وين إعلانات فيفا اللي كانت تارسه الشوارع , viva إنترنت بلا حدود

[171]

الله ياخذكم قصيتوا علينا
صج لي قالوا يود مينونك لا اييك اللي أين منه
شغل يهود , اليهود هم نقضت العهود
حنا كل ما طلعت شركة جديدة قلنا يمكن يصيرون شرفاء و أحسن من غيرهم
بس الظاهر يدرون إن السالفة بربس

توني موقع عقد سنتين
مع أني صارلي معاهم سنه و نص
كنا نشبك بكواليتي نت عن طريقهم و السرعه 100% و فعلا بلا حدود
بس لما شفطوا فلوس الناس كلها قالوا 2 قيقا

حنا مالنا من يحترم عقودنا ولا فيه من يطالب لنا و المستهلك عندنا التاجر يقص عليه و ياخذ فلوسه و يطرده بدون إحترام
مسخره

الله ياخذكم يا فيفا
حتى أسهم هالشركة الحين صارت حرام
الله ينتقم منكم

.
.
و هاذي صورة بالمرفقات توني مسويها
.
.​

 

[171]

الله ينتقم منهم بهاليوم الكريم يوم الجمعه
معاشاتنا ما تكفينا 3 أسابيع بالشهر و تجي هالشركة تقص علينا بعد

 

[Hitler]

عصابات نصب ..يشفطون مئات الدنانير من المواطنين والخدمة مثل وييهم \لا ويعصبون بعد

 

[Number-1]

يا جماعه الشركه كانت بدايتها ...وما عندها عملاء ولا لود فكانت فاتحه الداونلود

بس الحين صار ضغط عليها ..ولازم تحط لمت ما تقدر صدقوني

اقولكم سالفه ..لما حطوا الصديق المفضل بلاش .. وكنت امدح فيهم جدام رفيجي

اللي شغال بشركه زين ..ابتسم وقالي بالحرف الواحد ..انطر بس لمايصير عندهم عملاء

وراح يخلون الصديق المفضل بفلوس وبعدين يلغونه بالمره ... وفعلا الحين بفلوس

 

[الله ثم الوطن]

المفروض صرااااحه اللي موقع عقد يخلونه لما يخلص عقده اذا يبون يسووون لمتد واللي يبي يشترررررك يبلغونه ان في لمتد عشااان ماينكبووووون الناس مايصير جذي مني والطريق لمتد

 

[الكفه]

حسبي الله ونعم الوكيل


وين حماية المستهلك

لابد من حماية الناس من اطماع التجار

يالتجار قبل لاتقص علي الناس حط نفسك بمكان هالمساكين

ترا ربك فوق اتمنى اي مسؤل بااحد الشركات او احد ابناء التجار اذا قرا كلامي

يذكر ابوه بالله او يذكر جده او عمه او خاله او اي احد من جماعته

وتحياتي لصاحب الموضوع

 

[ابو عبدالله htc]

حسبي الله ونعم الوكيل

 

[foxmind]

فيفا اصبحت شركه غير محترمه بعد هذا التصرف لدرجة ان زين والوطنيه اصبحوا افضل منها بكثير رغم مساوئهم فالشركه التي تتجاهل الناس وتستغفلهم بهذا الشكل لاتستحق منا ان ندفع فلس واحد فيها وان نرضى باي بديل

يااخي الكريم والله ثم والله ال 100 دينار مو خساره بترك هالشركه بعد ماجرى ووصلت بهم الوقحاه انهم يقولون لنا الان اذا حصلتوا بالعقد كلمة نت مفتوح روح اشتك ومن ناقص الا يقول ها ها ها ها ضحكنا عليك


مبروك عليك ترك الشركه يااخي الكريم

 

[nxman]

حسبي الله ونعم الوكيل

 

[daryq8]

والله يااخوان مو انا اللي يمشونها علي

مناشبهم ولو على دينار

اكبر غلط الاستمرار معاهم ولا اعطائهم زقوم 100 دينار


ومو بس جذي تشوية سمعتهم قريب قريب

 

[Bu Hamad]

مابي امدح فيفا .. بس الصدق ينقال

شوفوا فواتيركم مع زين او الوطنية وقارنوها مع فيفا، والله فرق فرقققققق !! فيفا وايد احسن ..

لا تنسون فيفا اهي اللي خلّت كل المكالمات الواردة مجانية !! (زين والوطنية باقتونة بوووق)

انترنت احسن من زين او الوطنية ! مو امصدقين جربوا والا اسألوا

ادخلت خدمات (مجاناً) اولها البريد الصوتي المجاني و خدمة الـ miss you

الوكيل الرسمي لشركة iPhone الحين

الشركة الوحيد اللي تقدر اتشوف فاتورتك مفصلة مجانا ( رقم التلفون - الساعة - مدة المكالمة - قيمة المكالمة ......) هاهاها اتحداكم شركة زين اتسويها !! واذا تبي تسوتها، لازم تنطر دور بالفرع وتطبع الصفحة الواحدة بـ 5 د.ك ، وهم ما تفهم ولا شىء مكتوب .. حتى الموظف مو فاهم

و اشياء كثيييرة ..

موعاجيتك خدماتها و اسعارها ؟ روح رد على زين او الوطنية علشان اتذكر الفرق

 

[starQ8]

اي والله الكلام عليها واااااااااااجد وصارت من نظام الوطنيه وزين لانا مافي هيئه اتصالات تراقبهم واتمنا اللي مسوي عقد عندهم يروح لمحامي اهوا وجم واحد ويعطونه مبلغ رمزي ويرفع قضيه بدال لا تدفعولهم 100 دينار الغاء عقد وشكرااااا

 

[daryq8]

.

