[ :::.. يعجبني وما يعجبني ..::: ]

[نجوم777]

ماهى الاشياء الى مااتعجبك بديرتك....؟؟؟؟؟ وودك تتغير ومااتشوفها ...

تكون صريح وتقولنا شنو السلبيات وشنو الاشياء الى مااتعجبك فى ديرتك ؟؟..والا!!!

السلام عليكم ورحمته وبركاته

انا بصراحة احب ديرتى وبالعيوب اللي فيها بعد..نعم وشنو يعنى ...

مافيه بلد في العالم خالية من السلبيات

وحنا نفس اي بلد عندنا السلبيات وعندنا بعد ايجابيات

اسمحوا لي ان ادعوكم بتسجيل كل ما ترونه سلبيا

في الشارع الكويتى وتتمنى ان يكون له حل


هااااااااااااا

منو الى يشارك ويقول لنا عن السلبيات والاشياء الى مااتعجبك وماودك اتشوفها بديرتك..؟؟؟؟؟؟؟

 

[نجوم777]

والله مااكتبت هالموضوع الا يوم شفت شى سلبى وانا راد البيت من الدوام .....عرس ومسكرين الشارع الرئيسى ...ونمشى على ضغط السياره يعنى الى يدلك الشارع واقف ....وماوصلت البيت الا وروحى طالعه من الزحمه الى مسوينها للمعرس .....هذى صراحه شغله مو حلوه شفتها بديرتى انغثيت منها .......

 

[داشه عرض!!]

بعض العادات والتقاليد البعيده عن الدين يكون فيها ظلم للافراد

ووايد اشياء ماتحضرني لي رجعه ان شاءالله

 

[نجوم777]

عمال النظافه الى وااقفين عند الاشارات .....يعنى قاعد نشوف تسوول ماانشوف نااس تنظف ....يعنى هالمشهد دايما اشوفه ....هم يستاهلون الصدقه ...بس مو بهالطريقه

 

[B-A-1983-A-B]

الديرة حلوة بس لو الله يفكنا من الواسطة + الحسد + التجمع البنغالي الهندي الصعيدي في منطقة الجليب + الحساوي + المناظر الكريهة بالمرقاب و العمارات القديمة جدا جدا

ودي يسوون مطار ثاني بالديرة مثل مطار دبي

 

[بوالعيس بيك]

يعجبني النظام واحترام قوانين المرور بالشوارع

وماتعجبني الزحمه إللي صارت 24 ساعه باليوم

ويعجبني المواطن الكويتي

وماتعجبني العماله الهامشيه الهنديه والبنغاليه إللي ماتعرف شي اسمه نظافه

ويعجبني التشجير والزراعه جدام البيوت وعلي أرصفة الشوارع

ويعجبني ومايعجبني​

 

[قلم حر]

ديرتي عاجبتي واحس بالرضا والفخر بإنتمائي لها

واللي مو عاجبني اللي صاير عند اغلب الناس

بس يتذمرون

حتى لو الكواي يحرق غترته يقول كله من الحكومه !




{ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ }

​

 

[acton]

تعجبني الديمقراطيه بالكويت ومايعجبني التذمر من الديمقراطيه
يعجبني العلاج بالكويت مجاناومباني المستشفيات ومايعجبني مستوى الخدمات الطبيه
يعجبني التعليم مجانا ومايعجبني المعلم الغير كويتي
يعجبني الطرق السريعه ومايعجبني الزحمه
يعجبني وزارات الدوله ومايعجبني روتين الورق
يعجبني اللباس المحتشم ومايعجبني فوضى ولا موضى
يعجبني بحر الكويت ومايعجبني اعماق البحر (ماكو سمج)​

 

[داشه عرض!!]

