20000الف

[قديم في البورصه]

عندي20000ابي رايكم بمشروع بس يكون مدروس ومضمون بعد الله

 

[Brokerage]

حط ربع المبلغ واداول فيهم بالبورصة العالمية . . . 5000 دينار يعني تقريبا 20000 دولار وطلع بدال 5000 >>> 10000 . . . لاطلاع اكثر على موضوع اليك هذا الرابط .. .
http://www.indexsignal.com/forum/showthread.php?t=292486

 

[بوحظين]

اخوي العزيز زيدهم كم الف واشترلك شقة ومدخولها بالسنة تعطيك تقريبا 10%

 

[فؤاد سعد]

افتح مكتب كمبيوتر كل ما يخص الهارد وير والسوفت وير وتجهيز المكاتب

لان الكمبيوتر هو لغه العصر وكل يوم انواع جديده بتنزل السوق وتحديثات للبرامج وغيره

الصراحه مشروع مضمون وجيد ولكن لازم السمعه في الاول

او مكان جيد وحيوي ومفيهوش محلات كمبيوتر زي سوق السالمية القديم

يعني هتتعب اول شهر او اتنين وبعدها كلو هيكون تمام

واذا حبيت مدير للمشروع انا موجود ومستعد لذلك

67610300

 

[الشكوىى لله]

اخوي العزيز زيدهم كم الف واشترلك شقة ومدخولها بالسنة تعطيك تقريبا 10%

اهني الكلام العدل
يكفي انه لك ملك سكني **

أفرض اجار الشقه 300 على سنه ( 3600 دينار )
ولو مسوي عقد مع مؤجر على 5 سنين جدام ( 18000 )
وتحولهم وديعه وتاخذلك شقه ثآنيه ... هذي شقتين :d
ومع السنين والايام تركضضض وماديتك اتغير

موفق يارب

 

[st84]

انا اقوول عطني اياهم...واحلى جهاز مغلق
ههههههههههههههههههههههههههههههههههه
غشمررررررررررررره


تبي الجد....
اولا ابعد عن البورصه وعوار الراس لانها ماتنفع والله برايي الشخصي ما تنفع نهائيا...
وثاني شي قبل لا اقولك شنو تتاجر فيه ..انت شنو اكثر شي تحبه وتفهم فيه يعني تفهم بالكمبيوتر او بالسيارات او بالطيور او بالذهب شنو يمولك اذا جاوبت هني افيدك...

وتقبل مروري

 

[ليث متواضع]

العملات تطلع ذهب

 

[الموحد1]

العملات تطلع ذهب

شلون فيدنا؟

 

[Low Fat]

الأبن البار وشيك بالمخبا ... العقار أخوي ولاتدور غيره دبر ضعف المبلغ مع أحد أخوانك

وأشتروا شقه وبضمانها تروح لبيت التمويل تشترون شقه ثانيه وتكون بالعشرين أخذت شقه وأخوك نفس الشئ ... فكر وتلاقي وايد مشاريع بس تبي مخ يشتغل .. وبالتوفيق ,,

 

[ابوو سلطان]

العملات تطلع ذهب

اي والله ياليت تفيدنا ياخوي انا ملاحظ الحين الريال السعودي نازل

 

[قديم في البورصه]

جزاكم الله خيرا
نبي بعد افكار بس البورصه استبعدوها مايجي منها الا الهم دخلتها وطلعت

 

[عبدالرزاق 7]

عندي20000ابي رايكم بمشروع بس يكون مدروس ومضمون بعد الله

اشتر فيها دنانير عراقيه ال 20 الف دينار كويتي
فيها مايعادل 86 مليون دينار عراقي
ولكن قبلها صل صلاة الاستخاره ماخاب من استخار
الرزاق الله يوفقك ويبارك الله لك فيها​

 

[ولد الحمد909]

السلام عليكم
مرحبا اخوي تقد تتفضل عندنا بالشركة وعندها استثمارات عديدة داخل وخارج الكويت
وهناك الحمد لله مستثمرين عديدين اذا تحب اتصل علي اخليك نجتمه مع الخبير والمسؤول ابومحمد
99302552
اخوك فاضل الحمد
تحياتي لك

 

[نوط بو ربع]

حبيبي لا تصدق اللي يقولك تداول بالعملات الا اذا كنت صاحب خبرة في التداول ومن الطبيعي انك ما تملك الخبرة في تداول العملات لانك لو كان عندك الخبرة لما اسشرت احد في استثمار المبلغ ....العملات ممكن بلحظة تخسر راس مالك اذا لم تكن صاحب خبرة ... فرجاء يا مسوقين شركات الوساطة المالية ويا اصحاب الفوركس اتركو الرجال بحالة وخلوه يترزق الله .

 

[BO NASEER]

اشتر فيها دنانير عراقيه ال 20 الف دينار كويتي
فيها مايعادل 86 مليون دينار عراقي
ولكن قبلها صل صلاة الاستخاره ماخاب من استخار
الرزاق الله يوفقك ويبارك الله لك فيها​

بعدين ؟؟؟

 

[عبدالرزاق 7]

بعدين ؟؟؟

وشفيه هذا !!​

 

[BO NASEER]

وشفيه هذا !!​

هلا بــ اخوي عبدالرزاق ... فهمتني غلط

احسن الظن الله يجزاك خير

اقولك و بعدين اذا اشتريت فيهم دنانير عراقيه ؟

يعني بيرتفع الدينار العراقي قصدك ؟

اللي انا اشوفه ان الوضع في العراق من ردي الى اردى

وخصوصا اذا طلعت القوات الامريكيه راح تصير عفيسه

وراح تصير اللعن من لبنان مليون مره ..

اذا انت شايف شي ثاني او عندك معلومات فيدنا ونورنا ومالك الا الاجر من رب العالمين .

وكلك خير وبركه ومنك نستفيد

 

[al3mlaaq]

احذر من العملات والبورصة

 

[بـــدر]

نصيحه من أخوك... زيدهم كم فلس وأشتر شقه وأجرها ... وشهريا 300 دينار بمخباتك..ومع الأيام الشقه تجيب شقه...والساعه بخمسه جنيه والحسابه بتحسب

خلك من الي يقولك بورصه وعملات وحياك عندنا الشركه...أنحــش وأنا أخوك

 

[المشورة]

مشروع ناجح سيكون بإذن الله
بناء مسجد جامع في احد الدول المحتاجة .