هام جدا لقسايم المسيله والصديق (كهرباء)

[ديناركو لمتد]

الي الحبايب ملاك قسايم


منطقة المسيلة و منطقة الصديق ( جنوب السره )
بخصوص بكس الخارجي الكهربائي ( الديبي الخارجي الكبيكل ) يتم توزيعه مجاني من قبل وزارة الكهرباء والماء

وشروط استلام

1- صورة وثيقة العقار
2- صورة البطاقه المدنيه

مكان التوزيع برج التحكم الدائري الخامس ادارة شبكات حولي


لايتم توصيل الكهرباء الالالالالالالالالالالا بهذا الديبي الخصوصي وهو طريقه حديثه لتوصيل الكابلات الأرضيه

فالي شاري من الجسار خل يرجعه

للأفاده

لاتنسونه من دعائكم يا اخوان

وعندي بكس خارجي جديد للبيع بدون كرتون للبيع بنص السعر

 

[topic_love]

الله يجزاك خير ويكثر من امثالك

بس يقولك الكهربا بعد 3 سنوات

يعني تو الناس

شاكرلك

 

[ودي اربح]

اشلوووونك يا ديناركووووووووو

من طووول الغيبااات جاب الغنايم

اشلونك بشرني عنك واشلون الشغل معاااك
وشنو هالخبرية الطيبة

 

[طارق55]

اشمعني الصديق والمسيله يس .. طيب والباقي جابر الاحمد مثل ؟؟

ثانيا ممكن صوره عنه علشان نعرفه ..

 

[ديناركو لمتد]

الله يجزاك خير ويكثر من امثالك

بس يقولك الكهربا بعد 3 سنوات

يعني تو الناس

شاكرلك

الله يعطيك العافيه على الكلام الطيب
اعتقد الكهرباء خلال السنه القادمه 2012 على ابعد تقدير والعلم عند الله

جنريتر كهربه ونورلك قطعه اربعه بالكامل

 

[ديناركو لمتد]

اشلوووونك يا ديناركووووووووو

من طووول الغيبااات جاب الغنايم

اشلونك بشرني عنك واشلون الشغل معاااك
وشنو هالخبرية الطيبة

هلا اخوي ودي اربح الله يعطيك العافيه ابشرك الأمور كلها طيبه وبنتظار زيارتكم وتصويركم حق القسايم المسيله

البنيان يبيله صبر وطولت بال والفال لكم واسمع من الربع اسعار ابو فطيره شلعت فوق

 

[ديناركو لمتد]

اشمعني الصديق والمسيله يس .. طيب والباقي جابر الاحمد مثل ؟؟

ثانيا ممكن صوره عنه علشان نعرفه ..

هلا عزيزي طارق

والله يخوك هذا الخبر الأكيد بخصوص المسيله والصديق

بخصوص جابر الأحمد تقدر تتأكد من كهرباء المدينه او الجهراء وانت قاعد جيك شوية اتصالات منت خسران شي

 

[ابوفيصل2008]

وابوفطيرة بالمستقبل هل يوزعون عليهم الديبي ولا نروح نشتري.
عندي سؤال ثاني للجميع
70الف نستلمها بالكامل ولا يخصمون منها بعد...؟

 

[عذبي 71]

والله انكم منورين المنتدى ياجيران الخير ..
ديناركو الغالي شكرا عالاخبار والمعلومات الحلوة وبانتظار المزيد منك يالحبيب
مع عتبنا عليك بانقطاعك عن موضوع ابوفطيره فانت بنظري من المزدوجين (مسيلاوي-بوفطيراوي)

وارجو منك ياديناركو الاجابة على تساؤل بوفصل الغالي بخصوص السبعين.
وعندي سؤال بخصوص السرداب..
طبعا البلدية لاتحسب السرداب من ضمن مسطح البناء..
فلو نزلت الدور الارضي متر عن مستوى المنسوب المحدد للبناء.. هل تحتسب البلدية مساحة الارضي المنخفض سرداب؟
ام هناك شروط للسرداب ان ينزل مترين او ثلاثة امتار عن مستوى الشارع..

