وأنا بعد أدور والله دور في جنوب السره أو شقة على الأقل
بس المشكلة في بعض الفئات من الناس اللي عايشين معانا في الكويت
وأستولوا على حراج السيارات وسوق العقار و سوق الموبايلات
وباقونا بوووق ... جلد في أبناء الشعب الكويتي حديثي الزواج
تحت مرأى ومسمع من حكومتنا التعبانة ،،، تبيك تنجلد جلد أكثر من ١٥ سنة
لما يطلع لك بيت حكومي تقولك الحكومة خلاص وقفوا جلد فيه !!!
تخيل أدق على رقم تلفون شخص حاط إعلان فيه مواصفات لدور في الزهراء ويرد علي والله أنا المالك والدور إيجاره ب ٥٥٠ دينار ويعطيني عنوان البيت ،، وبنفس الوقت أشوف إعلان لنفس الدور والمكان في جريدة ثانية بس محطوط رقم غير !! تدق عليه يطلع لك واحد يقولك والله أنا المالك للبيت والإيجار لهالدور ب٦٥٠ دينار !! أقوله تكفى ب٥٥٠ أأجر الدور؟ يقول ما تبي خلاص هذي آخرها ما أنزل لك الإيجار !!
أنا متزوج حديثاً ،،، وين أروح والله .
أجلدونا أصحاب المكاتب وبعض الوسطاء*
