تحديد حجم التحميل اليومي من شركات الانترنت

[Q8DSL]

بسم الله الرحمن الرحيم

قامت جميع الشركات الانترنت بالكويت من دون استثناء ومن دون سابق انذار بتحديد حجم التحميل اليومي , وفي حال تخطي حجم التحميل المحدد يتم خفض سرعة الانترنت بينما في الدول الاخرى يحدث العكس حيث تقل تكاليف تقديم الانترنت وترتفع السرعات من دون تقييد العميل

ومن اجل المطالبة وحماية المستهلك سيتم الاتصال بأعضاء مجلس الأمة والتواصل معهم

http://www.q8dsl.com/dsl

 

[Q8DSL]

للرفع

 

[المرسومي]

كثير منا يرا ان اثنين قيقا كافية يوميا

لكنه نسي اننا في زمن الالياف الضوئية لنقل المعلومات بسرعة فائقة
ودولة الكويت سائرة قدما في هذا المجال
ولن تكفي اي شخص سعة محددة للبيانات مع متعة السرعة وتوجه الناس للنت وترك حتى الستلايت

فهل شركات النت تهيئ نفسها لاستغلالنا وزيادة الاسعار من اجل سعات اكبر !!؟؟
أم أنها تبحث عن العدل بين المشتركين وصحى ضميرها اخيرا

 

[Q8DSL]

اخوي المرسومي القرار طلع فجأة ولحد الان المشتركين اغلبهم مايعرف ولا يدري عنه بشئ

تحياتي لك

 

[ابو عبدالله htc]

السلام عليكم
صراحه الي حاصل الان اسخفاف بعقول الشعب
اقل تقدير تابعلك كم مقطع على اليوتيوب 3d
عشر دقايق فوق 500 ميقا بايت
بالله اقنعني الان 2 قيقا باليوم شنو تكفي
حسبي الله ونعم الوكيل

 

[Q8DSL]

للأسف المشكلة ان توقيتهم مدروس الناس مشغولة بالاوضاع السياسة والامتحانات وقرب الصيف

2 جيجا ولا شي باليوم الواحد هذي تخلص على يوتيوب فقط

شرفنا تسجيلك ابو عبدالله تحياتي لك

 

[LEXUS]

انا عندي فيفا كل ما انزل فايل يوصل لي النص و يوقف خصوصا لما يكون الفايل اكثر من 100 ميقا
مع ان اشتراكي واضح ( شهري غير محدد )

ومره اقطعو عني النت لمده اسبوع و الحجه انه الكيبل ضارب طيب منو يعوضني عن هالفتره و انا دافع مقدم - بكل بساطه قالولي مو مشكلتنا ؟؟؟

الشرهه على وزاره المواصلات

 

[realday]

الاعلى سعرا والاتعس خدمة عملاء في منطقة الشرق الاوسط

لا يوجد في الكويت هيئة اتصالات تنظم العلاقة بين المستهلك العميل للشركات وكبرى الشركات للاتصالات الجهه الرقابيه الوحيد هي وزارة المواصلات وجميع الشركات للاتصالات تملك تقنيات اكثر تطوا من الوزاره نفسها بالمنطق كيف تكون جهه اقل تقنيا من الجهه المراد رقابه جودة الخدمه فيها؟؟؟ بالعربي مو معقول !!!! نبي هيئة اتصالات نبي انعرف حقنا !!! والي لنا والي علينا حتى الخطوط الي تشتريها بالمبلغ الفلاني تتراوح اسعارها من 10 دينار الى 1000 دينار لا تمتلكها؟؟؟ ففي حالة تخلفك عن سداد الخدمات يسحب الخط ؟؟؟ مثلها كمثل الي عنده سياره شاريها ب10 الاف دينار مابي اصب فيها بانزين مو معقوله تسحبها مني محطات تعبئة الوقود؟؟ نبي انحول لشركات ثانيه نبي نتمتع بحرية الخطوط نبي انترنت نفس الدول المجاوره الي اجهزتهم مو طبيعيه خاصه شركة اس تي سي الاتصالات السعوديه الي اهوا جهاز راوتر زائد تلفزيون قنوات (شوتايم) نفس ابل تي في بس الفرق ان اضافه له خدمة انترنت زايده وبسعر معقول بس احنا من الشق للشق ماكلينا وخدمة العملاء اعتذر عن التعليق المستهلك عباره عن كره عندهم كل شركة اشوت والثانيه اصلح !!!! ووحده اصفق الي متعقد منه على كثر الضرايب في دول مثل الاردن والقوانين الي على شركات الاتصالات قيمة الدقيقه ارخص والمعدات اهيا المعدات والابراج اهيا الابراج نفس الشركات المصنعه ويتعذرون عندنا بتكاليف التشغيل مع ان مافي لا ضرايب نفس باقي الدول ولا في هيئات رقابيه صارمه وماكلينا؟؟ الاتصالات الدوليه للحين احنا الاغلى الدول والشركات الثانيه تتنافس بالعروض وللحين رافضين مبدأ الvoip مع ان كل الاجهزه الحديثه تدعم هالتقنيه ؟؟؟ وتستخدم بالكويت والي يستخدم هالتقنيه بشكل علني عن طريق النت لها مسمى بالوزاره ومواقع اسكرها الوزاره بحجة بيع الاتصالات دولي بشكل غير شرعي خلاص ما تبون الناس تدخل هالمواقع خفض التعرفه وشوف العالم شلون راح تصرف فلوس داخل الكويت اتصالات دوليه من الاجانب حتى مافي مجال للمقارنه اسعار الدقايق فرق بالنت عن الوزاره وتعرفتها ؟؟؟ 30 فلس دول الخليج الى 70 فلس بالنت تعرفة الوزاره 150 طبعا زائد كسر نسبه بالميه اضافه على الخطوط مسبقه الدفع؟؟ واي مشكله ما يحلها الفرع راجع الرئيسي اقدم الخدمه عندهم واصلحها بمكان اخر الدنيا انا عميل مفروض ما اطق درب عشان غلط من عندهم اهما مفروض يصلحونه مو يدفع العميل ويروح يراكض يدور احد يصلح له خلل ؟؟ لا حاسبين قيمة الوقت ولا شي الي تصرفه مراكض ورى تعديل خلل هم سبب فيه واشتراكك ماشي؟؟ عليك ليما تتصلح الخدمه؟؟؟ شهور خربت النت واشتراكتنا ماشيه محد عوضنا؟؟؟ ولا حتى عندهم مبدا ارضاء العميل اهم شي تدفع الشرط الجزائي وتطلع برا الشركه وفي غيرك عندهم واعتقد انهم ربحانين سواء اشترك او لغيت 50 دينار او 100 بتعطيهم ارباح ربع سنويه تضاف لهم وانت من جيبك الخساره وين مبدأ العدل؟؟

