اخوي انا صارتلي نفس مشكلتك
بس انا مع شركة زين
كنت بشتري ايقو منهم وتفاجأت بالموظف قالي عليك فاتوره خط قديم مو دافعه 180 دينار بالمعنى اني ولا مره اخذت منهم خط فواتير بس تعبئه اللي كان عندي اول وكنسلته وستعملت الوطنيه
قلت مستحيل ماعندي خط بأسمي قالي هذا مو رقمك القديم قلتله لا مو رقمي وقالي راجع الرئيسي راجعت الرئيسي وطلعوا العقد
العقد بسنة 2000 من محل بالفروانيه واخر العقد تكتب اسمك وتوقع
الخط مو خطي والتوقيع مو توقيعي
وقلت للموظف هذا مو خطي ولا توقيعي وصورة البطاقه المدنيه فعلا اهي لي
قلتله الحين شنو الحل شسوي عطني برنت بالارقام
رد علي الموظف قالي اذا العقد طاف عليه اربع سنين عقب ما ينقطع الخط احنا نلغي جميع البيانات من الكمبيوتر .
رحت للمحل اللي بالفروانيه ومالقيته موجود بايع المحل .
ورديت للشركه مره ثانيه وقلت مو موجودين شلون الحين قال اخوي مانقدر نساعدك بأي شي لو الخط ماخذينه من شركتنا مباشره نقدر نساعدك بس هذا من محل برا .
سلمت امري لله ودفعت 180 دينار والله بس علشان لا يصير علي منع سفر وضبط واحضار .
الشكوى لله .
ترى عيال الحرام وايد واللي ما يخافون من الله وايد
هذا اكيد واحد ماخذ صورة البطاقه المدنيه من ملفاتنا سواء بالدوام او احدى الادارات الحكوميه ,, توقعوا كل شي يمشي ويسجل خطوط بأسماء خلق الله .
حطوا بالكم يا جماعه .
الله يعوض عليك اخوي وجه امرك لله سبحانه