 

[ودي اربح]

هلا اخوي ودي اربح الله يعطيك العافيه ابشرك الأمور كلها طيبه وبنتظار زيارتكم وتصويركم حق القسايم المسيله

البنيان يبيله صبر وطولت بال والفال لكم واسمع من الربع اسعار ابو فطيره شلعت فوق

هلا بالغالي ديناركووو

لا يا خوي الدخله صار بالمسيلة صعبة اشوي علينه غير قبل يا خووووي ما شاء الله تبارك الرحمن البيوت صارت كثير غير قبل والواحد اذا دش يضيع قسيمتك طال عمرك

 

[bu sale7]

فعلا من طول الغيبات جاب الغنايم وهذي غنيمه. مشكور ديناركو على الخبر الطيب. بشرنا عن احوالك واشلون البنيان وياك عسى سهاله ان شاء الله.

 

[ديناركو لمتد]

والله انكم منورين المنتدى ياجيران الخير ..
ديناركو الغالي شكرا عالاخبار والمعلومات الحلوة وبانتظار المزيد منك يالحبيب
مع عتبنا عليك بانقطاعك عن موضوع ابوفطيره فانت بنظري من المزدوجين (مسيلاوي-بوفطيراوي)

وارجو منك ياديناركو الاجابة على تساؤل بوفصل الغالي بخصوص السبعين.
وعندي سؤال بخصوص السرداب..
طبعا البلدية لاتحسب السرداب من ضمن مسطح البناء..
فلو نزلت الدور الارضي متر عن مستوى المنسوب المحدد للبناء.. هل تحتسب البلدية مساحة الارضي المنخفض سرداب؟
ام هناك شروط للسرداب ان ينزل مترين او ثلاثة امتار عن مستوى الشارع..

هلا اخوي عذبي

سبعين الف تستلمها كامله اذا اول مره تتعامل مع بنك التسليف واذاوثاني معامله يخصمون منك القيمه الي سدتها

وبخصوص السرداب البلديه مالها شغل بمساحت السرداب ولا ارتفاعه اهم شي انك ما تتجاوز برتفاع البيت 15 متر اذا كان 3 ادوار ويخوك انه عندي تجاوز 17 متر وماني محاتي ومسوي دور رابع الا ثلث واخرتها محكمه امه غرامه 500دك او برائئئئئئئئئئئئئئئئئئه وماسمعت من قبل انه احد احكموله بالأزالاه والمسئله يأخرون الكهربه عليك لين يصدر الحكم والأزاله الأجباريه اذا تجاوزة حدود العقار

وسؤالك الثالث اذا سويت حوش ساقط يعتبرونه سرداب اهم شي عند البلديه انك بالأدوار الأول والثاني تبعد من جميع الأتجاهات متر ونص امن الأرضي تقدر تبني على كيفك بشرط تبعد عن السور الخارجي متر ونص بحد ادني نص واجهة البيت

ومثل ما ذكرتلك السرداب البلديه مالها شغل فيه ابد ولا شروط بس الدارج اتحفر من مترين لين ثلاث امتار

وللعلم بعض الأراضي الزوايا او البطن وظهر يصير الشارع الداخلي مرتفع والخارجي نازل بهالحاله سرداب يظهر بشكل دور كامل


والله اعلم


بس الله يكون بعونكم ( ابو فطيره ) انه سامع التراخيص احتمال على اخر السنه تتزامن مع منطقة صباح الأحمد راح تواجهكم زحمة بنك التسليف يعني جايك وخبزك معاك عند باب التسليف من 6 الصبح فرع الأحمدي

 

[ديناركو لمتد]

فعلا من طول الغيبات جاب الغنايم وهذي غنيمه. مشكور ديناركو على الخبر الطيب. بشرنا عن احوالك واشلون البنيان وياك عسى سهاله ان شاء الله.

