ابي سياره كشخه وكد ومد وياباني

[ورود وملايين]

السلام عليكم اخواني واخواتي

باخذ برايكم انا ابي سياره عائليه تصلح بر ومدينه عائله صغيره

ابيها ياباني او حتى اي ماركه بس اهم شي ما تخرب بسرعه وتكيفهااا باااارد

ابيها كشخه وتناسب عمري بالثلاثين يعني مو شبابيه وبناتيه

احترت والله يمكن القى راي منكم يساعدني بالاختيار

يلا لحد يدش ويطلع كلن يدلوا بدلوه ..بانتظاركم

 

[Maxima]

وعليكم السلام
كم ميزانيتك اخوي

 

[ورود وملايين]

اهلا ومرحبتين اخي مكسيما

انا مو ببالي حد معين بس تقدر تقول بالمتوسط 15 الف ناقص ولا صاعد مو مشكله

 

[bomanaf]

اخوي اخذلك لاندكروز -في اكس ار - جي اكس ار -بس يكون مستعمل يكون ماشي 20 هو 30 الف توفرلك الفين او ثلاث الاف لاتشتري جديد حرام غالي انا عندي لاند ومافي سياره تحملت استعمالي كثر الاند والله يوفقك -وللعلم المستعمل زين ترا تحصله علا 13 الف ونص وانت نازل

واذا العايله راح تكبر ويزيد عددها بالمستقبل انشالله- اخذ لك جيب تويوتا سيكويا -تراه عجيييب وارخص من الاند مع انه اكبر بالحجم والشكل واقوى منه بوايد بس سعره اقل لانه منافس لاحجام السبربان وجذي

 

[B-A-1983-A-B]

علية بالكزس gs350 موتر كشخة وحلو ويصلح حق الشباب والبنات بعد اتوقع قيمتها بحدود 17 الف او تاخذها مستعملة موديلات شوي 2009تتراوح بين 11 و 13 الف

موفق اخوي

 

[sound blaster]

لكزس وأقطع ...!

 

[560SEL]

جيب لكزس 470 ولا تشاور او ال اس 430
كد ومد ولو يمشي 500000 كم ما تخسر فيه وخاصه اذا لون ابيض

 

[ورود وملايين]

مشكورين ما قصرتوا

الاخ بومناف الاند ممتازه بس احسها رجاليه ماتصلج للحريم ولا شرايك

والاخ 660 لكزس 470 ال اكس مو قديم شوي اخاف يكون مكروف

اما 430 هذي ما اعرف شكلها ياليت تحط صوره


مشكورين ونبي اراء تكفون حدي متوهقه ومحتاره

 

[ابوو سلطان]

مايبيله اختي
احذي برادو عملي ويتحمل ومكيفه باااااااارد وكشششششخه بعد

 

[bomanaf]

جيب لكزس RX عملي وارخيص ومتوفر منه مستعمل وماشي شوي وايد عائلي شبابي وشكله حلو

انا انصح الجميع لاتشترون من الوكاله للتوفير حرام تشترون سياره وانتو عارفين اول ماتركب عليها اللوحات المرور يطيح من سعرها اقل شب 3 الاف دينار -توفير زين
هذه صوره في قوقل نزلي شوي تحت

http://sriweblogics.com/lexus-cars/2011/01/lexus-rx-350.html

http://www.autospectator.com/cars/models/2010-lexus-rx-350
http://www.carrentaltoday.com/lexus-rx350-for-rent
بالتوفيق

 

[bomanaf]

هذا واحد معروض 2008 حلو سعره

http://www.*******.com/vb/showthread.php?t=617895

وبعدين صج ترا الافالون وايد حلوه صالون وعملي وايد وايد وارخيص ويعتبر بين اللكزس والتويوتا وايد مميز وناعم ومكيفه بارد وسيرفس ببلاش

 

[مشامس]

بر ومدينه ..يعني جيب
عائله صغيره ومكيف بارد .. وكشخه prado vx

 

[heart]

البرادو يصلح للحريم الي عندهم عايله وفي منه مواصفات شاشه فتحه جلد وشكله توه نزل الشكل الجديد 2010 واحنا2011 يعني للحين كشخه والموديل الي قبله قعد من 2003 الى ال2009 وفلوسه فيه وكرف وتكييف ممتاز ويصلح بر ومدينه وجبال بعد سياره حلوه للبنات ومرتفعه وتكرف

 

[ورود وملايين]

ماقصرتوا والله

رايكم بين البرادو والكزس

انا البرادو مو حابه شكله وحتى مخلص بالوكاله

وماتلقى مستعمل كامل المواصفات 2010 او2011 معروض للبيع

اوكيييييييه

بالنسبه للكزس الار اكس 350 صج حلو بس بنوتي وناعم


انا مالي غنى عنكم ياخواني الاعضاء ادري ثقلت عليكم بس هم للحين محتاره

وناطرتكم ( صورة وجه ذابحه الحيا )

 

[bomanaf]

والله الراي النهائي الار اكس 350
لانه فيه كل اللي تبين كد ومد وامان وشكل ذرب وبناتي تكانه مو شبابي حيل
وانا ماراح اعطي راي بعد او اعلق بعد هالمرة اللا بفلوس

النصيحه ايام اول لها مقابل دراهم ههههههه

 

[محمد333]

ار اكس ‏350‏ حساس وسيرفس ‏90‏ الف ‏500‏ دينار شنو هذا مايباخ؟‏‏
برادو شكل خايس ومافيه أمان‏‏
لاند ثقيل وعود‏‏
التاهو كويس ورخيص وبمتناول الايدي

 

[محمد333]

يوجد ايضا جيب لكزس شكل برادو اسمه جي اس ‏460‏ بس شكل خايس وسعر غالي و سيرفس غالي مالج الا التاهو واليوكن ‏

 

[Maxima]

برادو 6 سلندر vx كامل مواصفات وتوكلي على الله

 

[Maxima]

فيه اختيار ثاني هوندا بايلوت

http://automobiles.honda.com/pilot/

الاختيار الثالث ارمادا
الاختيار الرابع سيكويا
وبالتوفيق

 

[ورود وملايين]

ابو مناف ومكسيما ومحمد مشكورين

سؤال اليوكن والتاهو شلون تكيفهم