شرح مشكلة اسواق القرين مهم جدا

[تاجر بالفطرة]

بسم الله الرحمن الرحيم

• 
  موضوع اسواق لقرين
  • 
    اتمنه من كل قلبي من اي شخص يقدري علي نشره في جرايد لكويت ان ينشره
    • 
      بداية الموضوع...
      • 
        قرات في الجريد الرسميه عن اسواق لقرين وعن بدايت التأجير وكان ابخاطر مطعم وقهوة ورحت وقعت معه الموضفين للشركه وسالت عن نشاط مطعم وقهوه وبلغني ان يوجد عدد عدد 14موقه فقط ومخصص لنشاط مطعم ومقه في ابلوك واحد فقط وكلهم في الدور الاول فقط ولايوجد الدور الارضي ولايسمح بل دور الارضي المهم رحت مع المهندس وشفت جميع المحلات المخصص لنشاط المطعم ومقه وخترت المحل و وقعة العقد مع الشركه واول مفاجه من الشركه انه اهم يخلصون الرخص !بس الغريب ول اغرب ان مااخذو مني توكيل عشان يخلصون الرخص وسالت الموضف قال عادي احنه انخلصه استغربت وكلت مع نفسي يمكن الشركه متفقه مع البلديه وتضح بعد فتره انه الموضوع اكبر من جذي طلع الشخص الي يخلصهم بل بلديه مرتشي من الشركه وكتبو عنهم بل جريد الرسميه و وزيرنقل بعض الموضفين الي مراكزاخره ولاخر انفصل من عمله يعني العمليه نصب ابنصب وطاح فيه الوزير البلديه والماجرين المحلات ومشكله الاكبر ان الشركه اتقول روح اشتغل وعدل المحل علي ما ان خلصلك الرخص !ما معنه هذي الكلام؟ وغلب الناس اشتغلو علي كلام الشركه أنتو حكمو وسالو قبل ماتضلمون الوزير وناس الي اجرت المحلات لانه اذا وافقتو علي إعطاء مهله سنه او رخصتو المنطقه راح الناس اتضيع استغربتو صح أنا اقولكوم اشلون لانه الشركه بعد وقوف التراخيص تخصبقت اشسوت الشركه قامت تاخذ من المؤاجرين نص قيمت الاجار ف انتو حسبو من مودت سنه جم صار علي المؤاجرين من مبالغ متاخره طبعن راح راح تأخذهم الشركه صح ولا واح تاخذ أجار كامل أش راح يصير في الماجر أكيد راح يخلي محله الي دفع عليه دم قلبه ولي قادر راح يقعد ومشكله الاكبر يقلون انهم امحددين الانشطه وتضح انه المنطقه اصبحت كله مطاعم ومقاهي وعددهم اصبح 60 مطعم ومقه اشلون بطلع افلوس العمال الي تشتغل عندي وشلون بطلع افلوس القرض ولا ولاهم اشلون الدور الاول مطعم ومقه ودور الارضي مواد بونه اسميت ورمل البلديه عمره ماتعطي مطعم وموادبنه يم بعض ولا بعد افتحت المجال الشركه قامت تعطي الدور الارضي حك نشاط مطعم وقهوه يعني عدم وجود مصداقيه مع المؤاجرين ولااسمع بعد الماجر الي مااطلعت رخصته يقلوله ادفع اجار ولا نخليك ونتو قتوله اشتغل بل محل هل الكلام يرضي الله ورسوله وفي قسايم تاجرت حك مطاععم ومقاهي وباعو القسيمه وياهم صاحب القسيمه يبلغهم انه مايبي مطاعم ومقاهي يعني طلعو ولا مساكين ماعندهم رخص انجلتهم الشركه وأبي منكم اطلعون وتتاكدون من صحت كلامي وتحكمون منو الي طلع....الشركه ولا الوزير. وبعدين وين المواقف الي ام خصصه للمقاهي وين 14 قهوه بس وين المصداقيه ياشركه وجم دفعتو حك الي مشه الرخص وجم واحد سلم محله وخسر تكلمو بل صدق ول امانه وبي اتوضحونه الغموض الي صارت بل منطقه وصدقوني المشكله اذا وافقتو علي ترخيصه المنطقه راح اتشفون اصحاب المحلات اشلون راح يتضررون من الشركه ولا نسيت اقول بعد اغلب المباني غير صالحه وم دعمته الشركه عن الصقوط وأبي اطلعون وتتاكدون من صحت كلامي
        • 
          ( وتمنه من كل شخص قادر علي نشر ان ينشره في الجريده الرسميه وردو وره اشوي وتذكرو الموضفين الي حالهم الوزير وكتبو عنهم بل جريده

