كهرباء منطقة المسيله

[مستثمر73]

السلام عليكم

عندي معلومه مؤكده عن كهرباء المسيله ..

الكهرباء يبيلها مالا يقل عن سنتين ونصف الي 3 سنوات للأنتهاء من المحولات الرئيسية وبعدها يبيلها فتره للتوصيل !!

أرجو من الأخوان الأنتباه لأني أعرف أشخاص يقولون أن الكهرباء راح توصل بعد 6 شهور وألأي يقول شهر 9 وبعضهم يقول بداية 2012 !!
هالكلام غير صحيح أطلاقا ..

أنا بغيت الكل يعرف ومن باب حب لأخيك ماتحب لنفسك ولا أحد يتدبس بأرض وأهو في أشد الحاجه للسكن ..

الأخوان ألي بنوا بالمنطقه الله يعينهم على الأنتظار وأتمنا يسكنون بأسرع وقت ..

 

[bu sale7]

انا اقول اللي يبي يشتري على اساس يسكن بعد عام لا يفكر لان الكهربا يبيلها سنتين اقل شي

 

[مستثمر73]

الكهرباء نهاية 2014

 

[عقاري1]

هاذي المسيله ل 2014 - فنيطيس وبوفطيره متااا ؟؟؟

 

[bu sale7]

الله المستعان. والاراضي بارتفاع مستمر*

 

[مستثمر73]

الناس على بالها الكهرباء بعد 6 شهور و لا سنه .

لازم الكل يعرف متى توصل الخدمات مثل الكهرباء علشان ما يتوهق الواحد بسعر عالي علي أرض بدون خدمات لمدة 3 الي 4 سنوات ..

أرجو للأنتباه لهذا الأمر وتنبيه الناس ألي تعرفون للفائده .

 

[Kaubar]

جابر الأحمد هل وصلت الكهرباء لهم

 

[المهندس حسين]

زين أنا مفكر أحفر بعد رمضان إن شاء الله يعني سنتين على ما أكون شطبت وبحول الله تكون الكهرباء واصلة

 

[كيدي كاو]

والله مادري تضحكون علي منو بضبط الاسعار طارت وانتو لي الحين كهرباء وماء انا اقول اللى عنده فلوس تكفي ارض يشتري ولا يسمع كلام احد انا من قبل كنت معاكم انه لا بد الاسعار تنهار بس ماكو بديل عن هذي الاراضي ماكو بعد هذي الاراضي مشروع خلو الناس تشتري اليوم فلوسهم تيب لهم ارض باجر ما تيب لهم بيت حكومه انا شريت ارض من قبل شهر بضبط 140 اليوم ايبولي واسطات عشان ابيعهم علي 168 لو سامع كلامكم وناطر مو جان الحين شاري في العالي مو جان خذيت قرض عشان اكمل فلوسي واشتري ارض

 

[كيدي كاو]

ابشركم اليوم بوفطيره شارع واحد 142 400 متر وخلكم يا بو كهرباء
بنسبه لي كهرباء المسيله شهر 2 الياي راح تولع وتنور طريق الفحيحيل باذن الله واقول اللى عنده يشتري ولا يسمع كلام المحللين اللى يدرسون مسائي

 

[صاحب]

أخذ الحجي الي غروقه بالماي

اذا الله جعلنه من الحين انشأ الله وخلال 12 شهر القادمه راح تشوف النور بالمسيله والحجي الي مأكدينه لي انه خلال 8 شهر بس بنظرتي البعيده اقولك 12 سهر

وكلامك بخصوص المحولات الرئيسيه فيه مبالغه اشوي لأنه العقد انشاء وتشغيل محطات المسيله مدتها سنتين ابتداء من 26 / 4 /2011 للعلم


وتشغيل كهرباء المسيله بشكل مؤقت من محول الرئيسي الي موجود بفنيطيس و العدان وتم صيانت الكابلات والمقاول الي عمل الصيانه على ذمته يقول خلال 6 اشهر

والأسعار ولعت وخلال سنتين القادمين شارع واحد 400 على 200000 دك اذا مو اكثر والعلم عند الله

استغفر الله العظيم من كل ذنب

 

[topic_love]

هذا الكلام الصحيح من الأخوان ( كيدي كاو - صاحب )

شنو سنتين و3 سنوات يالله توصل الكهربا الناس تشطب بيوتها وانتوا تقولون 3 سنوات

اساسا الأراضي الحين قاعده ترتفع كل يوم اكثر مثل ما قالوا الأخوان

بس الظاهر تقولون هالكلام تبون الأسعار تنزل او اللي عنده ارض وغشيم يبيعها باقل من سعرها

بس كلامكم حتى مو منطقي على 3 سنوات !!!

حدث العاقل بما لا يعقل فإن صدق فلا عقل له

تحيتي

 

[مستثمر73]

ياشباب والله أتمنا يوصلون الكهرباء من باجر بس ليش أقص عليكم وعلى نفسي ؟؟

الكلام ألي عندي من مسؤولين كبار بالوزاره !!

على العموم الوقت راح يثبت أذا كلامي صحيح ولا معلومتي غلط ..