هلا اخوي بوصالح

البنيان يبيله صبر وطولت بال

ولا والله موسهاله وسبب مغثت العمال و تأخي بسبب الجو عادي ترجع البيت 4 العصر بعد العمال

وبالبنيان ناس وايد متبهذله واخطاء كثيره

والي بيبني اهم شي مكتب الهندسي وبصراحه بالكويت كل المكاتب شغل تجاري وماعندها فكره كلش والمخطط غير و الواقع غير وانصح تفتر على القسايم وتسأل عن المكتب لأنك اول ماتروح المكتب جنك انت الوزير داش على قسم الأرشيف ودهم يسولك شاي من ذهب وانصح تروح بره تسوي خريطة البيت مثل مهندسن مصر او تروح اوربا ولا صين لأنه الي عندنه قوله بس طلع الرخصه انه كنت امدح مكتبي طلع ثور عود احسن شي يسونه شلون يسلم عليك ويبلك الجاي فقط وكل المكاتب يحطون مهندس مصري ولا لبناني ويطلعلك خريطه كوبي 99,9% من الكاتب جذي

 

[foreman96]

هلا اخوي عذبي

سبعين الف تستلمها كامله اذا اول مره تتعامل مع بنك التسليف واذاوثاني معامله يخصمون منك القيمه الي سدتها

وبخصوص السرداب البلديه مالها شغل بمساحت السرداب ولا ارتفاعه اهم شي انك ما تتجاوز برتفاع البيت 15 متر اذا كان 3 ادوار ويخوك انه عندي تجاوز 17 متر وماني محاتي ومسوي دور رابع الا ثلث واخرتها محكمه امه غرامه 500دك او برائئئئئئئئئئئئئئئئئئه وماسمعت من قبل انه احد احكموله بالأزالاه والمسئله يأخرون الكهربه عليك لين يصدر الحكم والأزاله الأجباريه اذا تجاوزة حدود العقار

وسؤالك الثالث اذا سويت حوش ساقط يعتبرونه سرداب اهم شي عند البلديه انك بالأدوار الأول والثاني تبعد من جميع الأتجاهات متر ونص امن الأرضي تقدر تبني على كيفك بشرط تبعد عن السور الخارجي متر ونص بحد ادني نص واجهة البيت

ومثل ما ذكرتلك السرداب البلديه مالها شغل فيه ابد ولا شروط بس الدارج اتحفر من مترين لين ثلاث امتار

وللعلم بعض الأراضي الزوايا او البطن وظهر يصير الشارع الداخلي مرتفع والخارجي نازل بهالحاله سرداب يظهر بشكل دور كامل


والله اعلم


بس الله يكون بعونكم ( ابو فطيره ) انه سامع التراخيص احتمال على اخر السنه تتزامن مع منطقة صباح الأحمد راح تواجهكم زحمة بنك التسليف يعني جايك وخبزك معاك عند باب التسليف من 6 الصبح فرع الأحمدي

يعطيك العافية
انا عندي بنيان بس ودي اخالف بس خايف اتوهق بعدين التسليف يوقفون دفعاتي والا مالهم الشغل التسليف مايكلموني عن المخالفات ارجو الافادة
لان عندي بالدور الاخير صاله مالت الشقه ماراح تنبني الا بعد الكهربا وانا ودي ابنيها الحين احسن ما ابني بعد الكهربا و وصخ البيت من يديد وحوسة العمال اجوا الافادة وابي نصيحتك ماني عارف شسوي
وشكرااااا

 

[foreman96]

للرفع

 

[zidantheking]

والله انكم منورين المنتدى ياجيران الخير ..
ديناركو الغالي شكرا عالاخبار والمعلومات الحلوة وبانتظار المزيد منك يالحبيب
مع عتبنا عليك بانقطاعك عن موضوع ابوفطيره فانت بنظري من المزدوجين (مسيلاوي-بوفطيراوي)

وارجو منك ياديناركو الاجابة على تساؤل بوفصل الغالي بخصوص السبعين.
وعندي سؤال بخصوص السرداب..
طبعا البلدية لاتحسب السرداب من ضمن مسطح البناء..
فلو نزلت الدور الارضي متر عن مستوى المنسوب المحدد للبناء.. هل تحتسب البلدية مساحة الارضي المنخفض سرداب؟
ام هناك شروط للسرداب ان ينزل مترين او ثلاثة امتار عن مستوى الشارع..

