ياليت الكل يدش وينصحني

[الله كريم 22]

السلام عليكم ورحمه الله وبركاته
شباب اشلونكم عساكم بخير , شباب انا نويت اشتريلي بيت وفلوسي تقريبا 110 وحبيت تنصحوني جزاكم الله خير وين اخذ انا بعطيكم المناطق الي ببالي وانتوا قولولي
1- العارضيه وابي تقولولي جم مساحات بيوت الحكومه فيها لانه ماعرف
2- الظهر وكم مساحات الحكومه فيها
3- الاحمدي وكم مساحه البيوت فيها
4- الرقه وكم مساحه البيوت فيها
الفردوس وكم مساحه بيوت الحكومه فيها
5- ارض بلخيران وابني عليها
ايهما افضل ترا نصيحتكم اهيا الي بتنقذنمي لانه خبرتي بلعقار كلش مو ذاك الزود وشكرا

 

[الله كريم 22]

اشدعوه 12 دشوا ومحد رد نصيحه شنو طالب انا (

 

[q8_king1]

العارضية والفردوس والظهر والاحمدي بيوت الحكومة دخل محدود علي 300 متر افضلهم الرقة 400 متر لا كن الاسعار تبدي من 120 الف ويمكن تحصل بسعر اقل .. اراضي الخيران الاستثمار وتحتاج وقت لايقل عن 5 سنوات اذا مستعجل الافضل الرقة

 

[صقر3]

السلام عليكم ورحمه الله وبركاته
شباب اشلونكم عساكم بخير , شباب انا نويت اشتريلي بيت وفلوسي تقريبا 110 وحبيت تنصحوني جزاكم الله خير وين اخذ انا بعطيكم المناطق الي ببالي وانتوا قولولي
1- العارضيه وابي تقولولي جم مساحات بيوت الحكومه فيها لانه ماعرف
2- الظهر وكم مساحات الحكومه فيها
3- الاحمدي وكم مساحه البيوت فيها
4- الرقه وكم مساحه البيوت فيها
الفردوس وكم مساحه بيوت الحكومه فيها
5- ارض بلخيران وابني عليها
ايهما افضل ترا نصيحتكم اهيا الي بتنقذنمي لانه خبرتي بلعقار كلش مو ذاك الزود وشكرا

اذا كاش بدون بنك التسليف انصحك تاخذ في اي منطقة تستفيد منها اما اذا من بنك التسليف جميع المناطق لي ذكرتها 300 متر تقريبا وتعتبر مساحه صغير وفكر في المستقبل موفق خير

 

[NoFEAR]

اخذلك بيت حكومه في ام الهيمان موقع افضلك من المناطق اللي ذكرتها
ودور بيت حكومه في عموم القرين ان حصلت حتى لو سد ابركلك

 

[بــوعبدالله]

اخوي ال 110 تجيب لك بيت بالظهر وام الهيمان بس خلال بحثي الأخير عن بيت
لكن دام هذي بس فلوسك
انطر الخيران لأن مساحتها كبيرة وأحسن لك

 

[بو_راشد]

والله ياخوي انطر بيت الحكومه احسن لك لاتدخل في الدين وتبتلش انطر دورك والله يوفقك

 

[kwto_o]

الاحمدي والظهر مساحتهم 280

 

[أناسة]

السلام عليكم
اخوي اول شي لازم تحدد المنطقه اللي انت تفضلها وتكون قريبه من الأهل وجماعتك وأصدقائك وبعدين تفكر بالأمور الباقية مثل انك تبي بيت جاهز او تحب تبني وتصمم بيتك على مزاجك واللي يناسب أسرتك وتشوف ميزانيتك تسمح لك بالشراء او تبدل بطلب الإسكان اذا كان واصلك الدور وتدفع الفرق اذا كنت ناوي تبني .

وتقبل مروري ونسأل الله التوفيق لي ولكافة المسلمين *

 

[مشامس]

والله ياخوي انطر بيت الحكومه احسن لك لاتدخل في الدين وتبتلش انطر دورك والله يوفقك

عين العقل ... واذا بتنطر شوي اصبر لين تعدي بيوت سعد العبدالله سنتين من التوزيع ويحق لهم البيع وبتحصل السد على 120

 

[الله كريم 22]

انا اشكر جميع الي ردوا ونصحوني وتلقونها بميزان اعمالكم ان شاءالله شباب انا الحمدالله عندي كاش مو من بنك التسليف يعني حقي من الاسكان ما لمسته وليلحين اعزوبي وافكر اشتري بيت حقي ولاسرتي لانه حاشتنا ضرووف وبعنا بيتنا كان بلقرين والحين مظطرين نشتري بيت يعتبر بيت للاسره واذا تزوجت الحمدالله اقدم طلب فمادري انا شرحتلكم فكرتي يعني البيت الي باخذه اخر شي راح يكون للوالد الله يطول بعمره والوالده انا راح استفيد من طلبي الاسكاني فمادري شنو رايكم ؟

 

[بــوعبدالله]

عسى الله يفك عوقكم يالغالي
وان شاء الله تتضاعف فلوسك بتضاعف حسانتك
دعوة من القلب والله
الله يوفقك

 

[Maxima]

الله يوفقك ويبارك لك دام الوالدين حاطهم بالحسبان

 

[ابو غنام]

وعليكم السلام والرحمه

اخوي الله كريم اولا الله يوفق ويرزقكم اضعاف ما عندك

وبالنسبه لل 110 عساك تجح كثرهم

كلام الاخوان صحيح

لازم تحط في بالك مساحة البيوت لان الظهر والاحمدي صغار

والرقه هي الافضل لكن اذا حصلت بيت قد فلوسك بالرقه بيكون هدام تقريبا

والخيران بعيده ايضا

حدد هدفك وحنا نعين ونعاون والله يرزق المسلمين على قد نياتهم

اخوك ابو غنام من مكتب المنصور للعقارات

ابو حليفه الطريق الساحلي - مقابل كويت ماجيك - عماره رقم 7 الدور الارضي
60602789 - 60441919 ​