 

[عقاري1]

كلامك صحيح -والشغله من البدايه نصب بنصب --

 

[alsayegh]

انا اتفق معك في كل كلمة ذكرتها.. والمستثمر هو من يتحمل النتيجة اولا واخيرا .. والغش والنصب لم يكون في اسواق القرين فقط بل في اغلب الاسواق والمحلات .. لذلك على المستثمر قبل الاقدام على اي خطوة في تأجير المحل لابد ان يسأل بنفسه البلدية ويتأكد من هل النشاط المراد استثماره مسموح او لا ...
وثانيا لابد ان يأخذ العقد بنفسه ويذهب الى اي مكتب محاماة لعرف ما هي الحقوق والواجبات عليه ..

اذا، المشكلة في ربعنا المستثمرين الصغار وقلة خبرتهم وانا لا الوم الشباب، فهم في النهاية اخواننا وكانوا لديهم الطموح والاجتهاد ...

اما الوزير فاضل صفر، فهو غير مسؤول عن تلك، فهو يقوم بطبيق القانون حسب اللائحة، فاذا لم يطبق القانون قالوا له انت وزير مقصر ووزير فاشل، واذا طبق القانون فهو وزير لايراعي المواطنين...

اذا ما الحل ؟؟؟

الوزير ليس لدية مشكلة، فاذا اتى القرار من مجلس الوزراء بتغير الائحة الخاصة في مشروع اسواق القراين وتغير نشاطها من نشاط حرفي الى نشاط تجاري " واعتقد هذا اقرب الى الواقع لحل معاناة الستثمرين" واعتقد ان مجلس الوزارء سوف يتجه نحو تلك الخطوة، وذلك خوفا من الاحكام القضائية وما يترتب عليه من تعويضا ضخمة ...


او يترك الموضوع للاحكام القضائية فاذا تقدم المستمر في رفع قضية على البلدية وكسب الحكم فلابد ان يطبق الحكم .. مثال مستثمر لدية مقهى او مطعم ورفع قضية امام المحاكم وكسب الحكم " بصفة نهائية" فلابد للوزير ان يطبق الحكم ..


وفي النهاية الوزير فاضل صفر وزير اقسم على ان يطبق القانون على الجميع والمحافظة على الاموال العامة وشهادتي للوزير مجروحه فهو وزير لايرضح لاحد الا القانون.. فهو عمل على محاسبة الموظفيين المقصرين .. رغم تدخل نوابنا في حماية هؤلاء الموظفيين المقصرين والمدانيين

وفي النهاية، اقول لاخواني المستثمرين لابد ان يكون هذا الموضوع درسا وتجربة للمستقبل وعدم اليأس فالحياة تجاررب ولابد ان يتعلم من تلك التجارب

 

[Just Dream]

الله يعطيك العافيه الله يعينك ويعين كل اللي خذوا محلات هناك وانا واحد منهم
الموضوع شبع نقاش بـ هالموضوع تقدر تطلع عليه وفيه جم مستند

http://www.indexsignal.com/forum/showthread.php?t=243802

مشكلة المنطقة بكل إختصار للمهتمين واللي مو حابين يقرون ال8 صفحات بالرابط اللي حطيته تتلخص بالآتي:
1) بال2002 رست المناقصة على الشركة المستلمة المشروع حاليا بأسواق القرين وهي شركة الإنشاءات الشرقية على أنها مناقصه تطوير منطقة صناعية حرفية خدمية

المقصود بالصناعية طبعا واضح

والحرفية والخدمية يعني تكون فيها مواقع للوزارات والجهات الحكومية تكون فيها بعض المحلات التجارية بمساحة بسيطة بس ماتكون طاغية على المنطقة بالشكل اللي صار وتكون فيها منطقة لمعارض السيارات


2) بال2008 بدت الشركة بتسويق المحلات ونجحوا بإستقطاب بعض الشركات الكبيرة وفعلا لما نجحوا بدوا يستقبطون المستثمرين الصغار وكانت ذورة الإعلانات بالجرايد والتلفزون بشهر 4 - 2009 ومثل ماقلنا كان تواجد الشركات الكبيرة عشان يبعدون عنهم الشك إن هالمنطقة غير تجارية ومثل هالشركات الكبيرة مثل رامز ولولو هايبر ماركت ، ستاربكس، التسهيلات التجارية.

