أحد عنده خبره بالأودي a8

[فارس العنزي]

لا أعلم عنها شي من إستعمالها وصيانتها وقطع غيارها هل سعرها مرتفع أم بحدود المعقول وهل محتكره عند الوكيل الغانم أم متوفره بالمحلات ، وحصلت موديل 2005 مجدد 2006 والسياره نظيفه بس مو لارج وسعرها 3800 دينار ، هل تسوى أم يعتبر غاليه علماً بأنها كامله المواصفات وشورت .​

 

[mishaal 55]

السلام عليكم
والله ياطويل العمر بالنسبه للإستعمال تكرهك السيارات الثانيه أفضل موتر إستعملته لكن للأسف كان وكيله الوحيد بالكويت بهبهانى وما أدراك مابهبهانى القطع كانت عندهم نار بمعنى الكلمه لكن الحين صار الغانم ويقولون خفت الأسعار شوى وبالنسبه للسعر أعتقد سعرها ممتاز إذا فعلا نظيف وعلى فكره ترى مو حيالله واحد يصلحها يعني إذا شريت خل قلبك قوى وإذفع على التصليح لاتهاون مع الخراب لأنه يكبر والقطع موهينه
وبالتوفيق

 

[khaled6]

سعرها حلو اذا ماتبيها ارسلي رقم راعيها بشوفها اذا جازتلي خذيتها

 

[560SEL]

سعره غالي يا ابن اخي والسعر من 3000 الى3500 حسب النظافه والمواصفات اللارج ب 4000 ويزود شوي
در بالك تراه هيدروليك والمعاون الواحد سعره 300 دينار تقريبا
قطعها غاليه والمرسيدس ارحم بكثير
استعماله زين بس انت وميزانيتك لانها من السيارات اللي تبي ميزانيه جامده
لو تبي النصيحه ابعد عن الشر وغني له وعليك بالمرسيدس ابو عيون e350 و320 موديل 2005 او 2006 الى 2009 سياره كددددددد ومد وسيرفسها معقول وفوق هذا لو تبي تبيع سعره ما يتزل وعليه رغبه
واذا تبي شيك خذ لكزس 400 99 او 2000 او 430 شيك وبس تفكر تبيع يجونك للبيت الشرايه

 

[فارس العنزي]

سعرها حلو اذا ماتبيها ارسلي رقم راعيها بشوفها اذا جازتلي خذيتها

أبشر إذا هونت عنها بطرشلك رقم راعيها ويحلف بأن جميع تصليحاتها بالوكاله لأنه مسويلها تأمين ذهبي للصيانه على ضوئه ما يتحمل إجور التصليح​

 

[فارس العنزي]

سعره غالي يا ابن اخي والسعر من 3000 الى3500 حسب النظافه والمواصفات اللارج ب 4000 ويزود شوي
در بالك تراه هيدروليك والمعاون الواحد سعره 300 دينار تقريبا
قطعها غاليه والمرسيدس ارحم بكثير
استعماله زين بس انت وميزانيتك لانها من السيارات اللي تبي ميزانيه جامده
لو تبي النصيحه ابعد عن الشر وغني له وعليك بالمرسيدس ابو عيون e350 و320 موديل 2005 او 2006 الى 2009 سياره كددددددد ومد وسيرفسها معقول وفوق هذا لو تبي تبيع سعره ما يتزل وعليه رغبه
واذا تبي شيك خذ لكزس 400 99 او 2000 او 430 شيك وبس تفكر تبيع يجونك للبيت الشرايه

مشكور يبناخي وما قصرت​

 

[560SEL]

حاضرين بالخدمه يا بن اخي