شقق مصر ارجو الافاده

[بوغيث]

مساكم الله بالخير جميعا
ياجماعه شفت اعلان باحد الجرايد لاعلانيه عن بيع شقق في مصر ورحت لهم وسعر الشقه ناسبني لكن متردد للاسباب التاليه

1- ماعندي خبره بهالمجال نهائيا

2- يتم الدفع بالكويت وباقي الاجرائات عليهم

3- ثورة مصر يقولون موقفين بيع العقار ؟

4- فكرة الموضوع عاجبتني ان يكون عندك عقار بالكويت او برا الكويت لكن الكل يهاجم الفكره لما اقول باخذ شقه بمصر

ولكم مني كل الشكر ​

 

[fabulass]

الآن بتصوري الوضع مو مضمون في مصر

خلك على غرب أوربا

وبالتوفيق إن شاء الله

 

[TALAL7070]

انتظر لما تهدي الامور في مصر وتستقر ويعم الأمن بعدها توكل على الله

 

[I T C]

اذا مصمم في مصر ... انتظر لين تهدى الاحداث لان الوضع هناك وضع اليد على كل شي...

لا وخليجي بعد يالهوي يالهوي..

 

[أناسة]

الله يعينك
وراك مدابج بالشهر العقاري وبمكان على كيف كيفك ( ميدان التحرير )
لا وأبشرك لازم تسجل بالعدل عندهم غير أتعاب المحاماه هذا اذا طحت لك بواحد يخاف الله
أنصحك تشوف لك واحد من عيال الديره وتعرفه زين يسنع أمورك وأي استفسار حاضرين
والله الموفق لك وللأخوان ورواد المتصفح وتقبل مروري .