ما مصير جيزان و الدولية للتمويل بعد الدمج؟

[st.tropez]

السلام عليكم
كوني من مساهمي جيزان .. يهمني اني أسأل المحللين و المضطلعين بالموضوع عن رايهم بمصير سعر الدولية للتمويل و مساهمي جيزان بالأخص بعد الدمج.
سعره حاليا ممتاز بالنسبة لي على الأقل للبيع .. لكن ما في طلب شراء .. و عروض البيع بالحد الادنى و بكميات كبيرة .. هل نحاول نبيع مهما نزل السعر؟ ام نحتفظ فيه الى ما بعد الصيف لعل و عسى؟
احد المحللين بالمنتدى توقع يوصل 102 و هذي خسارة كبيرة حتى لمساهمي جيزان الرابح الاكبر حاليا

بانتظار تعليقاتكم ,,,

 

[faisal134]

الله يفرجها علينا ان شاء لله

 

[pilot35]

جيزان شارية 1240 وصارلي الحين تقريبا اكثر من 6 سنوات غاص فية

الله يفرجها على عبادة

 

[kld0011]

مصيرهم مصير الديرة

 

[مهلب]

السلام عليكم
لاحول ولاقوة الا بالله والله اخذنا قروض وقطيناها بالبورصه كلنا عسى يمكن استرزق من البورصه عالاقل والان اكلنا هوى شنو اسوي؟؟؟؟ ياالله والله بلشه
الحين انا عندي جيزان شاريها 490 فلس وانزلت وصلت 50 فلس وناطر صارلي جم سنه لي تصعد عطوني سهم انا ماابيه د للتمويل والسهم موصاعد كلماله يخسف لي الارض وهم باجر لي ينزل بالخمسينات يقوله نبي نسوي دمج ثاني ونتوهق لي يقولولنا يبى بالعربي ان مالك اي شيء عندنا ............وهذي سوالفهم ؟؟
انا كان عندي سهم دوليه م م أ ونفس الشيء سوو الدمج وكلنا يارب خير انشاالله !!! وعطوني اسهم الديره وكلنا انشاالله الديره في الخير ولا الديره انزلت لي الارض والان 20 فلس وبعتها شسوي يعني انا خسرت يوم ماشريت( الدوليه + خسرت يوم صار الدمج + وخسرت يوم مابعت ) أخواني غذن من المستفيد ؟؟؟ اكيد البحر ؟؟ ومن المتضرر اللي يشتري السهم ؟؟ الان مانبي شيء عطونا نص المبلغ خلونا انسدد ديونا بس مانبي شيء وخلي البورصه ولعبو وديروها بكيفكم وهذ وجهي اذا لقيتو احد يثق بالاسهم هذي عبره للناس وانتو استفدتو على اضهور الناس الفقاره والله دايما ينصر المظلوم وياخذ الظالم والله انشاالله يتقبل دعاوي الناس اللي عليكم (يارب )

 

[st.tropez]

الله يفرجها ... والله توقعت الاوضاع تكون افضل بعد الاندماج
اتمنى احد عنده اخبار عن التحركات الياية للسهم

 

[ahmad73]

شريت جيزان ب١٠٢٠ من ٦سنوات تقريبا اذا مو٧
ادري انه فلوسي راحت بلاش
اقول عسي الله يعوضني خير ان شاء الله
ومومحلل الي تعمد يخفس بالسهم ويضر عباد الله المسلمين

 

[st.tropez]

الله يعين ...

وين المحللين و المهتمين بمجاميع البحر يفيدونا و يعطونا رايهم .. و الى متى يستمر البيع بالحد الادنى ؟ الى اي سعر متوقع

 

[مليون دينار]

اليوم اكبر تداول على السهم من بعد رجوع السهم للتداول 11 مليون سهم وتجميع محترف

صعود الى 89 فلس ومع اقفال السوق نزول وهمي للتجميع بأرخص الأسعار

للتذكر الدمج كان لثلاث شركات البحر وكانت أسهم دينارية

كويت انفست + جيزان + الدولية للتمويل

وزينل يقول راح نغير اسم الشركة

وأنا أفضل تسمي الشركة ثلاثي المرح

 

[رابح رابح]

الله يعوض عليكم ويرزقكم ويخلف عليكم
السهم زين وفيه شي غير واضح في ملكياته لان الشركات الثلاثه كانت لديهم ملكيات مميزه وتبخرت
ولكن السهم يبيله صبر لانه مضغوط عليه ويدار بطريقة مهينة عند مستويات سعرية سيئة لاتليق لا بالسهم ولا بالمساهمين ولا بحجم الدمج الذي حدث والذي كان من الفروض ان يؤدي الى كيان اقتصادي جبار وليس الى سهم هزيل منهار بهذا السعر وبهذا الاداء