كلام بالصميم للاخ وين المليون
بعد شنو يوقف السهم بعد ما جفت فلوس المساهمين
37 مليون بقى منهم 7.77 مليون = 29 مليون تبخرت
ولا في إفصاح هل هي ديون أو وين راحت الديون
هل هي خسائر موجودات أو وين هي الموجودات
هل هي رواتب وليش مستمرين بما أنهم مو قادرين يستمرون
هل هي مكافآت وكم هي المكافآت وليش خذوا المكافآت محد يعلم
هل هي سرقات وهل هي بحساباتهم وليش محد يحاكمهك ويحاسبهم
وين مدقق الحسابات وليش لي اليوم ما سكروا مكتبة لأنه متعاون بعد ما انكشفت هذه السرقات
راعي الغنم طلع أشرف منهم راعي الغنم يأخذون غنمكم ويروحون البر يرعون فيها ولي رجع يقول لك خروفك مات ودفنته بالبر شوفوا هذا طلع أشرف منهم يقول الخروف دفنته بالبر وهذول ما تدرون وين دفنوا فلوسكم
خفضوا رأس المال وقلنا يا الله يمكن يصيرون أوادم وهم بعد ما صاروا أوادم يبي يمصون الباجي من ال 7 مليون
ما في مشكله عندهم راح يرجعون وراح يسوون زيادة رأس مال 10% ويرجعون البورصة قصبا" عن إدارة السوق طول ما هم راكبين بنتلي وفراري وشبح بفلوسكم ويكملون على الباجي من حلالكم لأن القانون عمي والتجارة عوره والسوق ما يمشي إلا بعصا .
قانون ما في , لعب في , بوق في , خوف من الله ما في , يقولون راح يسوون هيئة سوق مال تضبط السوق بس بعد ما يصفونكم .
ما يبونكم أنتوا لأنكم عرفتوا الخطة بعد ما أنتهيتوا يبون روح جديدة عميه ومعاها فلوس جديدة دسمه .
بالنهاية أقول الله يرحمكم ولكم الجنة ولهم النار وربكم ما ينسى أحد إذا ما تجازه بالدنيا يلقاها بالآخرة