سؤال :- بخصوص تقييم الكفاءه في الوزارات و التقدير الي يحطونه للموظف

[قناص_السوق]

السلام عليكم .... اسعد الله اوقاتكم بكل خير

يا جماعه اشلون اعرف تقدير في نموذج تقويم الكفاءه مال الوزارات ؟؟؟

في تناقض بالقانون ترى
خصوصا الدوام يرفضون يقولون لي التقدير ويدعون ان سري ؟؟؟ طيب اذا كان سري ليش القانون يسمح بالتظلم من تاريخ العلم بالدرجه ؟؟؟

يعني اكيد مو سري اكيد في ماده قانونيه تجبرهم يوروني الدرجه ... خصوصا لم الواحد يشوف الدرجه راح يجتهد اكثر و اكثر و يحاول يحسن من نفسه ما راح يتحبط
نوروني شلون الطريقه اشوف درجتي خصوصا الموظفين يقولون لي ممنوع و سري


***** هل اقدر ارفع قضيه اطالب الزامهم ان يوروني ياها خصوصا ان القانون يسمح بالتظلم معناته في تناقض لم يقولون سري و القانون يسمح بالتظلم

اشلون اتظلم على تقرير سري ؟

 

[red1981man]

اخوي في حال التقدير ضعيف ينادونك لانه تقديرين ضعيف يتم لفصل
بس ممكن تروح ترتيب الوظائف بالشئون الادارية بوزارتك وتعرف بس تقريرك شنو اذا امتياز الحمدالله اذا لا اطلب تسوي كتاب تظلم هذا اختصاصهم
والله أعلم

 

[قناص_السوق]

اخوي يقولون لي ولا راح يقولون سري ؟؟؟ انا ادري مو ضعيف و ما يقدرون يحطونها لي لو يقمزون ......... بس بعرف امتياز ولا جيد ... لان يقولون سري و الصراحه هالسنه صج استاهل امتياز ولا اذا تبي العدل مرتفع 94%

 

[fayoona74]

التقييم لازم تشوفه وتوقع عليه عشان تطعن عليه اذا منزلين درجتك
سو تظلم واطلب الزام الجهة باطلاعك على التقييم

 

[قناص_السوق]

مشكوره اخت فيون ما قصرتي

ممكن الماده القانونيه الي تجبرهم يوروني التقارير لان انا قالولي سري عشان لو بسوي تظلم ارفق الماده

و شوفي الخاص


... وين المكان الي اشوف التقارير شؤون الموظفين بالوزاره و لا قسم موارد بشريه ولا وين بالضبط ؟ ويصير اشوف تقرير هالسنه ولا بس مال السنه الي طافت

 

[rahaly]

اكيد من حقك تعرف تقييم الكفاءة ومن حقك تتظلم منه
وبالتالي من حقك ان تجبر جهة عملك باطلاع عليه
بس من وين تستلمه ومن الجهه التي يجب ان تسلمك التقييم او تطلعك عليه
اسمحلي هذه مساله ادارة ولا اعلم من الجهة المسئلة عن ذلك

والله اعلم

 

[fayoona74]

حاول وديا معاهم اذا رفضو قدم تظلم لقسم التظلم والشكاوى بديوان الخدمة المدنية