صغار المستثمرين هل خرجوا بالفعل

[بوديمه]

السلام عليكم
اخواني هل خرج صغار المستثمرين بالفعل مهذا السوق
حسب مايشاع بان 80% خرجوا بخساير كبيرة
وكرهوا شيء اسمه بورصه
لماذا
السؤال ؟
هل في غيرهم من سيدخل هذا السوق ولماذا يخرجوا منه في ضل ارباح لشركات قويه و عقود ملياريه كبيرة
وصفقات تتعدا 6000 الف صفقه يوميه
وللعلم ان صغار المستثمرين يشكلون بالبيع والشراء اليومي اكثر 70% وهم الاكثر من المحافظ و الصناديق
؟
؟
؟

 

[مستثمر73]

خروج صغار المستثمرين ليس من صالح المحافظ والصناديق لأن من غيرهم مافي مربح !!!

90% من المحافظ والصناديق هدفها مضاربةه وأستثمار قصير المدى وليس أستملاك الشركات بهدف السيطره....

وهذا معناته أن خروج صغار المستثمرين راح يسبب خساره فادحه لكثير من الشركات المدرجة بالبورصة والكل يعرف أن معظم أرباحها من المضاربه في السوق الكويتي ...
أذا خرج المشترون وهم صغار المستثمرين من سوف يقوم بالشراء منهم ؟؟؟!!! هل على بعضهم بعض ؟؟!

((على همام يا فرعون ؟))

الله المستعان

 

[المهذب جداً]

.

يروح جزء و يرد جزء و لايمكن خروج تام!

.

 

[As You Like]

أول الخارجين حبيب قلبنا أخونا :

عارف الحال ​

 

[بوديمه]

لا تنسا ان الصفقات اليوم داخل السوق
وصلت الى 3387 صفقه وغدا راح تلامس 3000 والله العلم
وبعد اسبعين راح تتمنا الصفقات تصل الى 3000 والتوقع الان ان تصل الصفقات الى اقل من 2000 صفقه باليوم
اما الخروج بخسارة تتعدا 50% صعب لها الرجوع
لمن من يخسر 50% من راس المال لازم يعوضه السهم 100% ليسترجع راس المال على الاقل وهذا اصبح الحلم والنفس لا كرهت شيء صعب شفاءها

 

[عارف الحال]

أول الخارجين حبيب قلبنا أخونا :

عارف الحال ​

بعد قلبى والله ضايق خلقى عالشباب
جان زين لو طلعوا وريحوا اشويه الله يكون بعونهم معه العلم انى طلعت خسران بس لما اشوف الحين اقول الحمدلله
الله يصبر الجميع

 

[saja]

انا باجر طالع من السوق

و نصيحه ترا شغل العقار ابرك لو كل جم واحد يسوونلهم محفظه و يطقطقون بالعقار ترا وايد ابرك و الله يوفق الجميع

 

[view-l]

وأنا بعد طالع راح ابيع سهم لؤلؤة العقاريه 960,0000 الف سهم خسارتي
15,000 الف دينار وراح اشتري شقتين ابرك من هلبورصة

انا اول مرة اشوف سهم يوزع ارباح 12 فلس وينزل السهم الى 182فلس
احنا ولله مراقبين من البورصة او يلعب معانا السستم بالعرض والطلب

بعد السستم الجديد الذي تم تحديثة يوم الأثنين محد يقدر يربح دبل

 

[بوحسن]

يعني برايكم نطلع من البورصه ؟؟

و نشتغل بالعقار


ترى نازل العقار ..

بس تطلعون بترتفع البورصه .. وبتدشون فيها مره ثانيه ..تالي المحافظ يربحونكم اشوي منها ..

وبس تدشون بكل فلوسكم ..ينزلونها عليكم المحافظ ويبوقون فلوسكم مره ثانيه وهكذا تستمر عجلة الحياة

خل نتكلم جد الحين يا صغار المستثمرين وانا وياكم
ليش بتطلعون من البورصه ؟؟ ليش تبون تبيعون اسهم صاعده لاحقا بسعر نازل حالي !

انتو علبالكم ان المحافظ ما تبيكم تبيعون ؟

انتو علبالكم الشركات التي تبي تنطرح بالبورصه داشه البورصه على اساس حشرك مع الناس عيد ..مع ان بعضها شركات رابحه بالفعل !