 

[foxmind]

للأسف الشعب الكويتي اصبح اضحوكه للشركات وعدم مقاطعتهم ستجعلهم يستمرون في القرارات التي تضر الناس واعتقد في حمله في الشبكه الوطنيه لايجاد حل بمقاطعة الشركات والاكتفاء بشركه واحده نتمنى المشاركه من الجميع وعدم السكوت

 

[asnan]

شباب شرايكم نقوم في حملة انهاء الاشتراكات

في الفيس بوك في يوم معين مع جميع الشركات

وشكرا

 

[daryq8]

كثير منا يرا ان اثنين قيقا كافية يوميا

اخوي ترا مايصير تجمع

اذا شايف نفسك اوكي واستخدامك عادي لاتحكم على غيرك

انا ادري في مشتركين بسرعات 7.2 و 21 وهم لاتحميل ولا هم يحزنون مع الخيل ياشقرا وان حمل شي قليل
وغيرك يوميا مايكفيه 5 غيغا


انت مشترك بسرعه عاليه وراوتر على اساس وياك 5 اجهزه بالبيت شلون يكفيهم الدنيا مو بس تصفح

 

[nxman]

السلام عليكم

انا استخدامي طبيعي جدا يعني ممكن مايزيد عن ١٠ قيقا بالشهر لا كن الحد اليومي الغير عادل + البطيء الشديد للسرعه وردائة الخدمه من فيفا وغياب الدعم الفني خلاني ادفع غرامه ١٠٠ دك من غير وجه حق حسبي الله ونعم الوكيل

 

[Je Time]

والله انا مثلكم مشترك 2 ميجا في جولف نت و معطيني 3 جيجا باليوم بعدين يصير النت عندي 512 و باايخ و بطيييي

 

[nasanet]

السلام عليكم اخواني الافاضل
والله مشترك بفيفا حسب الله عليهم كان اول صاروخ الداونلود
ويوم بدت العطلة سوو هذي المهزله
لا والمشكلة مخليه وايرلس عن طريق راوتر وايرلس
والعيال عطلو بعد وشابكين اربعه او خمسة كأنك واقف عن طابور المخبز
الله لا يوفقهم والله لو عندنا وزارة مثل الأوادم تنصرنا على هالشركات اللي مصو دمنا
ثانيا لو نبي نفصل الاشتراك راح يربحون لأن كل واحد راح يدفع ضريبة الغاء اشتراك 100
دينار المفروض صوتنا يوصل لوزير المواصلات علشان ينصرنا عليهم
والسلام ختام

 

[dsman]

واشولن زاجل معاهم ٢ قيق ولا شنو ؟

 

[Je Time]

اصلاً وزارة المواصلات هي الي حطت هل قرار و طبقته

الكلام مايفيد اذا تبون صج السرعه و التحميل يرجع لكم روحوا شوفوا محامي روحوا كلموا اي احد يوصل صوتكم

 

[nasanet]

يا جماعة الخير لا يموت الموضوع
لازم تكون لنا وقفة معاهم لأن إذا فلتوا بفعلتهم هذي راح يسوون اخبث من هالحركه
إذا تبون تسوون اعتصام خلونا نتكاتف

 

[غريـــب]

وانا اقول شفيه النت صاير تعيس عندي
الداونلود طخ عندي لين صار يتراوح بين 20 الى 100 كيلوبايت
مع انه اول يوصل 800 كيلوبايت
باختصار شركات النت بالكويت اتعس شركات بالعالم
السعودية دخلت النت عقبنا بسنين وشوفوا النت عندهم واسعارها ماشاء الله اللهم لاحسد
شمعنى احنااااااااااا