مشروع يطلع 600 دينار بالشهر على الراحه مضمون

[ليث متواضع]

السلام عليكم اخواني لأهل آلخبره اريد مشروع يطلع بالشهر من 400 الى600 دينار بس يكون مضمون حيث ان المبلغ المتوفر حاليا 20000 دينار وجزاكم الله خير

 

[مستقل]

عليكم السلام ورحمة الله وبركاته

اخوي العزيز انت تتحدث عن مشروع يعطيك ارباح بنسبة 25% الـى 35% سنوياً حسب الارقام اللي وضعتها

هذا من غير خصم الزكاة 2.5% يعني نتكلم عن 37.5% ارباح سنويه

واعتقد هذا الرقم اللي تطلبه صعب جداُ

ومن باب النصيحه الارباح المتوقعه لمشروع جيد هي 15% سنوياً اي بحدود 250 دينار شهرياً وهي ارباح ممتازه جدا
هذا والله اعلم .

 

[egyptian869]

السلام عليكم اخواني لأهل آلخبره اريد مشروع يطلع بالشهر من 400 الى600 دينار بس يكون مضمون حيث ان المبلغ المتوفر حاليا 20000 دينار وجزاكم الله خير

السلام عليكم ورحمه الله وبركاته
اخى الكريم .. اولا احب اقول ان ماكو شئ مضمون والضامن هو الله قبل اى شئ وانت شايف شنو اللى صاير بشركات كبيره .. انا عندى مشروع رأس ماله من 10 الى 15 الف دينار والعائد فى حدود 10 الاف دينار بالسنه يعنى بيغطى راس المال تقريبا فى سنتين وهو مشروع يعتمد على التسويق والاعلان ويبيله شغل وتعب ولكنه بالنهايه إن شاء الله وأراد بيعطيك عائد مجزى كما ذكرت.

 

[Low Fat]

الأبن البار وشيك بالمخبا ... العقار أخوي ولاتدور غيره دبر ضعف المبلغ مع أحد أخوانك

وأشتروا شقه وبضمانها تروح لبيت التمويل تشترون شقه ثانيه وتكون بالعشرين أخذت شقه وأخوك نفس الشئ ... فكر وتلاقي وايد مشاريع بس تبي مخ يشتغل .. وبالتوفيق ,,

بما أن المبلغ نفس المبلغ ونفس الفكره أقتبست ردي عليه لك

 

[ولد الحمد909]

السلام عليكم
هلا اخوي عندنا شركة مساهمة تحت التاسيس باذن الله والحمد لله فيها مساهمين كويتيين وغير كويتيين باقي 2مساهمين وتتقفل الشركة ان شاء الله وتتحول مساهمة رسمية وتبلش شغل مميزات الشركة :
مثال اخوي لو تساهم مثلا ب5000الاف دينار زين تاخذ شهريا باذن الله ارباح 300 دينار تقريبا ويكون لك 5اسهم واذا اعلنت انها شركة مساهمة رسمية يتحولون ال5اسهم الى 5الاف سهم يعني لو بعت منهم 3الاف سهم بالسهم ب1دينار يعني 3الاف دينار وتكون ال300 لك ماشية الحمد الله شيء مضمون والشركة الحمد لله عندها عقود قوية مع جهات رسمية....
وانته موخسران شيء لوقعدت مع بومحمد شريك الوالد والمسؤول والخبير يعجبك ان شاء الله
تحياتي لك
اخوك فاضل الحمد
99302552

 

[khalid592]

انت تستهدف نسبه ربح 2.5% تقريبا .. وهالنسبه معقوله جدا
بس اهم شي اذا ابتديت لازم تعرف شلون تدرس اداره المخاطر بالمشروع وحاول لا تزيد خسارتك عن 25% من راس المال خلال 6 اشهر ..

انا من رايي لا تبدأ ب 20 الف مره وحده .. لانك تبي بالشهر 500 دينار !! فليس تبدا ب 20 الف ؟؟

حاول تقسم مبلغك : فلنفرض انك بدأت ب 5 الاف دينار .. واشتريت بضاعه من الصين .. كونتينر مثلا .. وتبي ربح 100% خلال سنه .. وطبعا هالشي سهل ..

راح تكون ربحان 5000 دينار ولو تقسمها على 10 اشهر يطلع ربحك 500 شهريا ..

بجذي انت ربحان هالمبلغ باداره مخاطره ما تتجاوز 25% من راس المال ..


وطبعا هالشي يكون على اي تجاره .. القصد لاتبدأ قوي .. لا ابدأ بشي بسيط وبعدين حاول تنمي تجارتك وباداره ماليه غير خطيره ..