انتو علبالكم ليم البنوك حاليا تقوم بانشاء شراكات استثماريه للدخول في البورصه الكويتيه والخليجيه ما درو ان الاسهم صايرلها 3 اشهر في حالة تذبذب ؟

انتو على بالكم الفوائض الماليه بتتحط ودائع بالبنوك

انتو علبالكم ان العقار طايح علشان في منه فايده
( ولا ان الفلوس كلها دشت البورصه )

اليوم يوم الشركات الكبيره الكبيره جد ا..اليوم يوم العقود المليونيه الي كنا نادرا ما نشوفها قبل سنتين وثلاث

وصار الزمن نشوف عقود بالمليارت ..السوق مو مستوعب ليم يشوف اول ارباح تدش عليه

السوق خايف مثلنا من الي الطفره الي بتصير بعدين

المؤشر خايف يدش على 9000 ..لاول مره بتاريخ الكويت

الناس قاعده تتهيأ لزمن النمو الكبير الي بيحوش الكويت
( وغلاء الاسعار طبعا المواتي )


الطمع آفة البشر .. والسهم النازل لازم يخلي البعض يقوم بالشراء ..المساله مسالة وقت فقط ..وهناك حلول لأزمة السهم النازل ... منه التطنيش
( تعزز عليه يغليك .. ) للي ماهو عارف يبرد او عارف شنهو الحل لبعض الاسهم الممتازه او التي محققه ارباح طيبه

بس دير بالك تدش والسوق شالع فوق .. العاقل يدش سوق (متوقع له الصعود ) وهو نازل


وقت الخروج ( النهائي ) الان توقيت ماهو صحيح اذا كان نهائي ..

بس كل واحد يحط عقله براسه يعرف خلاصه

 

[ربيع البورصه]

خل نروح انسافر الحين جم يوم ولا حرق اعصابنا وبعدين يحلها ربك بعد ما نرجع
والمثل يقول كلام الليل يمحيه النهار

 

[ابن صفير]

الله يعطيك العافيه

يعني برايكم نطلع من البورصه ؟؟

و نشتغل بالعقار


ترى نازل العقار ..

بس تطلعون بترتفع البورصه .. وبتدشون فيها مره ثانيه ..تالي المحافظ يربحونكم اشوي منها ..

وبس تدشون بكل فلوسكم ..ينزلونها عليكم المحافظ ويبوقون فلوسكم مره ثانيه وهكذا تستمر عجلة الحياة

خل نتكلم جد الحين يا صغار المستثمرين وانا وياكم
ليش بتطلعون من البورصه ؟؟ ليش تبون تبيعون اسهم صاعده لاحقا بسعر نازل حالي !

انتو علبالكم ان المحافظ ما تبيكم تبيعون ؟

انتو علبالكم الشركات التي تبي تنطرح بالبورصه داشه البورصه على اساس حشرك مع الناس عيد ..مع ان بعضها شركات رابحه بالفعل !


انتو علبالكم ليم البنوك حاليا تقوم بانشاء شراكات استثماريه للدخول في البورصه الكويتيه والخليجيه ما درو ان الاسهم صايرلها 3 اشهر في حالة تذبذب ؟

انتو على بالكم الفوائض الماليه بتتحط ودائع بالبنوك

انتو علبالكم ان العقار طايح علشان في منه فايده
( ولا ان الفلوس كلها دشت البورصه )

اليوم يوم الشركات الكبيره الكبيره جد ا..اليوم يوم العقود المليونيه الي كنا نادرا ما نشوفها قبل سنتين وثلاث

وصار الزمن نشوف عقود بالمليارت ..السوق مو مستوعب ليم يشوف اول ارباح تدش عليه

السوق خايف مثلنا من الي الطفره الي بتصير بعدين

المؤشر خايف يدش على 9000 ..لاول مره بتاريخ الكويت

الناس قاعده تتهيأ لزمن النمو الكبير الي بيحوش الكويت
( وغلاء الاسعار طبعا المواتي )


الطمع آفة البشر .. والسهم النازل لازم يخلي البعض يقوم بالشراء ..المساله مسالة وقت فقط ..وهناك حلول لأزمة السهم النازل ... منه التطنيش
( تعزز عليه يغليك .. ) للي ماهو عارف يبرد او عارف شنهو الحل لبعض الاسهم الممتازه او التي محققه ارباح طيبه

بس دير بالك تدش والسوق شالع فوق .. العاقل يدش سوق (متوقع له الصعود ) وهو نازل


وقت الخروج ( النهائي ) الان توقيت ماهو صحيح اذا كان نهائي ..

