الشرعية
مع انه بيتي يملك فيه وقتها

وبعد ما طار السهم صار شرعي مهزلة

العب العب

 

[topic_love]

والله شكلي ببعد عنهم

اذا ما ينفذ الأمر ويعلق يعني السهم بين وقت بسيط يرتفع وينزل اذا ما ينفع الأمر الا بعد ساعه شنو بستفيد منه !


الله يعطيكم العافيه


بس ممكن تذكرون بديل

 

[topic_love]

للرفـــــــع