استفسار بخصوص المنحه الأميرية [ ضروررري ]

[محتاج]

السلام عليكم


ولدي مولود في يوم 2-5-2010
ولظروف قاهرة ما طلعتله شهادة ميلاد، حاليا بإنتظار عدم الإستئناف والحكم النهائي تاريخ 9-7-2011 يعني بعد شهر بالضبط !

الإستفسار كالتالي :
بخصوص المنحه الأميرية .. 1000 دينار ، هل راح ياخذها ولدي؟ ولا ما يصير خلاص !!


بإنتظار الجواااااب اليوم منكم والله يجزيكم خير ..

 

[محتاج]

عسى ما شر ..
5 يمرون على الموضوع بدون رد !!!!!!!!

 

[محتاج]

ابي اعرف من الشخص الي اسمه "rahaly"
يا اخي ليش مطنشني ؟

تجاوب على الكل وانا تسحب عليّ ؟؟؟؟

استغفر الله العظيم

 

[rahaly]

ابي اعرف من الشخص الي اسمه "rahaly"
يا اخي ليش مطنشني ؟

تجاوب على الكل وانا تسحب عليّ ؟؟؟؟

استغفر الله العظيم

الشخص اللي اسمه rahaly
ما يجاوب لانه ما يعرف الجواب طال عمرك
لانه قانون استثنائي صدر لدفع منحة لمرة واحده ولا ينطبق الا على حاله واحده فالقانونيين لا يهتمون عاده في مثل هذه القوانين

فتركت المجال لمن يعرف عن القانون
وما طنشتك
ولو متعب نفسك شوية ومتصل على الجهة المسئوله عن الصرف كنت حصلت نتيجه بدل لا تتحلطم

 

[ليونه]

اتوقع ياخذ المنحه

لان ولدك الحين عمره سنه

والمنحه قبل 4 شهورر

الله كريم

انت بعد الله يهديك ليش ما طلعت الاثبات

 

[silencee]

السلام وعليكم ورحمة الله


أخوي الكريم

أي مواطن كويتي مولود قبل 1/2/2011م يستحق الالف ومازال الباب مفتوح وأمام اللي ما أستلمو 24 يوم لاخر تقديم لاستلامها

سواء ماسجلته أو ماطلعت له ميلاديه أو ماطلعت له بطاقه أو لآي سبب أخر طالما ما أستلم الالف أتبع الاتي

1/ أستخراج بطاقه مدنيه للمولود قبل تاريخ 31/7/2011
2/ التوجه لمركزهم في ارض المعارض او الاتصال عليهم تلفون رقم ( 145 ) وتعطيهم رقمه المدني
او تتصل بالرد الالي وتدخل رقمه المدني على رقم ( 133)

المهم الطلب الوحيد يبونه بطاقه مدنيه ومالهم شغل بسبب تأخيرك وليش ما أخذته

أخر مهله لك ولغيرك لغايو 31/7/2011 أغتنم الفرصه وأسع لاستخراج بطاقته لا يروح عليك الالف


ولا يسعنى غير شكر سيدي صاحب السمو أمير دولتنا ربي يفرح قلبه كثر مافرح وخفف عن شعبه بهالعطيه الجزله اللي استانسو فيها الشعب في عطفه وجوده
والله يخلف على حكومتنا و مجلسنا اللي ماوراهم غير الهم والغم واللي منتشر الفساد فيهم

اتمنى افدتك

 

[silencee]

ولو متعب نفسك شوية ومتصل على الجهة المسئوله عن الصرف كنت حصلت نتيجه بدل لا تتحلطم

أعانك الله عليهم

ربعنا يبون كل شي بالساهل مايبون يتحركون

وفكرتك طيبه وهذا موقعهم لو الاخ بيتحرك ويسألهم

https://www.menha.gov.kw/pfg/jsps/static/contact.jsf

 

[rahaly]

بارك الله فيك الاخ silencee

 

[محتاج]

يعطيكم العافية ..

انا بكره بإذن لله باخذ عدم الإستئناف من المحكمة
وبعدها ما ادري وين اروح بس القاضي حكم بأنه ولدي راح تطلعله شهادة ميلاد مني ..

طيب
فرضا ً طلعلت شهادة الميلاد ..
س: هل أقدر اتصرف واروح أرض المعارض فيها دايركت ؟

وعندي سؤال آخير :
لو طلّعت شهادة الميلاد باجر ، متى تطلع البطاقة المدينية ؟

 

[silencee]

فرضا ً طلعلت شهادة الميلاد ..
س: هل أقدر اتصرف واروح أرض المعارض فيها دايركت ؟

وعندي سؤال آخير :
لو طلّعت شهادة الميلاد باجر ، متى تطلع البطاقة المدينية ؟

حياك الله أخوي

وشوف ربي يسلمك متى ماطلعت الحكم تأخذ الميلاديه وتسجله بالجنسيه بيوم واحد

مهلة المنحه الالف سارية لغاية 31/7/2011 وبعدها اللي ما أستلمها تروح عليه


بموجب شهادة الجنسيه للطفل تروح للبطاقه المدنيه الدور الاول وتعبي المغلف مالهم وبس تقدمها قول للموظفه أبي شهادة لمن يهمه الامر تأخذها وانت وأنت واقف

بس تستلمها روح لآرض المعارض وأذا مالك خلق طلع البطاقه ودزلي مسج بالرقم المدني للطفل بس وثاني يوم أقولك وين تروح تستلم ألف أبونا صباح ربي يحفظه

حاضر

 

[محتاج]

الحكم النهائي لطفلي يوم الأحد (الحكم لصالحي طبعاً) .. في المحكمة إلي بالديره
باخذ ورقة (عدم حصول إستئناف) .. بعدها والله ما ادري شسوي
إلي يقولي روح المواليد والوفيات الي بحولي .. والله ما ادري وين اروح حسسسسسسسسست حوسه !؟؟؟

أبي هالميلادية .. بعدين يحلها ألف حلاّل ..

 

[silencee]

ماتدري شتسوي !! سوات الله أبرك

الشغلات القانونيه مالي فيها

بس أفيدك بالمنحه بس و اللي بحوليمكانه خلف مخفر ميدان حولي مباشره
وبجوار معهد النقابه ومرور حولي مال الرخص اللي بميدان حولي
قبل المواليد ناخذ الاوراق لهم وماتطول أمورهم يوم الى يومين ونأخذ الميلاديه وبعدها خلوها بالمراكز أسبوع ونستلم الميلاديه
أنت أمامك وقت تقريبا 19 يوم يمديك تخلص أمورك أن شاء الله

وعلى فكره بحولي هناك مكتب للجنسيه تسجله عندهم وتأخذ شهادة الجنسيه وانت واقف

خذها ولا يردك غير جنوب السره للمدنيه وسجل اذا تبي الالف شد حيلك

 

[محتاج]

خير ان شاء الله