..............ايــهما تـخـتار . . & . . بـعد تـفكيــر عميـق ...............

[إبن الوليد]

ايهما تختار العيش في هذا البيت ، وعندك كل متطلبات الحياه

وكل ماتريده من هذه الدنيا تحصل عليه في الحال

وعندك اسرتك الكبيره ، والاصدقاء وكل الناس حولك ، ولك ديوان كبير

ولك مكانه في المجتمع الذي حولك


*****




ام تختار هذا البيت ، وتحصل ايضا على كل ماتريده من حياه الدنيا

وعندك نفس الاموال والارصده التي في الاعلى

ايهما تختار ان تسكن به

اين تجد راحتك النفسيه ومع من تريد ان تعيش

وكم عدد الاسره التي تريد ان تعيش معك

وبأمكانك ان تقول اريد ان اعيش لوحدي واختار على مزاجي

​

 

[إبن الوليد]

الحمد الله عايش بنعمه ولله الحمد ... الله معطينى كل شى ...ادعوه بطرح البركه فيما املك والصحه والعافيه ورضاه على....

نجوم اعترف

تبي هذا البيت الاول ، او الثاني

الاول فيه ناس كثر وعائله كبيره

والبيت الخشبي / انت لوحدك ، مقطوع من شجره ، وانت من تحدد إذا تريد اسره او تعيش وحيداً

ايهما تختار ؟؟؟؟ ئـــول انت بـــاءءءء​

 

[إبن الوليد]

الاول حلو .......

إذن انت اجتماعي وتحب الناس حولك

ولايهمك الازعاج ، وتستطيع ان تجاري الناس والمجتمع

بس طافك البيت الخشبي راح تبجي عليه يوم من الايام تتمناه

خلاص نجوم راحت عليك ، روح للتموين جيب حليب اطفال

وراجع الطبيب الولد مسخن ، والمدرسه والاولاد والسائق تأخر عليهم

ومن هذا المنوال الذي لاينتهي

انا اتمنى العيش لوحدي ، واختفاء اسرتي وعائلتي عن بكر ابيها عن الدنيا

واتمنى ايضاً ، وحبذا لو تختفي القبيله يكون افضل لي ، وابقى انا الوحيد في هذه الدنيا

امنيه حرام اتمنى ؟؟؟
​

 

[إبن الوليد]

تعيش بروحك بس شلون ماايصير فيه مهام لازم اتقوم فيها يعنى اسبوع انت راح تمل لازم انيس وياك :d

انا مااخفي عليك

انا دائم يقولون عني غريب الاطوار !!!

بس عندي اصدقاء كثر ، وهذا يكفيني

اما الزواج والاسره والعائله الكبيره لااحبها مليت من الاحتكاك معهم

مع ان عائلتي وجماعتي والله قمه الاخلاق والحس المرهف

بس يمكن لأني احب التغير بأستمرار​

 

[st84]

عاد تدري حشر بان هالصورتين كل وحده فيهم تعبر عن حالتك النفسيه يعني لها دلالات نفسيه.....
انا اختار البيت الاول بكل ثقه<<<<<<<<<<<

اي صج حشر متى السفره انشالله عاد يقولون تبي تروح اسبانياااا....اذا رحت لا تنسانا بالشوكولاته:d

 

[النايفه]

الحمد لله عندي البيت اللي مصممته على كيفي وعندي الوظيفه اللي محققه طموحي فيها وعندي أطفالي اللي هم مستقبلى وإمتدادي واللي محققين لي إكتفائي الذاتي وعندي خير من الله ،، وعندي والديني وأخواني وأقربائي وغاليني،، شبي أكثر الله يتمم علي ويحفظ لي عيالي ويصلحهم ويعطيني الصحه والعافيه ولا أعيش بروحي،،، مستحييييل أضحك وأنكت مع منو عيل؟
حلات الدنيا فرفشه،،،
هذا رايي،، وانت مشكلتك ماتحب المسؤليه وتبي تنطلق والزواج والأولاد رابطينك..مشكللله

 

[abdullah6868]

يبيلك جزيرة سامواى اسبوع وراح تمل من الهدوء طال عمرك
لاكن شعب الكويت اغلبة اجتماعى جدا

لكن اسبوع هدوء ما يمنع

شهر 4 الى طاف خذيت اسبوع فى جزيرة سامواى وغصت فى اغلب المغاصات وهدوء لمدة اسبوع وعملت رى فرش فى المخ المشغول طول السنه لكن ملل مهما كان نحب القرقة مع الناس