تعجبني الديمقراطيه بالكويت ومايعجبني التذمر من الديمقراطيه
يعجبني العلاج بالكويت مجاناومباني المستشفيات ومايعجبني مستوى الخدمات الطبيه
يعجبني التعليم مجانا ومايعجبني المعلم الغير كويتي
يعجبني الطرق السريعه ومايعجبني الزحمه
يعجبني وزارات الدوله ومايعجبني روتين الورق
يعجبني اللباس المحتشم ومايعجبني فوضى ولا موضى
يعجبني بحر الكويت ومايعجبني اعماق البحر (ماكو سمج)​

ماعبر انا بس تبي الصج صدقت والله بس فيه شغله ضحكتني شوي
مركز تحميل الصور

 

[بو شيشه]

السلبيات >> المطار والله يفشل ولا فيه اي اهتمام او تنظيم
اول ما تدخله تلقى مليون آسيوي والمشكله يوقفون مجموعات موزعين بالمطار وطايحينله سوالف
للأسف هذا واجهة البلد و الأمن جدامهم ولا يكلمونهم

 

[النايفه]

ما يعجبني عدم إحترام مواقف المعاقين والوقوف في الأماكن المخصصه لهم مع أنهم بحاجة هذا المكان

 

[فضل]

ما تعجبنى الواسطه اللى تاكل حق الغير ، خاصة من الاعضاء


ما يعجبنى احتكار مساحات كبيره من شاطىء البحر سواء من الشاليهات

او المشاريع اللى ما تخليك تشوف البحر كلش


وأكثر شىء ما يعجبنى التشكى والتذمر من اوضاع البلد السياسيه ..


​

 

[هيفا]

المناطق اللي فيها عزابيه يبيلها نفاض مثل خيطان وبنيد القار وغيرها ​

 

[الهمس الخجول]

أحب الرياض وأعشق ترابها بس اللي مايعجبني فيها الزحمه جدا ممله وكمان كثره العماله الوافده مسوين استعمار موطبيعي في كل مكان اشوفهم وأكثر شيء يستفزني أي يمني يلبس ثوب سعودي ويمارس مهنه التسول عند الاشارات !
اللي يعجبني بالرياض أنو من بعد الساعه 10 ليلا تكون الأجواء هادئه ومن بعد 12 تكون المحلات مغلقه والدوريات بكل مكان تحسبا لأي أمر طارئ
شكرا نجوووم بس لأنو موضوعك. أعجبني فحبيت إشارك فيه

 

[Navigator]

بس اللي مايعجبني فيها الزحمه جدا ممله وكمان كثره العماله الوافده مسوين استعمار موطبيعي في كل مكان اشوفهم وأكثر شيء يستفزني أي يمني يلبس ثوب سعودي ويمارس مهنه التسول عند الاشارات !

ساكنه بالبطحه ؟ :d

 

[على نياتي]

يعجبني وجود مجلس الأمه ومايعجبني بعض من أعضائه ​

 

[الهمس الخجول]

ساكنه بالبطحه ؟ :d

ههههههههههههههههههههههاي لا بغرناطه
وبعدين اسمها البطحاء
والزحمه بكل مكان بس أكثر شيء بوسط العاصمه لأنو هناك مقر الجامعات والدوائر الحكوميه الهامه

 

[away1979]

كلها تعجبني واموت فيها عسى الله يديم علينا نعمة الامن والامان

بس عندي شغله وحده صغينونه كبر عين النمله ماتعجبني

لو يفكونا ويسكرون جميع القنوات الخاصه

والله راح نحس بالراحه والطمأنينه ​

 

[نجوم777]

أحب الرياض وأعشق ترابها بس اللي مايعجبني فيها الزحمه جدا ممله وكمان كثره العماله الوافده مسوين استعمار موطبيعي في كل مكان اشوفهم وأكثر شيء يستفزني أي يمني يلبس ثوب سعودي ويمارس مهنه التسول عند الاشارات !
اللي يعجبني بالرياض أنو من بعد الساعه 10 ليلا تكون الأجواء هادئه ومن بعد 12 تكون المحلات مغلقه والدوريات بكل مكان تحسبا لأي أمر طارئ
شكرا نجوووم بس لأنو موضوعك. أعجبني فحبيت إشارك فيه

شكرا الهمس على مرورج .....تقولين سااكنه الرياض ...ذكرتينى بالغزو كنا ساكنين عماير خاصه للكويتين ....بس حلوه الرياض ومنوره بااهلها ....:cool:

 

[الهمس الخجول]

[/size][/color]


شكرا الهمس على مرورج .....تقولين سااكنه الرياض ...ذكرتينى بالغزو كنا ساكنين عماير خاصه للكويتين ....بس حلوه الرياض ومنوره بااهلها ....:cool:

إيوإ أعرفها ومرات كثير إشوفها بس من برى لكن من الداخل ولا مره شفتها