وهذي الإعلانات نزلت بالوطن بشهر 4- 2009

ماعتقد إن المسؤولين عندنا مايقرون جرايد ولا يقربون صوبها ولا يسألون حتى عن المشاريع ولا حتى عندهم من القراب منهم كان يسأل عن هالمشروع

3) انا كـ مستثمر لما اوقع العقد مو مسؤوليتي اني ابحث ورا هالمشروع بشكل متعمق وأطالع قرار قرار هذا اذا حصلت القرارات بالأساس, هذي مسؤولية وزير البلدية ووزير التجارة هم المختصين بمعرفة المناطق الإسثتمارية والمناطق التجارية والمناطق الحرفية والمناطق الصناعية وغيرها, انا علي بااللي اشوفه جدامي هو ان فيه ناس قبلي ترخصت لهم المحلات وفيه شركات كبيرة تجارية موجوده ونظام بينان المحلات اصلا مو بنيان محلات صناعية لا من تصميمها ولا من الأشياء الثانيه اللي تعطيك فكرة كاملة ان المنطقة تجارية بالكامل

+ لما اشوف جيراني يشتغلون وطالعه لهم التراخيص الكاملة - قبل لا اوقع العقد مع الشركة - فإن هذا يأكد إن الأمور ماشيه ومافيها شي ف شاللي يمنعني إني اوقع العقد مع الشركة بالنشاط اللي رايح ابيه وعطوني الموافقة عليه الشركة بناء على معرفتهم بالأنشطة المسموح فيها وتنظيم المنطقة بالكامل.

4) بعد ماطلعت البلدية بهالخبر إن المنطقة مو تجارية لكنها حرفية نزل بيان من الشركة يوضحون فيه موقفهم بشهر 1 - 2010 متحججين إن الرخص اللي ترخصت هي نفسها بالشويخ والصليبية والجهرا الحرفية !! ياسلام أول مره ندري إن بهالمناطق محلات ألعاب أطفال وعطورات وملابس ومطاعم بالهبل وقهاوي بالهبل وعادي تحطلك مكاتب محاماة .. بذمتكم فيه مكاتب محاماة بالشويخ الصناعية؟

وهذي صورة البيان اللي نزل بشهر 1

4) إذا كانت الإعلانات الرسمية اللي شفناها بشهر اربعة استمرت والناس رخصت محلاتها ووصل عدد التراخيص المخالفة 650 حسب ماطلع فيه تقرير لجنة تقصي الحقائق بالبلدية وتطلع لي البلدية بعد 7 و 8 و 9 شهور تقول إن هذي التراخيص مخالفه !! صباح الخير ؟ صح النوم ؟ تو الناس ؟ طيب والحل شنو ؟ قالوا بيشكلون لجنة تقصي الحقائق ويشوفون المخالفات وطلعت مخالفات بالهبل وقرروا يعطون مهلة لمدة سنه لتعديل الأوضاع وتعديل الأوضاع يعني

أ) إما انك تسكر محلك وتسلمه عن طريق المحكمة قانونية بعد ماتسوي اثبات حالة بالمحكمة اذا كان عندك فواتير ناقصه.
2) أو إنك تحول نشاطك التجاري إلى نشاط صناعي وهذا مستحيل طبعا شلون واحد فاتح له عطورات مثلا يروح يصنع اجبان ولا يبيع نفيش؟ مع إحترامنا لكل المهن والحرف والنشاطات
3) أو إنك تصبر خلال هالسنه يمكن يتغير شي من قرارات البلدية أو يطلع قرار جديد أو يطلع الحق مع الشركة ضد البلدية !! ليش أخسر محلي عشان خبر طالع ماينعرف الحق مع منو فيه !