جعل الله ايامك هدوء وسعاده​

 

[إبن الوليد]

عاد تدري حشر بان هالصورتين كل وحده فيهم تعبر عن حالتك النفسيه يعني لها دلالات نفسيه.....
انا اختار البيت الاول بكل ثقه<<<<<<<<<<<
اي صج حشر متى السفره انشالله عاد يقولون تبي تروح اسبانياااا....اذا رحت لا تنسانا بالشوكولاته:d

من عيوني ياالعتيبي بس انا غيرت عن اسبانيا

ماشفت المظاهرات اللي صارت عندهم ، وحطم خيام في الشارع ثاني يوم انا قلت لكم انا بسافر لها ، والنيه الان ميونخ نطب فيها وعلى طول زلمسي كم يوم بس اسكت الاولاد وقص عليهم ، وارجع اسافر مع ربعي

الحمد لله عندي البيت اللي مصممته على كيفي وعندي الوظيفه اللي محققه طموحي فيها وعندي أطفالي اللي هم مستقبلى وإمتدادي واللي محققين لي إكتفائي الذاتي وعندي خير من الله ،، وعندي والديني وأخواني وأقربائي وغاليني،، شبي أكثر الله يتمم علي ويحفظ لي عيالي ويصلحهم ويعطيني الصحه والعافيه ولا أعيش بروحي،،، مستحييييل أضحك وأنكت مع منو عيل؟
حلات الدنيا فرفشه،،،
هذا رايي،، وانت مشكلتك ماتحب المسؤليه وتبي تنطلق والزواج والأولاد رابطينك..مشكللله

والله من خوفي عليهم وحرصي مابيهم يعشون من بعدي ياالنايفه لاهم ولا القبيله



من يرعاهم من بعد حشر الاسد ، غير الله ، انا اخاف على ذريتي من الدنيا

ومااقدر ازيد اكثر من ذلك وقول لك ياالنايفه ، الحياه الان صارت خطره

حشر من غير حرمه ماايعيش يوم وااحد .....اعرفه خبز ايدى

باالله عليك يانجوم إذا انا في البيت الخشبي وبروحي وام عبدالله انتقلت الى الرفيق الاعلى ( الله يرحمها إذا ماتت ) تظن مااعيش احلى عيشه واتزوج محد يقولي ليش ، ولايسويلي عوار راس​

 

[إبن الوليد]

يبيلك جزيرة سامواى اسبوع وراح تمل من الهدوء طال عمرك
لاكن شعب الكويت اغلبة اجتماعى جدا
لكن اسبوع هدوء ما يمنع
شهر 4 الى طاف خذيت اسبوع فى جزيرة سامواى وغصت فى اغلب المغاصات وهدوء لمدة اسبوع وعملت رى فرش فى المخ المشغول طول السنه لكن ملل مهما كان نحب القرقة مع الناس
جعل الله ايامك هدوء وسعاده​

صدتني يامشرفنا عبدالله

جربت الهجر عن الاهل والسفر ، وعشت ايام طويله لوحدي ومع اصدقاء

صراحه حسيت في ملل ، وحسيت بأن ليس لي قيمه في الحياه

وكرهت حياتي ورجعت مشتاق واقول في نفسي لا لا انا عندي اسره كبيره

وقبيله وجماعه من حولي

ولكن إذا رجعت للكويت وطولت في الاقامه احن الى الهدوء مره اخرى

على فكره الاجانب حاسدينا على هذا الشئ

الظاهر بني آدم مايترس عينه إلا التراب

ان شاء الله اننا لسنا منهم​

 

[إبن الوليد]

حشر اخذ وياك صخلتين ونعجتين وبقره ماراح اتحس بالوحده ....

لاتوصي كل شئ اخذه​

 

[إبن الوليد]

[YOUTUBE]LiwwhfXj2cg[/YOUTUBE]

...........الحياه صعبه على الاطفال ..........