موعاجيتك خدماتها و اسعارها ؟ روح رد على زين او الوطنية علشان اتذكر الفرق

وانا قايل غير جذي
بس مو تنقض العقد وانا مشترك علشان مفتوح والحين صار مايناسبني
واهي اللي اخلت بالعقد شكو اروح الغي الخدمه يدفعوني 100 دينار


المفروض تقول انا غيرت السياسه لاني ماقدر استوعب الكم الكبير من المستخدمين واللي يبي يلغي الخدمه يتفضل بدون دفع رسوم

 

[hany_ata]

قصتى مع فيفا ..
انا كنت من اوائل المشتركين عندهم من اول يوم بدأت فيه الخدمة وفى نفس اليوم روحت فرع المطار كنسلت انترنت زين وروحت المحل اللى جمبه فيفا عشان اشترك والله والله على ما اتذكر وقفت من الساعه 8 لحد الساعه 1 بالليل عشان اشترك وناهيك عن سوء المعامله قولت مش مشكله اهو يوم وباخد انترنت سرييييييييييييييييييييييييييييييييييييييييع
خدت الخط ب 20 دينار شهريا التزام سنه والكنسله 50 مع ان كان عندى زين ب 13.5
وروحت البيت بالرقعى واجرب ومنتظر السرعه الرهيبه والداونلود العاااااااااالى وافاجأ ببطء شديد جدا جدا الساعه 2 بالليل اتصلت عليهم قالولى لا بس مشكله بسيطه وباكر تكون محلوله انتظرت باكر وبعد باكر لمدة سنه وانا انتظر تنحل المشكله وم انحلت لحد ما كنسلت الخط تماما وياما اتصلت وزعقت وعصبت ودمى اتحرق وهما ولا هما هنا وكان سببهم الاساسى انى بعيد شويه عن البرج قولتلهم يعنى اخد سريرى واروح انام تحت البرج ههههههههه

 

[ابو العيال]

يا غالي شر البلية ما يضحك انا مشترك بفيفا صارلي شهريت وعقد سنتين للحين ما شبكت الا اربع مرات وتدري شنو السبب

ماكو تغطية بالمنطقة عندي

احب فيفا وخدماتها ولكن باشتراك الانترنت شقوني شق

اكثر مرة وصل عندي سرعة الداون لود بالاربع مرات كانت 16 كيلو بايت ههههههههههههه

والله طفشت وين اروح

زين لعنت خيري حولت فيفا طقت جبدي

ماكو الا اشوف الانترنت الفضائي شلون وضعه

توني متصل عليهم وسـالتهم ماكو جواب يروي القلب

الله المستعان

 

[Bu Hamad]

daryq8

انا صارت فيني مع "زين" تغير عقدي اكثر من 5 مرات خلال 6 سنوات وانا ما ادري !!
لما عرفت، خاطبتهم ردوا علي قالوا انت وكل المشتركين اموقعين على عقدود تنص على ان الشركة قادرة ان اتغير العقود ؟!؟!

تدري اشلون عرفت ؟ من شفت ان فواتيري الشهرية زادت بواقع 30% !!

 

[ALKOMO]

السلام عليكم يقولون ضغط على الشبكه السياسه اليديده المفروض تتبع مع المشتركين اليدد مو الي موقعين عقود من قبل بس صج الحرامي حرامي الله يعينكم والله يعوضنا خير

 

[B.A]

السلام عليكم
شركة فيفا غيرت سياستها لسبب واحد
كانت تعتقد ان يمكنها منافسة زين والوطنيه
فانهلت بالعروض لكسب زبائن وعقود
وبعد كسب عملاء قامت بتغيير سياستها
لان خسارتها كبيره جدا
لان لا عملاء لها الا بالعقود وكلها على الانترنت فقط

افتح لستة الارقام بتلفونك شوف جم واحد من اهلك وربعك يستخدم فيفا
55% زين
42% الوطنيه
3% فيفا

ويمكن في فيفا ويمكن مافي بعد

 

[gucci]

مذكور في العقد بند من بنوده : يحق للشركة التغير في خدماتها على حسب ما تراه مناسبا من دون الرجوع للعميل )
وفيفا سوت المت 2 قيقا باليوم بسبب ضغط شديد على الشبكه مما سبب مشاكل في الانترنت للعملاء فلمصلحة العملاء سوته 2 قيقا ( اذن فيفا غيرت بالعقد لشي مناسب كما ترا الشركه )

 

[بث مباشر]

انا سويت اشتراك من سنة ونص انترنت ٢٠ دينار بالشهر وكان من احسن ما يكون بس الحين صارت افشل ما يكون ورحت دقيت على موظفهم الله لا يبارك فيهم من شركة وسوالي طلب للدعم الفني وطنشوني اول مرة وما دقو علي وسويت طلب ثاني وهم ما دقو علي وسويت طلب ثالث وطنشوني بعد ورحت عاد دقيت عليهم وشوفوا الغباء اشلون صاير وقالتي الموظفة راح اسويلك طلب للدعم الفني عشان ليش ما دقو عليك اول مرة وعاد يوم دقو علي وكل موظف له راي غير او موظف يقول الكيبل خربان في المنطقة وثاني واحد يقول عندك مشكلة في الخط وراح انحاول انسويها لك وثالث واحد يقول امكن من الرواتر ألي عندك هذا يدل على ان الموظفين في الشركة اغبياء ولا يعرفون شي جان اقول حق الموظف في حل ولا لا تحلون مشكلتي او الغي الخط وقالي بكل برود ماعندي غير اني اسويلك طلب للدعم الفني تخيلوا خمس مرات للطلب الدعم الفني ولا اكو فايدة وقلتله بعدها راح الغي الخط وسكرت التيلفون في وجهه حسبي الله عليهم من شركة الله لا يربحهم *