ههههههههههههه

+ الي يبون يخالفون

لا يدخل الجنة من نبت لحمه من سحت

شتبون اب اربع ادوار باني قصر ؟؟؟؟ حتى القصور دورين او ثلاث ما يزيدون ناوي على عمارة مثلا ؟؟؟ و انت قاعد ترفع بسعر الارض بشكل غير مباشر

نصيحة لحد يخالف لوجه الله و لذمه عيالك علشان ما يكبرون ببيت حرام


للاسف اصبح الدين و المظهر للمصلحة فقط و اصبح الي يطبق القانون بلكويت خسران

 

[ديناركو لمتد]

يعطيك العافية
انا عندي بنيان بس ودي اخالف بس خايف اتوهق بعدين التسليف يوقفون دفعاتي والا مالهم الشغل التسليف مايكلموني عن المخالفات ارجو الافادة
لان عندي بالدور الاخير صاله مالت الشقه ماراح تنبني الا بعد الكهربا وانا ودي ابنيها الحين احسن ما ابني بعد الكهربا و وصخ البيت من يديد وحوسة العمال اجوا الافادة وابي نصيحتك ماني عارف شسوي
وشكرااااا

هلا اخوي فور مان

على النظام الجديد لي بنك التسليف ماله شغل بنك التسليف ماراح يكشف على المخالفات ولا على مسحة البنيان اهم شي بالأسود كتاب مكتب الهندسي لي صب الأسقف امن باجي المبلغ حق التشطيب كل ماتخلص شي من التشطيب الي مذكو ر بجدول الدفعات تروح تطلب كشف وثالث يوم تستلم شيكك بس الله يعينك على الكهرباء لأنه اي مخالفه بالبنيان الى راح يردك فيها البلديه والكهرباء

 

[foreman96]

هلا اخوي فور مان

على النظام الجديد لي بنك التسليف ماله شغل بنك التسليف ماراح يكشف على المخالفات ولا على مسحة البنيان اهم شي بالأسود كتاب مكتب الهندسي لي صب الأسقف امن باجي المبلغ حق التشطيب كل ماتخلص شي من التشطيب الي مذكو ر بجدول الدفعات تروح تطلب كشف وثالث يوم تستلم شيكك بس الله يعينك على الكهرباء لأنه اي مخالفه بالبنيان الى راح يردك فيها البلديه والكهرباء

انزين شنو تنصحني اخالف الحين والا بعد الكهربا

 

[ديناركو لمتد]

انزين شنو تنصحني اخالف الحين والا بعد الكهربا

ماتبي ادش بمشاكل وتأخير كهرباء والبلديه خل تجاوزك بعد الكهرباء


عندك احد يمشيك تجاوز

انه عندي تجاوز والبلديه وقفته ونصحوني بالأزاله بس تجاوزي ضروري بعد السؤال و التأكيد ارفع قضيه مستعجله حق الكهرباء وانت وحظك امه غرامه او برائه مع أيصال التيار الكهربائي مثل ما صار في فهد الأحمد انه افضل التجاوز قبل الكهرباء

لسبب 1- زيادة الأحمال الكهربائيه للتجاوز 2-في حال لو انك رغبت في بيع البيت يكون تجاوزك قانوني بموجب حكم قضائي وما توقف البيعه


سؤال طال عمرك بأي قطعه تبني

 

[foreman96]

ماتبي ادش بمشاكل وتأخير كهرباء والبلديه خل تجاوزك بعد الكهرباء


عندك احد يمشيك تجاوز

انه عندي تجاوز والبلديه وقفته ونصحوني بالأزاله بس تجاوزي ضروري بعد السؤال و التأكيد ارفع قضيه مستعجله حق الكهرباء وانت وحظك امه غرامه او برائه مع أيصال التيار الكهربائي مثل ما صار في فهد الأحمد انه افضل التجاوز قبل الكهرباء

لسبب 1- زيادة الأحمال الكهربائيه للتجاوز 2-في حال لو انك رغبت في بيع البيت يكون تجاوزك قانوني بموجب حكم قضائي وما توقف البيعه


سؤال طال عمرك بأي قطعه تبني

ق4
بس خوفك المحكمه تصدر قرار ازاله بعدين راح تكون حوسه والله انا متردد ماني عرف شسوي