فيدوني الله يجزاكم خير خدامه مسترجعه تبي تسافر

[ضاري الضاري]

سلام عليكم اخذت من مكتب خدم خدامه مسترجعه وعطيتهم فلوس وسويتلها اقامه صارله شهر عندي والحين تقولي ما تبي تشتغل بتسافر ودقيت على المكتب قلتلهم الموضوع قالي مالي شغل فيها بيعها وهي تبي تسافر شنو الحل لها ابي فلوسي الحين اتمني انكم تفيدوني وجزاكم الله خير؟

 

[red1981man]

اخوي المكتب مو معطيك كفاله !!!
اشلون ماله شغل فيها ودها المكتب وقولهم ماتبي تشتغل واخذ فلوسك بس اهم شي الوصل معاك نفس الشي يبت وحده وماتبي تشتغل وفي كفاله وخذيت فلوسي كامله من المكتب

 

[ضاري الضاري]

ما عطاني كفاله والوصل ما حصلته الظاهر ضاع شنو الحل ؟

 

[ليونه]

ناس ما تجي الا بالعين الحمره

اقول روح للمكتب عالساعه 8 يعني قبل لا يصكرون بساعه وقول ابي صاحب المحل

ولا تطلع لو يقولون لك باجر يصير خير

لا تطلع

وعصب عليهم

ولما يوصل راعي المحل

قول شوف تبي مشاكل ابشر بالخير تبي ترجع فلوسي بدون مشاكل حاضرين

خدامه لها شهر وتبي تسافر وفوق هذا مسترجعه مايمشي عندي الكلام

يا تشوف لي خدامه ثانيه والا الحين تسلم فلوسي

غير هالحكي ما عندي

 

[nabhaan79]

في مخفر خاص بهالمواضيع

أظن مخفر الدعيه أو شي جذي

أصلا لعلمك المكتب اللي يمسكونه يبيع مسترجع عليه غرامه 500 دينار

وأنا ما أتوقع عطاك وصل لأن هالوصل راح يكون مستند عليه

ولا فيه حتى عقد بيع مسترجع بين الكفيل والمكتب

أنا أقول روح للمخفر اللي متخصص خدم والله يعينك

 

[silencee]

السلام وعليكم ورحمة الله

اخوي لا تحاتي روخ مخفر الدسمه

فيه مكتب هناك للعماله المنزليه ادخل المخفر من الخلف بمسافط المخفر الخلفيه واتجه للشاليهات البيض مو للمبنى وهناك قول لهم عندي مشكله مع مكتب

وعطاني خدامه وبعد ماحولتها بدأت تتذمر وقالتلي هي ماتبي الكويت بس المكتب غشوك فيها

هناك بيطلبون راعي المكتب ووقتها بيعرف الضوابط وتطبيخ الائحه على من يتجرا ينصب على مواطن ( المكاتب عليها تأمين ولها قانون صارم يخدم المواطن والعامل ضد نصب المكاتب وهم يخافون من هالاداره لانها هي من تقيمهم)

حقك محفزظ حتى لو مافيه كفاله طالما صار لها شهر توجه لهم


للامانه انا قبل فتره صديقي تعرض لمشكله مع المكتب وتوجه للدسمه وانا رحت معاه وهناك سلم هنديته والمكتب ردو له الفلوس دق عليهم قبل لا تروح 2531917


مودتي

 

[صقر3]

الله يعوض عليك

 

[ليث متواضع]

ليش الله يعوض عليه يبا بسيطه روح مخفر الدسمه في مكاتب تابعه لمشاكل الخدم انا صارت لي مشكله مع مكتب خدم في سنة 2003 حلوا مشكلتي وعطوني فلوسي بالكامل مايضيع حق وراه مطالب