باركوا لي شريت أرض

[مواطن بدون سكن]

يا جماعة باركوا لي شريت أرض برا الكويت ، لا تواخذوني هذا اللي قدرت عليه ما عندي فلوس تكفي اشتري ارض بوطني ، أقل متر مربع بالكويت صار سعره 300 دينار .
لأن الفلوس اللي عندي تجيب أرض في الكويت مساحتها 10 متر مربع فقط
ادعوا لي ابني الأرض على خير ​

 

[aboshja3]

مبروك يالغالي الله يوفقك بس والله كان ودي تكون بالكويت ، الصبر زين وكل مطرود ملحوق*

 

[بو_راشد]

مبروووك وتسكنها في العافيه

 

[أناسة]

مبروووووووووك وعقبال أرضك في وطنك الغالي الكويت

 

[sloom11]

وانا مثلك شريت ارض برا الكويت وان شاءالله ابنيها

 

[ابو خالد.74]

زين تسوي

 

[al7mly]

مبروووووووووووووووووووووووووووووووووك

قولنا وين الارض انا نفسك زهقت من الاسعار في الكويت وابي اتقاعد واشتري ارض اوبيت برا الكويت

انا بحثت في النت لقيت فيلا في منطقه ملتونكنز في بريطانيا مكونه من اربع غرف وليفينغ روم ومطبخ مجهز و3 دورات مياه وبرايفت غردن ( حديقه صغيره) وتقع جميع الفلل على النهر وبسعر 90 الف دينار فقط للفيلا الوحده

والله انها ابرك من الاراضي الجلحا والملحا اللي عندنا وارخص منها باضعاف الاضعاف وغير الجو ومفكر جديا في الموضوع وخل بيوت التجار في الكويت لهم حلال عليهم الغبار وريحة البواليع

وهذا رابط الفللhttp://www.taylorwimpey.co.uk/newhomes/South+Midlands/KingstonChase/

 

[دكتورنت]

والله انكم تشيشون الواحد .. عاد انا على طريف واشتري بالمغرب

اهناك ارخص وحق استثمار افضل


حكومتنا واعضائنا اكبر تجار عقار ولا يمكن يسمحون للعقار يطيح .. عشان جذي لازم نخلي عقارهم يطيح بجبودهم

 

[الرجباني]

أعمارنا طقت الأربعين ولايوجد بصيص أمل للسكن
ودي يفوز هندي في برنامج من سيربح المليون ويساله المذيع شنو شعورك عشان يرد ويقول : شعوري شعور اي مواطن كويتي طلعله بيت
عشان تحس فينا جمعية حقوق الإنسان ويدرون عننا جامعة الدول العربيه وينظر في شأننا العم باراك أوباما يمكن نكسر خاطر الشيخ احمد الفهد ويشوف لنا حل

كلمه أخيره: لقد هرمنا لقد هرمنا ...

 

[ياسر الروقي]

مبرووك
والله انا شكلي بتقاعد واشتري بالخفجي ارض وابنيها ودور الاسكان ما وصل

 

[al7mly]

لقد هرمنااااااااااااااااااااااااا

 

[المهندس حسين]

مبروك

 

[مواطن بدون سكن]

الله يبارك بعمركم يا إخوان
والتقاعد قريب مو بعيد ، صدقت يا خوي لقد هرمنا لقد هرمنا
للمعلومية يا مواطنين الكويت البلد الوحيد في العالم ويمكن البحرين ما تقدر تشتري أرض بعشرة آلاف دينار لأن ما فيه أرض بالكويت بهذه القيمة ، لكن لو تروح السعودية ودول الخليج والعالم راح تلقى بعشرة آلاف دينار وأقل قيمة أرض .
في الكويت فيه شيء مو طبيعي ، مزارع - شاليهات - جواخير - اسطبلات - قسايم صناعية تهب للناس وفيه شيء وضع يد ،ومع هذا تنباع وتشترى. والشيء الضروري اللي هو حق مكتسب للمواطن وحاجة ضرورية ما يحصل عليها مستحقها إلا بشق الأنفس وبعد عناء.
بشارة للي يبي قسايم جواخير اغنام سمعت عن قريب سيتم توزيع هالقسايم على المواطنين ولكن اللي عنده حلال وعنده كرت تطعيم . مبروك التنمية لأجل الحيوان. الحيوان منذ الخليقة ويعيش بالصحراء . الحين صارت المراعي اللي هي للحيوان يحمونها ومراعيها صارت في الجواخير بين اربع طوف​

 

[BMW2007]

ههههههههههه اضحك والا اتحسر والا ضعنااااا ف الاسعاااار هذي

قسيمة 400 m شارع واحد ف الكويت تعااادل قصر ف الدماااام مساحته 5000m

ارض400m لازاوية ولابطن ظهر ولاشي يذكر قيمتها تعااااادل ثماااانين ارض في صلااااله بمساااااحة 600 m

..........
عزيزي الله يوفقك ان شالله ف ارضك .

وسلموووللي امااااانه علاااا قاااانوووون 2008 *

 

[life-enginer]

الله يوفقك والفال لنا نشتري ارض انشالله بالشانزليزيه اقصد ابو فطيره او فهد الاحمد