رايكم في استيراد الخضار من السعودية

[aljaidy]

السلام عليكم

أفكر بإستيراد الخضار من السعودية وبيعها في سوق الخضار بالجملة وش المتطلبات اللي تسمحلي بالاستيراد هل لابد من رخصة استيراد وتصدير وهل استطيع البيع في السوق بدون مشاكل .

أرجوا من الأخوان المساعدة

 

[مؤسسة]

مساك الله بالخير

لاتفكر العمليه سهله عليك دراسة السوق وبالخص السوق الجديد ياخذ عمولات انصحك بدراسة الوضع قبل طبعا رخصة استيراد مطلوبه وانصحك بالخضار الذي تتحمل المده الطويله

 

[aljaidy]

ما قصرت أخوي ومشكور على النصيحة

 

[SnaFy]

شغلة حلوة بس عندك سيارة او شاحنة خاصه فيك ؟

 

[SnaFy]

ولازم تروح الرياض وتشتري الخضرة من مزادات شغلة مربحة حلوة ولكن تبي طولة باااااال

 

[mosaid]

السلام عليكم .. انصحك ياأخوي بأن لاتستعجل لأن سوق الخضار بالكويت متحكمين به اشخاص معينة .. واذا تعرف سماسرة السوق يكون احسن لكي تستفسر عن موضوعك ..

 

[aljaidy]

مشكورين على التفاعل

بالنسبة للسيارة ماعندي وحلها سهل تقدر تستأجر سيارة ومتوفره وبالنسبة للرياض أنا عندي ناس أقدر أخليهم على طول في السوق وهم يعطوني الأسعار اليومية وأقدر أخليهم يشترون ويحملون البضاعه على سيارة ويرسلونها للكويت كل الأمور هذي بالتلفون لكن اللي ما أعرفه نظام السوق في الكويت واللي أتوقعه انه حراج اي واحد يقدر يدخل الحراج بدون مشاكل والله أعلم بس بشرط يكون عنده شركة خضار مستورده وياليت أحد الأخوان اللي عنده خبره بالسوق يعلمنا بنظام السوق وطريقة البيع والله الموفق

 

[ليث متواضع]

قمة الربح استيراد الخضراوات والفواكه من السعوديه خاصه من الطائف والدمام

 

[القناعه كنز]

موفق خير ان شاءالله

انصحك تتابع قناة الزراعه على النايل سات تردد 10873

فيها رصد السوق واسعار الجمله حتى تقدر تقارن الاسعار .

 

[aljaidy]

ليث متواضع عسى الله يوفق

القناعه كنز مشكور على التردد

 

[al3mlaaq]

ماقصرو الاخوان كلامهم صحيح سوق الخضرة عندنا لة الية معينة ومسيطرين علية تجار من الكويت وخارج الكويت فياليلت تدرس الفكرة مضبوط لانة هذي خضرة صلاحيتها محدودة جدا
واذا ناوي اجر بسطة واشتغل صغير لين تفهم السوق عدل ويصيرلك علاقات لان الي يفهم السوق يعدي فية خير كثير اخوي

 

[مؤسسة]

ياخوي شروط دخول السوق ( المزاد ) حد علمي من الساعه 9 مساء الى الساعه 2 تقريباً اذا عندك بسطه تدفع تامين 3 الاق دينار تامين واذا ماعندك تدفع 10 الاف دينار تأمين هذا للذي يوريد يشتري ام بخصوص البيع و التنزيل سوف ارسل لك رقم مدير السوق ومثل ماقلت لك سابقاً ذا بقيت تستورد اهم شي تشتري في البدايه الخضار الذي تتحمل الحراره والوقت مثل البطاط والثوم والبصل والقرع والى آخره وانا بالخدمه وانا اخوك

 

[aljaidy]

ما قصرتوا يا أخوان وجزاكم الله خير ونبهتوني على أشياء ما كانت في الحسبان

 

[ابو عزوز2]

السلام عليكم
حبيبي انصحك لله سوق الخضره في الكويت مسيطرين عليه ناس
بالعربي مافي احد راح يشتري منك لو بلاش لو تقعد جم يوم راح تخرب الخضره
انحاش ----------------------------------------
تجربه شخصيه

 

[ابوعزوز88]

انا موجود فى الرياض وممكن امولكم بالخضره والتمر واشحن لكم باسعار جيده ...
ابوعبدالعزيز / 00966543903111