بس كل واحد يحط عقله براسه يعرف خلاصه

كلام سليم 100%

 

[rahaly]

يعني قلت اسافرلي كم يوم .. زمشكلة اخذت كمبيوتري معاي عشان اشوف هالنزول المؤسف ..

الامشكلة من بدت المجموعة الماسية وانا مبتعد عنها ..
والحين اخذت الوطنية .. اااااااخ يا القهر .. شلي حدني عليها .؟؟؟؟
بس ماعليه على قولت الاخوان نصبررررررررر

لو توصل 200 فلس شالمشكلة ؟؟


تحياتي

رحالي

 

[As You Like]

يعني قلت اسافرلي كم يوم .. زمشكلة اخذت كمبيوتري معاي عشان اشوف هالنزول المؤسف ..

الامشكلة من بدت المجموعة الماسية وانا مبتعد عنها ..
والحين اخذت الوطنية .. اااااااخ يا القهر .. شلي حدني عليها .؟؟؟؟
بس ماعليه على قولت الاخوان نصبررررررررر

لو توصل 200 فلس شالمشكلة ؟؟


تحياتي

رحالي

حبيب قلبي رحالي :

أبداً مافي أي مشكلة بس راح نصير على الحديدة

إنت إستانس بسفرتك وخل كل شي ورى ظهرك وإنشاء الله ماراح يصير إلا الخير...

على فكرة راح نفتقدك باجر بملتقى الأعضاء ​

 

[الزعيم1]

ياجماعة الخير قولوا لاالله إلا الله واستغفروا ربكم والتفاؤل ترى زين وأحسن مليون مره من التشاؤم وقلة الحيله أصبروا وصابروا إن الله مع الصابرين ومن صبر نال........

صغار المستثمرين ماخرجوا من البورصه لكنهم أصعب من ذلك أغلبهم متعلقين فوق ومو قادرين يفلتون لأن الخسائر كبيره جدا والله يكون بالعون واغلبهم سافروا على شان يرتاحون من هم وقلق البورصه ولما يرجعون يحلها الحلال والله أنهم ملح البورصه وإذا طلعوا راح تشوفون المحافظ كل سته مجمعين بزاويه ويلعبون كوت بوسته..... الله ينتقم منهم ومن الاعيبهم النجسه والخبيثه.........

 

[dashty]

عجيب اللي يصير

قلنا المخازن وربعها طايحين كل يوم يقولك اذا عرف السبب بطل العجب عرفنا ليش عشان هالعقد بومليار ونص انزين اليوم اعيان ليش نازلة؟؟؟؟؟؟؟؟؟ولا هم هاليبيرتون تبي تشتري فيها اسهم عشان جذي طيحت سهمهم اليوم مثل مابعض الناس قاعدة تنشر هالمعلومة في المنتدى وان كانت صحيحة؟؟؟؟مادري شلون؟ليش نازلة اعيان؟؟؟لا والعجيب ان الرابطة مرتفعة اليوم عشان امس مقال عن kglللموانئ عن قرب ترسيات مواني جديدة....شهالتخبط؟؟؟ناس تنحاش من مخازن وربعها وتدش على اسهم ثانية ترفعها جذي بس.
قال اقلل خسارتي قال؟؟؟
صج صج دوووووووووخة

 

[rahaly]

حبيب قلبي رحالي :

أبداً مافي أي مشكلة بس راح نصير على الحديدة

إنت إستانس بسفرتك وخل كل شي ورى ظهرك وإنشاء الله ماراح يصير إلا الخير...

على فكرة راح نفتقدك باجر بملتقى الأعضاء ​

as you like
حبيبي اي راحة بالسفر وتالكمبيوتر معاي واشوف هالبلاوي؟؟؟
كل ما اقول ما افتح الكمبيوتر ما اقدر

يعني السفره ببلاش

عموما عليكم بالف الف عافية بالملتقى .. وياريتني معاكم ..

تحياتي

رحالي