سؤال لخبراء العقار

[Packard Bell]

السلام عليكم

يا إخوان أنا محصل لي بيت حكومة في قطعة 13 الأندلس، البيت على شارع لكن أمامه ساحه وارتداد كبير جدا.

صاحب البيت موسع فيه و مخلي التكييف كله مركزي ودافع فيه أكثر من 40 ألف دينار على الإضافات، وفيه مطبخ إيطالي جديد يفوق سعره الخمس آلاف دينار، ومظلة كبيرة لعدد 10 سيارات يفوق سعرها الـ ألفين دينار.

الرجل اتفقت معاه على اتمام البيعة بسعر 150 ألف دينار، فشوركم يا إخوان هل البيت يسوى أدفع له هل سعر ؟ لأنه طالب نخلص البيعة بأقرب وقت كونه عايش خارج الكويت، والحمد لله عندي فلوس تغطي كامل مبلغ البيت وبشكل فوري.

علما بأن عندي طلب سنة 2001 شهر فبراير، وما تقدمت لأي قرعة أو بحثت عن بدل مع أحد.

ومشكورين مقدما.​

 

[الدكتور نت]

كم مساحة البيت وكم دور , هل فيه شقق او نظام سكني

عموما السعر جيد عسى الله يوفقك فيه

بيوت الاندلس 500 متر شارع واحد دور ونص حول هالسعر واكثر اعتقد

انت فكر ودق على كم مكتب بالاندلس اسالهم عن بيوت نفس مواصفاته ولا تجيب لهم خبر عن البيت او راعيه لا يدش لك احد بالنص يخرب عليك ويطير سعره

وبالنسبة لطلبك اذا تقدر تاخذه بدون التسليف احسن لك لان طلبك مو يديد ويمكن يحوشك ان شاء الله بالمطلاع او الخيران حسب ما تحب

عموما انت عندك اكثر من اختيار حسب رغبتك بالبيت هل للسكن او الاستثمار, بهالمبلغ تقدر تشوف لك ارض او بدل طيب

وانت لك القرار

 

[ابومحمدq]

الدكتور نت أجابه اكثر من رائع يعطيك العافيه

 

[Packard Bell]

كم مساحة البيت وكم دور , هل فيه شقق او نظام سكني

عموما السعر جيد عسى الله يوفقك فيه

بيوت الاندلس 500 متر شارع واحد دور ونص حول هالسعر واكثر اعتقد

انت فكر ودق على كم مكتب بالاندلس اسالهم عن بيوت نفس مواصفاته ولا تجيب لهم خبر عن البيت او راعيه لا يدش لك احد بالنص يخرب عليك ويطير سعره

وبالنسبة لطلبك اذا تقدر تاخذه بدون التسليف احسن لك لان طلبك مو يديد ويمكن يحوشك ان شاء الله بالمطلاع او الخيران حسب ما تحب

عموما انت عندك اكثر من اختيار حسب رغبتك بالبيت هل للسكن او الاستثمار, بهالمبلغ تقدر تشوف لك ارض او بدل طيب

وانت لك القرار

مشكور أخي العزيز على الرد

البيت مساحته 400 متر مربع، وأحتاجه للسكن و لا أرغب في تأجيره، والبيعة بيعة أهل، وانعرض عليه 25 ألف فوق الـ 150 ألف لكنه كان يبلغ كل من يتصل فيه أنه ملتزم معاي بكلمة.

شخصيا أنا كلمت عدد من المكاتب العقارية بالمنطقة وكانت أسعار البيوت ما بين 160-175 وأغلبها على حال الحكومة، ولما سألتهم عن سبب ارتفاع الأسعار بعد ما كانت حول الـ 150-160، بلغوني أن هذه البيوت تستحق قرض ترميم لأنه قبل سنة وشوي أكملت عشر سنوات.

بس ما فهمت شنو علاقة المشتري أن البيت يستحق قرض ترميم وكيف ممكن يستفيد منه؟!

بالنسبة للمدن الجديدة.. أنا ما تقدمت لأي وحده منهم ولا عندي الرغبة فيها مع أن كنت أقدر أتقدم لمدينة الشيخ صباح الأحمد.​

​

 

[الدكتور نت]

عيل توكل على الله وربي يجعله منزل مبارك ويكفيك شر العين

وسجله باسم الوالد او الوالدة وخلك على طلبك يطلع لك ارض وقرض تبنيه وتأجره يجيب لك مدخول وعندك بيتين افضل , او تدخل قرعة وتبدل

لان ال 70 الف ما تجيب لك شي هاليومين

موفق يا الغالي

 

[عقاري1]

بالتوفيق يالغالي -- سعر جيد ولا تطوفه --

 

[Packard Bell]

مشكورين يا إخوان على الردود
لا خلا ولا عدم
بارك الله فيكم وكثر الله خيركم