وهذا تقرير لجنة تقصي الحقائق اللي نزل في بعض الجرايد وماقصرت جريدة الراي اللي غطت الموضوع بالكامل وتابعته وخاصة الأخ الصحفي مشعل السلامة اللي كان يزوّدنا بالاخبار أول بأول

http://www.alraimedia.com/alrai/Article.aspx?id=194122

وأهم شي فيه بإعتقادي هذي الجزئية :

5 تم ابرام العقد بين الهيئة العامة للصناعة والشركة في 31/12/2002 واعتمد كالتالي:
أولا: المنطقة الحرفية ومساحتها 24750م وتشمل الآتي:
أ- 467 قسيمة فئة 500م.
ب- 64 قسيمة فئة 1000م.
ج- منطقة خدمات موزعة عبارة عن 9 دكاكين بمساحة 100م لكل منها ومحلات تجارية بمساحة اجمالية بمساحة 1000م.
د- مسجد بمساحة 5.578 م و1050 م.
هـ- عدد 2 مواقف سيارات بمساحة 5.887م 1050م.

ثانيا: منطقة معارض السيارات ومساحتها 46000 م موزعة كالتالي:
أ- مساحة للاستغلال التجاري قدرها 38400 م بنسبة 60 في المئة من المساحة الاجمالية لمعارض السيارات.
ب- منطقة خدمات بمساحة قدرها 25600 م بنسبة 40 في المئة من المساحة الاجمالية للمعارض.

ثالثا: منطقة الخدمات العامة: تقع جنوب المنطقة ومساحتها 27177 م موزعة كالتالي:
أ- مستوصف بمساحة 4212م.
ب- مسجد بمساحة 2120م.
ج- مواقف سيارات بمساحة 10000 م.
د- محلات تجارية بمساحة سطحية 800م.


هـ- اماكن التشجير وزراعات تجميلية محددة بالمخططات.
و- مركز اطفاء بمساحة 4740م.
ز- مخفر شرطة بمساحة 2550م.

وهذا قطع الشك باليقين إن المنطقة حرفية خدمية ولكن فيها مساحات تجارية قليلة جدا لكن الجزء الأكبر مخصص للحرف وليس النشاطات التجارية + مخصص لمعارض السيارات + مخصص للخدمات ومواقع الوزارات ولاحظ المساحة التجارية الموجوده 1800 متر بس تقريبا + 9 دكاكين بمساحة 100 متر !!

اللي نشوفه ان 650 ترخيص مخالف لو نضربهم عالاقل عالاقل ب 20 متر على المحل واحد هذا غر القهاوي والمطاعم والمحلات الكبيره راح نلقى ان المساحات تتجاوز المساحة المخصصة بدبلاااااااااااااااات

يتبع ..​

 

[Just Dream]

تكملة الكلام اللي فوق ونحب نشرح بعض المراوغات اللي قامت فيها الشركة ..

1) بعد مانزل تقرير لجنة تقصي الحقائق .. كان صمت كامل من الشركة , وماعرفنا سر هالصمت وقتها لكن عرفناه بعد فترة إن سر هالصمت كان معرفتهم بغلطهم .. مو معقوله يطلع التقرير ضدهم ويسكتون ؟ والسر الثاني كان تراكم الإيجارات على المستأجرين دون مطالبتهم بذلك, سكتوا شهر , شهرين , ثلاث وأربع , وفجأه من شهر مارس إلى نهاية 2010 تلقى صحائف دعوى على المحلات بدفع قيمة الإيجارات اللي طايفه. طيب ليش ماطالبتني كل شهر بشهره؟ طبعا السر واضح إن اللي مايتابع الموضوع يظن إن الإيجارات واقفة كون المنطقة بكبرها مخالفة ولكن السبب الحقيقي كان هو تراكم الأجارات ولا ننسى إن أجار المحل التجاري = مرتين من المحل الحرفي

2) من عطى الوزير مهلة السنة ماكان فيه اي تحرك إعلامي ولا غيره من قبل الشركة اللهم التحرك القانوني بالمحاكم, اللي راح تصدر حسب مايقول محامي الشركة حكمها النهائي ب26 - 9 القادم , ليش إلتزمت الصمت هالفترة ؟ لو كان لك حق ليش ماحشدت جهودك الإعلامية مثل ماحشدتها بآخر فترة وكل يوم مؤتمر صحفي؟

