عميد الاندية
عضو نشط
- التسجيل
- 7 يناير 2011
- المشاركات
- 69
السلام عليكم ورحمة الله وبركاته
بقولكم شنو صار معاي اليوم
رحت لمكاتب العقار اللي بسوق المناخ
قلنا خل نشوف اسعار اراضي ابوفطيره يمكن نزلت الاسعار او كما كانت ما تحركت ,, وطبعا من كثر ما تابعنا المواضيع قبل تنفيذ قرار شيسمونه على مادري جم ,, وان الاسعار راح تنزل ,, ووداعا للعصر الذهبي ,, وتفائلنا بالقرارات وقلنا الدولة فعلا قلبها على المواطن وعندها خوووش خطه راح تنزل فيها الاسعار ,,
المهم ما اطولها عليكم مع اني مطيتها مط ,, دشيت وسألت عن اسعار الاراضي ,, تفاجأت بالاسعار صاعده فووق ,, مو اقل من 10 آلاف من قبل 3 شهور يعني اللي كان ببلاش صار اب 10000 هذا بوبلاش عيل بودينار جم وصل ,, عاد قلت حق واحد من اصحاب المكاتب ,, شلون الاسعار ارتفعت وانتوا محتاجين البيع بعد القرار شيسمونه ,, فسمعت خوووش رد اثلج صدري الصراحه , يقول الضريبه انت اللي تدفعها يا الشاري , القانون هذا انت اللي تشيله عني انا ما اتحمل اي شي @@ ,, خوووش
الصراحه عجبني القرار , صج قرار مدرووووس , يعني التاجر والدولة قاموا يستربحون من ورى المواطن المسكين اللي يدورله ارض بالتفق , انحط القانون والمواطن اللي تبهذل ,, والله خووش ناس حطت هالقانون ودراسته كانت 100% ما تخر الماي , والربع يسولفون ومنتظرين شهر 3 على نار ,, اعتقد ان شهر 3 من كل سنه راح يحتفلون فيه التجار , اشعليهم يالهم قانون ارفعوا فيه اسعار وبدل ما يدفعون الظريبه بخساره , يدفعوتها وفوقها بوسه لانها دخلت اضعاف عليهم ,,
شباب نناشد اصحاب القرار ,, يبا شيلوا هالقانون , حرام عليكم لا تضرون التاجر هالفقير المسكين الا ربحه بسيط من ورى الاراضي السكنيه , مجرد 100 الف بالارض واحنا حاسدينه على هل 100الف , عاد اضربها بعد بعدد الاراضي , يعني من ارباح بوفطيره التاجر يقدر يشتريله جزيره , ولا يهمك اخونا التاجر , دام قراراتنا مدروسه وما تخر الماي , جزيرتك على هل لرقبه نشتريها لك , اشتري منك الارض واحط خيمه عليها ولا انت تزعل ولا تهتم ,,
ويعيش قرار مادري جم على مادري جم , ناصر التجار
يالله عاد الحين ناموا بسم الله عليكم , ان شاء الله استانستوا بالقصه
وراح نوافيكم بقصه ثانيه لما قرار ثاني يطلع ويقولون انه لمصلحه المواطن , وتصير عاد الاراضي وقتها 10000000000000 وو 100 متر سد يمين يسار وشمال وجنوب , يعني تشتري ارض مع هيلوكبتر , اذا تبي توصل بيتك سو انزال
في امان الله ,, عسى بس ما طولت عيكم , لان القصه حدها قصيره
