قيادة المراه في السعوديه

[الدنيا حلوه]

مرحبا اعضاء المنتدى
موضوع حلو وشيق عن قيادة المراه في السعوديه
انا كويتيه ولي اصدقاء سعوديات واحبهم ويحبوني بس معضهم منغثين من القرار
انتو شنو رايكم البنت بالسعوديه تسوق سياره او لا؟؟؟وليش؟؟؟

 

[نجوم777]

المشكله ان من يطالب بقياده المراه هم الليبراليون والعلمانيون
وهذا ما يسبب الرفض من قبل الشعب السعودي لقياده المراه

فهم يطالبون بالاختلاط ، وكشف الوجه ، وسفر المراه بلا محرم ، والقائمه تطول.


قياده المراه للسياره بالسعوديه توجب الكثير من الامور

سجون خاصه بالنساء ، مسعفين من النساء ، ضباط شرطه من النساء ، اي نظام كامل خاص بقياده المراه ، وعندها ربما تتغير نظره الشعب للموضوع...

 

[الدنيا حلوه]

المشكله ان من يطالب بقياده المراه هم الليبراليون والعلمانيون
وهذا ما يسبب الرفض من قبل الشعب السعودي لقياده المراه

فهم يطالبون بالاختلاط ، وكشف الوجه ، وسفر المراه بلا محرم ، والقائمه تطول.


قياده المراه للسياره بالسعوديه توجب الكثير من الامور

سجون خاصه بالنساء ، مسعفين من النساء ، ضباط شرطه من النساء ، اي نظام كامل خاص بقياده المراه ، وعندها ربما تتغير نظره الشعب للموضوع...

شوف انا صحيح ضد الاختلاط, , بس اشوف القياده مافيها شي بالعكس زينه تستتر البنت وتسوق ما يضر بشي مادري ليش مكبرين السالفه ,انا صديقتي بالسعوديه تكلمني بالتلفون تبجي تبي تسوق باي طريقه بس الظاهر قانونهم جازم

 

[نجوم777]

أهل مكة أدرى بشعابها فكل مجتمع وله ظروفه و أدرى بما يناسبه و ما يصلح له و ليس بشرط أن

يكون كل مباح هو أمر صالح للتطبيق ...

 

[الدنيا حلوه]

مادري شقولك بس انت تدري وفيات الشباب المستهتر بالسعوديه شكثرهم من تشفيط وغيره ومالقو حد عن هالظاهر والحين منعو الحريم بشكل عام.
ممممممم عاد تدري في وحل وسط ان يخلون الحرمه تسوق فقط بالنهار والليل ممنوع...شرايك؟

 

[Cccom]

مرحبا اعضاء المنتدى
موضوع حلو وشيق عن قيادة المراه في السعوديه
انا كويتيه ولي اصدقاء سعوديات واحبهم ويحبوني بس معضهم منغثين من القرار
انتو شنو رايكم البنت بالسعوديه تسوق سياره او لا؟؟؟وليش؟؟؟

اعتقد هذا امر سعودي دااخلى واحنا مالنا شغل فيهم
واحنا ككويتين ما نرضى احد يتدخل بشؤوون دوولتنان

والحكومة السعودية وال سعود اطال الله فى عمرها ابخص بشعبهم
واهم يعرفوون ان لها مشااكل كثيرة
وهذا من دراء الفتنه


اتمنى اغلاق الموضوع او بالاحسن حذفه

 

[بوغمازات]

المرأه بالسعوديه لازم تسوق السياره وضروري انها اتسوق ومظلومه وايد بسالفة السياره ,,, السياره من ضرورات الحياة ,,,,,

 

[داشه عرض!!]

انا مع سياقه المراه لا هو عيب ولا حرام


... هذي ابسط حقوقكم وان شاءالله تسوقون

 

[جواهر]

قيادة السياره امر فيه من المنفعه والضروره للمرأه لكن بضوابط
اللي يقول ان قيادة المرأه للسياره فيها اختلاط ماعندهم سالفه
اجل المرأه لما تركب مع سائق لوحدهم او تركب لموزين هذا ايش يسمى

انا اتمنى ان يسمح للمرأه قيادة السياره من سن الثلاثيين ومافوق

كل الشكر لك حنين

 

[manaar66]

من بعد اذن الاخت صاحبة الموضوع يجب ان يكو ن العنوان قيادة المرأة للسيارة في السعودية وليس قيادة المرأة (فقط)
من وجهة نظري لا مانع من قيادة المرأة للسيارة على ان تكون بعد سن معينة ال 30 مثلا كما قالت الاخت جواهر وذلك ضمن شروط وضوابط
مع الشكر لصاحبة الموضوع

 

[st84]

حنين خوووووووش موضوع الصراحه

انا اقول ان المراه تسوق ليش؟

الحين واحد شايب ماعنده الا بنات وماعنده عيال كلش
معقوله يحط سايق حق بناته @@

للاحسن بانها تسوق تنفع نفسها ووالديها

ولكن مثل ما قالو الاخوان والخوات بظوابط

 

[zidantheking]

مادري شقولك بس انت تدري وفيات الشباب المستهتر بالسعوديه شكثرهم من تشفيط وغيره ومالقو حد عن هالظاهر والحين منعو الحريم بشكل عام.
ممممممم عاد تدري في وحل وسط ان يخلون الحرمه تسوق فقط بالنهار والليل ممنوع...شرايك؟

مره دشيت فيديو استهتار سعودي واحد اجنبي كاتب : يسوون جذي علشان يعوضون على حوادث الحريم _ اتغشمر معاكم لا تزعلون

تخلون ياهل عمره 10 سنين يسوق و حرمه اكبر مني ما تسوق ولله حاله

الله يعينهم

 

[مقام العز]

الرياض بدون قيادة المراة زحمة اشلون لوتسوق سيارة؟انا ماني متخيل كيف راح تكون الزحمه..اما وكالات السيارات في المملكه سوق قوي ولو سمحوا للمراه بقيادة السيارة اجزم انهم سيجنون ارباح خيااااااااااااليه انتهاء عصر الددسن