3) ومثل اللي يقول سكت دهرا ونطق كفرا نزلوا بيان بعد ما اعلنت البلدية بقرب إنتهاء الفترة الممنوحة من البلدية .. قامت -حسب إعتقادي -.. الشركة ونزلت بيان ثاني بس هالمره بإسم المستأجرين ونزلوا بيان ثاني بالجريدة

وطبعا هالبيان مافيه شي جديد إلا إنهم يقولون إن تحديد الأنشطة مو من اختصاص البلدية

وطبعا هالكلام صحيح .. لكن
كون إن المنطقة تحتوي على أنشطة صناعية وحرفية + أنشطة تجارية وخدمية
فإن مسؤولية الترخيص تكون لجهتين
1) الهيئة العامة للصناعة بالنسبة للحرف والصناعات
2) وزارة التجارة بالنسبه للمساحات القليلة المخصصة للنشاطات الخدمية والتجارية

لكن وين الإختلاف ؟
شنو القسايم المخصصة للإستخدام الحرفي؟
والمساحات القليلة التجارية وين بالضبط ؟
ومنو يحدد إن هالقسائم او هالجزء من المنطقة هو جزء خدمي أو جزء تجاري أو جزء حرفي ؟
طبعا اللي يحدد هالموضوع واللي يختص بتنظيم المناطق وبشكل معروف هو بلدية الكويت

يعني المشكلة تنظيمية بحته وتسببت فيها البلدية بشكل أساسي إنها وافقت على أنشطة بغير أماكنها اللي تنظمت فيه

زبدة الحجي :
محاميهم يدفع بعدم اختصاص البلدية بتحديد الأنشطة وهذا صحيح هذا اختصاص وزارة التجارة والصناعة بالنسبه للأنشطة التجارية والخدمية + إختصاص الهيئة العامة للصناعة بالنسبة للأنشطة الصناعية والحرفية

لكن بالنسبه لتنظيم المنطقة هو إختصاص البلدية بشكل كامل تنظيميا .. تنظم كل قسيمة ونوعها كانت تجارية او حرفية أو استثمارية, يعني عندك نشاط مسموح فيه .. اوكيه .. مسموح فيه وين ؟ أي قسيمة بالضبط !! هل القسائم اللي توطنت فيها الأنشطة حاليا هي صحيحه ؟ طبعا حسب كلام البلدية يقولون لا في خطأ بتنظيم الأنشطة

المهم إن أهم الملاحظات :
1) كـ مستأجر مو شغلي إني ابحث ورا هالمنطقة تجارية ولا حرفية ولا غيره, اللي علي إن شغلي ماشي بوزارات الدولة ولا لا ؟ وعلى فكرة فيه ناس راحت بنفسها للوزارات ورخصتها بدون لا الشركة تراكض بهالموضوع يعني الأمور كانت من البلدية بدون مندوب الشركة
يعني هذي مسؤولية وزارات الدولة اللي تعطي تراخيص رسمية إنها تحمي المواطن من كل نصب واحتيال وتدليس

2) الترخيص التجاري مايطلع إلا بحضورك شخصيا وتوريهم بطاقتك المدنية ويتأكدون من شخصيتك!
واذا ماحضرت شخصيا فهذا يساءل فيه موظف وزارة التجارة شلون يرخص للمندوب وهو ماعنده توكيل منك او من غير حضورك شخصيا

3) الخطأ مشترك بين
أ) الشركة اللي غيرت حقيقة المشروع وهو حرفي خدمي (فيه مساحات تجارية قليله) إلى نشاط تجاري خدمي (مافيه نشاط حرفي) وهذا اعتقد يعتبر تدليس لأنهم غيروا حقيقة المشروع وإذا ماتم إعتباره نصب وإحتيال حتى

ب) وزارة البلدية اللي مسؤولينها مايدرون عن تراخيص تطلع وحسسونا إن المنطقة تحت الأرض محد يدرا عنها , وهي جدام عينها من سنين وسنين والمفروض تكون فيه متابعة لمثل هالمشروع اللي رسى بنظام الـ B.O.T لأن مشاريع هالنظام اساسا قليله فالمفروض تكون لها لجنة خاصة للمتابعة عشان لا تخالف

