تعدي الاشاره

[ابو الدنانير]

السلام عليكم
اخواني شنو العقوبه القانونيه لتخطي الاشاره الحمراء؟
اللي يعرف كم الغرامه أو اذا فيه عقوبه غير الغرامه يفيدني جزاه الله خير .
وشكرا

 

[بو شيشه]

غرامتها 50 دينار
ما لها عقوبة الا اذا كانت مباشرة من العسكري له الحق بسحب رخصتك وعادة تكون لمدة شهر
هالحجي من تجربة والله اعلم

 

[nabhaan79]

يا وييييييييييييييلك

إنت رحت فيها

شوف دش على الصفحه القانونيه للمحامي عباس حمزه

ويعتمد كم كانت سرعتك وأي وقت وأي ساعه

لو كنت بساعة الذروة رحت وطي ولو كانت بساعة الصفر هم رحت وطي بالنهايه كل الحالات رحت وطي

وبعد سيارتك مخلص تأمينها واللا لأ ياويلك صراحه

شوف إذا قاضي المرور سمح معاك وحبك من أول نظره وقال أعد يابني يعني سالفتك مطوله وحاس إنك بتنهار قبل النطق بالحكم

وإذا شفت قالك هو في حد لاحأك واللا معاك عما ألوان إهني إحمد ربك هالقاضي يبي يرحمك

بالنهايه ما أقولك غير ترا أتغشمر معاك

والغرامه 50 وبس واحمد ربك ما دعمت أحد

 

[ابو الدنانير]

اخوي بو شيشه جزاك الله خير عالافاده ما قصرت ولد عمي.
ولد عمي نبهان يعطيك العافيه على هالروح المرحه وخفة الدم والله يا خوك الاشاره كانت صفرا واشوف الاوادم كلهم وقفوا وانا كنت زهقان ومريت جان اتفاجأ بالفلاش عرفت وقتها ليش هالعالم كلها صارت منضبطه وانا اول مره تصورني كامره عند اشاره عشان جذيه قلت خل استفسر .
شاكر لكم الافاده.*

 

[داشه عرض!!]

مثل ما قالو الاخوان 50 دينار

 

[nabhaan79]

زياده على المعلومات

إذا كنت في العاصمه وتبي تدفع

مرات يقولك الصندوق إن المخالفه مسكره روح إفتحها

إنت تروح فوق قسم الكاميرات أو مادري شنو المهم تعطيهم البرنت ويطقله كم طقه على الجهاز ويقولك روح إدفعها الحين ...

ترا عادي ماكو شي بس صراحه خمسين تطير جذي هذا الحرام بس إعتبرها دعم لإدارة المرور مثل ما أنا أقص على نفسي دائما ^_^

 

[مهرة بلا فارس]

وازيدك من الشعر بيت

لا تكلف نفسك تروحلهم ادفع من النت عن طريق موقع الوزاره ويدخلك على شركه الكي نت وادفع وانت مرتاح

الله يالتكنلوجيا بس

 

[nabhaan79]

مادري بس طرا علي

زورو

zoro

 

[مهرة بلا فارس]

رمز العدالة

 

[كوهجي]

الله ستر يابوالدنانير هالمره

موكل مره تسلم الجره !!

للاسف أخطر الحوادث تصير من تعدي الاشاره

الحين الواحد قام يخاف يطوف الخضره

لازم يتاكد من الشارع تالي يطوف .

عقب ماقامت الباصات والشاحنات تطوف الاشاره

وين يعورها كلها حديد ​