ولا تنسي تشتغل بالمجال اللي تحبه وتفهم فيه عدل .. وحاول تدرس السوق دراسه ميدانيه .. ولا تعتمد على وكاله يقولون ..

والله يوفق الجميع ..

 

[الخاطر11]

شباب من عنده خلفيه عن اسعار الشقق التمليك

 

[ليث متواضع]

جزاكم الله خير

 

[الكويت2009]

وعليكم السلام ورحمة الله وبركاته

انصحك بمشروع مطعم خاصه مابين الاسواق الحيويه او المناطق السكنيه

انصحك بمشروع مصبغه مابين المناطق السكنيه

 

[BREMEN]

ظبط لك صالون مجهز مع الرخصه وضمنه
بس اتعب عالموقع وتوفر مواقف للسيارات

 

[ليث متواضع]

للرفع نبي مشاريع يديده وأفكار حلوه

 

[alyabse]

انا تاجر بسيط واعرف عن المشروع هذا الكثير
المشروع استيراد شاحنات اكتروس من المانيا ولدي صديق عربي الماني بالمانيا ثقه لخدمتك بمبلغ بسيط او الذهاب لوحدك فالبلد هناك امان ولا خوف وكل شيء قدام عينك اما بخصوص الربح بالشاحنه فهو ما يقارب 1000دينار او اكثر حسب شطارتك ومعرفتك بالشاحنات وسبب نجاح المشروع
اولا الكويت تعتبر ارخص الدول العربية باسعار السيارات وخصوصا الشاحنات والشرايه ياتون من السعودية وقطر وغيرها للشراء من الكويت
ثانيا الشاحنات محملة بالارباح بيعها مربح وعملها مربح وتاجيرها مربح
انصحك بتجريب سيارة واحده بعد دراسة السوق والنوع المرغوب والحجم وبسعر لن يكلفك اكثر من 5000دينار للسيارة واصله مع الجمارك او بدون الجمارك وبموديل 2002 واعلي مع العلم بان 2001 اكتروس حجم 1840 يباع ب 7000دينار
الشاحنات التي اقدم من 1993 لا تدخل الكويت ويمنع تصديرها

 

[ليث متواضع]

جزاك الله خير

 

[قديم في البورصه]

انا تاجر بسيط واعرف عن المشروع هذا الكثير
المشروع استيراد شاحنات اكتروس من المانيا ولدي صديق عربي الماني بالمانيا ثقه لخدمتك بمبلغ بسيط او الذهاب لوحدك فالبلد هناك امان ولا خوف وكل شيء قدام عينك اما بخصوص الربح بالشاحنه فهو ما يقارب 1000دينار او اكثر حسب شطارتك ومعرفتك بالشاحنات وسبب نجاح المشروع
اولا الكويت تعتبر ارخص الدول العربية باسعار السيارات وخصوصا الشاحنات والشرايه ياتون من السعودية وقطر وغيرها للشراء من الكويت
ثانيا الشاحنات محملة بالارباح بيعها مربح وعملها مربح وتاجيرها مربح
انصحك بتجريب سيارة واحده بعد دراسة السوق والنوع المرغوب والحجم وبسعر لن يكلفك اكثر من 5000دينار للسيارة واصله مع الجمارك او بدون الجمارك وبموديل 2002 واعلي مع العلم بان 2001 اكتروس حجم 1840 يباع ب 7000دينار
الشاحنات التي اقدم من 1993 لا تدخل الكويت ويمنع تصديرها

جربتها مربحه بس متعبه جداااا اذا انت رجال شغيل جرب الشغله هذي والله يربحك ويربحنا وفكرته استيراد سيارات اكتروس من برا حلوه بس لازم تكون عندك خلفيه عن السيارات شنو النوع الزين لان الخليج لهم موصفات خاصه و يبيلك ناس تثق فيهم واما بالنسبه انك تشتري سياره لك انت وتشغلها ترى شغله مو سهله الا اذا عندك احد يشغله لك بعقود

 

[ليث متواضع]

ما لنا غير نصايحكم

 

[agha]

لك رسالة على الخاصة

 

[ليث متواضع]

جزاكم الله خير

 

[workwork43]

في مشاريع كتير داخل الكويت و خارج الكويت انا مشارك في مشروع خشب خارج الكويت باخد على 20 الف كل شهر من 700 الى 650 دينار و فلوس في نفس الوقت فلوسي موجوده اطلبها في اي وقت و الشركه كبيره موجوده خارج الكويت كل سنه يزداد عدد مساهمين و مشاركين فيها

 

[ليث متواضع]

ياليت تحط اسم الشركه ورقمها وعنوانها وأكون شاكرلك

 

[ليث متواضع]

للرفع