ج) وزارة التجارة تقول أنا اعتمد على موافقات البلدية وهي معاها حق بهالشي كون إن البلدية هي المختصة بتنظيم المنطقة بس الأنشطة هي اختصاص وزارة التجارة وشرحت هالنقطة فوق وقلت إن التجارة تعطيك أي نشاط ماعندها مشكلة والبلدية هي تحدد ما إذا كانت هالقسيمة تجارية أو حرفية أو صناعية أو إستثمارية

الحل الأفضل كان برايي حق اللي شاركوا بالإعتصامات الأخيرة اللي صارت إنهم يطالبون بتعويض فوري لحمايتهم من مطالبات الديّانه ويكون هالتعويض مؤقت ورمزي لحين تنتهي القضية ويقدر المستأجر يرجع فلوسه عن طريق المحكمة لكن المطالبة كانت بالتمديد وهي حقهم لكن هالثلاث شهور لازم تكون مسوي حسابها من أول مابدت المهلة لكن برايي الشخصي إن الشركة ماتستحق فلس واحد تاخذه من المستأجرين بعد ماغيرت حقيقة المشروع وهي استفادت من مهلة السنه لأن قلنا اجار المحل التجاري دبل اجاري المحل الحرفي لو المحل التجاري الحالي اجاره الشهري 1000 , نفس هالمحل لو حرفي اجاره ماراح يتجاوز ال500 دينار.

الله يفرجها علينا وكنا نتمنى الحكومة تعوضنا على خطأها وتقصير موظيفنها الكبير وليته كان تقصير عادي , لكن الحمدلله على كل حال وناطرين القضاء النزيه يحكم بالقضية ونتأكد الحق مع منو واللي انا قلته مجرد اجتهاد وراي شخصي يحتمل الصواب والخطأ وكان هذا مجرد توضيح حق اللي يحبون يعرفون أبعاد الموضوع من بدايته لنهايته ..

أدري إني طولت بالشرح لكن هذا المختصر المفيد وماقدرت اختصر اكثر من جذي : ))​

 

[china]

اليوم اخر يوم لمهلة تسكير المحلات

لاحول ولا قوة الا بالله

قطع الاعناق ولا قطع الارزاق

ان شاء الله حوبة المستثمرين ماتتعدى وزير البلدية فاضل صفر
واذا لنا حق الله بياخذه منه

 

[china]

اليوم اغلاق المحلات

 

[red1981man]

في احد زار المنطقة وتاكد اذا سكروها او لا

 

[Just Dream]

انتهاء المهلة 6-6

يعني من باجر يبدون يسكرون والله يعينا ويعين الجميع

 

[china]

تم تسكير اكثر من محل

 

[nmb2000]

اذا وزير البلية مو اختصاصه ووزير المالية كذلك و معاهم التجارة فلماذا لايتجه الاخوه المتضررو الي النيابة العامة حيث هي جهة الاختصاص اذا كان الشركة مالكة المشروع ومالكها قد قاموا بالنصب والاحتيال علي المواطنين فلتحيلهم علي القضاء العادل وبشكل عاجل واحكام مستعجلة حيث الوضع لايحتمل . وكان الله في عون الجميع

 

[china]

مافي اخبار جديده

 

[بــوعبدالله]

اخر خبر امس سمعته ويقول
مكمة التمييز رفضت طعن المستثمرين وخلال اسبوعين راح يصكون كل المحلات والقهاوي والمخالفة

 

[china]

مافي شي جديد

 

[ليث متواضع]

من ناحية أغلاق المحلات تمت بشكل قانوني بسبب عدم وجود تصاريح خاصه للمحلات وأصحاب المحلات اللذين أستولوا عليها بدون وجه حق تلاعبوا ببداية الأمر وناوين يبيعون المحلات بأسعار خياليه لولا تدخل الدوله بحكم القانون وكان لهم وزير البلديه بالمرصاد

 

[الحريه وطن]

عطوهم مهله لشهر 12 الجاي

 

[china]

من وين خبر المهلة اخوي

 

[الحريه وطن]

من صاحب مقهي الليل ياباشا