لاتتركهم لوحدهم يصارعونها​

 

[النايفه]

حشر يمكن أنا مره قلت لك هالجمله وأكررها؛
الحمددد لله أنك مو أبوي:/

 

[إبن الوليد]

حشر يمكن أنا مره قلت لك هالجمله وأكررها؛
الحمددد لله أنك مو أبوي:/

انتي الخسرانه يابنتي الحين انا طول عمري البسهم احسن لبس

واحسن سياره واحسن بيت وافضل تربيه ، وسفرهم واطلعهم

وهذه اخرتها اصير مو خـــوش ابو بعد

ياالله مانبي شئ منهم غير رضى الله ، بس اهم شئ يقدرون يدبرون انفسهم بعد مايشتد عودهم

النايفه
الدوله العثمانيه بزمانها ​

بعد اذنج طالع وارجع غداً ان شاء الله​

 

[زهره]

ما يحتاج اختار البيت الخشبي

لانني عايشه بالبيت الاول 00 وهم لوحدي000 ماكو انا وبنتي والخدامه000 حياتي هدوء واحب الهدوء 000 ومتي ما مليت رحت ازور اهلي وقبيلتي علي قولتك 00 واهيص واستانس 000 وارد حق الهدوء0

الحل الثالث انك تستقل في بيت بروحك مع اسرتك اللي اهيه زوجتك وعيالك بس00000 تري لها العيشه طعم ثاني

 

[إبن الوليد]

زهره

انا كنت داخل في الصفحه الاقتصاديه وشفتج ماره على البيت

قلت خلني اقنعج في بيت الكــوخ الخشبي

طبعاً البيت في الارياف ، لاضوضاء ولاازعاج سيارات

ولاازدحام مروري ، بس عندج قطيع من الاغنام وشويه بقر ، وجم فرس

وشويه دجاج وديج

ومعاج بندقيه لزوم الصيد للوناسه فقط

وانتي تقولين لا ، ابي بيت الطوف ، يعني الجدار

خلاص خليج عايشه طول عمرج بين الطوف الاربعه

اصبغي الطوف بالفيت او شامواه الجديد احلى​

 

[زهره]

حشور انا عشت تري في البيت الخشبي هذا واقعيا000 بالارياف000 وع يعني000 ريحة الحيوانات والدياي يتخطرف بالحوش000 والماي تسخنه عشان تتسبح

قولي بيت فوق جبل 000 خيمه فوق مرتفعات وديان000 اقعد وانسي حتي انا منو0000 اغيب بمنظر السحب 000000الله انشالله عن قريب بعد 20 يوم

 

[إبن الوليد]

حشور انا عشت تري في البيت الخشبي هذا واقعيا000 بالارياف000 وع يعني000 ريحة الحيوانات والدياي يتخطرف بالحوش000 والماي تسخنه عشان تتسبح

قولي بيت فوق جبل 000 خيمه فوق مرتفعات وديان000 اقعد وانسي حتي انا منو0000 اغيب بمنظر السحب 000000الله ان شالله عن قريب بعد 20 يوم

بس خلي الزريبه بعيده عنج ، ليش تقربين عندها

والبيت الخشبي كل شئ فيه

الله يقطعج كرهتيني فيه من الحين ، قمت اتخيل الريحه من الان​

 

[زهره]

والله عاد هذا اللي عشته000 ما عليك من داعايات جبن لاباشكيري000

قول كوخ بالغابه000 وبالليل اشب الدفايه واقط فيها الخشب واطقطق من الرطوبه000 وتسمع صوت البومه بالليل000 والصبح صوت العصافير000 وريحة الشجر بالغابه0000 تتمشي وتشوف يا ارنب منحاش 000 يا سنجاب زعنونه يطالعك وينحاش0000 هذا الهدوء وهم عشته واقعيا0000

مو تقولي بقر000 وغير الجلب اللي انابح من صباح الله خير::verymad::

 

[إبن الوليد]

والله عاد هذا اللي عشته000 ما عليك من داعايات جبن لاباشكيري000

قول كوخ بالغابه000 وبالليل اشب الدفايه واقط فيها الخشب واطقطق من الرطوبه000 وتسمع صوت البومه بالليل000 والصبح صوت العصافير000 وريحة الشجر بالغابه0000 تتمشي وتشوف يا ارنب منحاش 000 يا سنجاب زعنونه يطالعك وينحاش0000 هذا الهدوء وهم عشته واقعيا0000

مو تقولي بقر000 وغير الجلب اللي انابح من صباح الله خير::verymad::

اييي هذا اللي ابيه دعايه لاباشكيري وبالليل اقط خشب في الدفايه

واغني واجر الصوت من جرح جديد

واجر الصوت من جرح طرالي

ومنين ابتدي ياجرح ندي ​

 

[Navigator]

ما ادري ليش تذكرت شمال المطلاع ايام السبعينات !!!