توضيح بخصوص قرارات التبديل

[بومحمد63]

هذا الخبر المتعلق بقرار البدل بين القسائم السكنية الموزعة على المخططات:

اصدر نائب رئيس مجلس الوزراء للشؤون الاقتصادية ووزير الدولة لشؤون التنمية ووزير الدولة لشؤون الاسكان الشيخ احمد الفهد قرارا بالموافقة على الاستبدال والتنازل عن القسائم السكنية الموزعة على المخططات قبل الاستلام الفعلي.
http://www.alqabas.com.kw/Article.as...&date=21042011

يا اخوان لاحظت مؤخرا كثير من الاخوان ( مع احترامي الشديد لهم ) أساؤا تماما فهم القرار الأخير للشيخ أحمد الفهد

باختصار اللي استلم فعليا وحدته السكنية ( وليس على المخطط ) ما ينطبق عليه القرار الجديد فمثلا : اللي عنده بيت في سعد يقدر يبدل في فهد الأحمد اذن قرار احمد الفهد الجديد ما يغير قرار البدل القديم أبدا

كذلك القرار الجديد يخص فقط الموزع لهم على المخطط في شمال الصليبخات و جابر و صباح و هم مسموح لهم بالبدل مع وحدات سكنية في نفس المنطقة فمثلا صاحب القسيمة في جابر غير مسموح له بالبدل الا في جابر و هكذا.

لكن في المقابل اصحاب هذه القسايم أول ما يستلمون قسايمهم فعليا و يستخرجون تصريح البناء يقدرون يبدلون مع طلب 2003 شهر 6 لأن القانون واضح و صريح ان صاحب الوحدة السكنية ( اقصد اللي استلم فعليا الوحدة السكنية ) يقدر يبدل مع آخر طلب حاشه الدور في المشاريع الاسكانية و حاليا ينطبق هذا عمليا على مشروع صباح الاحمد ( اللي وصل لغاية طلب 2003 شهر 6 )



اتمنى تكون وضحت الصورة

 

[ابو حمد الغالي]

جزاك الله خير



متي تطلع مناطق جديده تعبنا واحنا ننطر

 

[عميد الاندية]

أساؤا تماما فهم القرار الأخير للشيخ أحمد الفهد

يا جماعه لحد يسيئ الفهم

لا لا لا تسيئون الفهم

كل شي موزون بالنسبة للسكن , واضح وصريح جدا جدا جدا

 

[بومحمد63]

يا جماعه لحد يسيئ الفهم

لا لا لا تسيئون الفهم

كل شي موزون بالنسبة للسكن , واضح وصريح جدا جدا جدا

لا تعليق !!!!!!!

 

[بومحمد63]

جزاك الله خير



متي تطلع مناطق جديده تعبنا واحنا ننطر

بو حمد انت من الناس اللي يستاهلون الواحد يكتب و يتعب و يوضح علشانهم

عموما اللي اذكره ان طلبك 96

انت صبرت و ان شاء الله تطلع اراضي الدائري السابع اللي فعلا موقعها يستاهل ان الواحد ينطرها

 

[BU ALI]

مشكوووور على التوضيح .....آنا كنت من الناس الي في البداية صار عندهم لبس بالاعلان وبعد

ما قريته مرة ثانية وضحت الصورة بس كنت ناطر واحد يأكد لي الي فهمتة , وكنت أفتح النت كل

يوم أدور أحد يأكد المعلومة . واليوم قريت مشاركتك . جزاك الله كل خير وما قصرت ريحت بالنا عسا

الله يريح بالك دووم .

 

[chess122]

طيب لو سمحت طال عمرك ممكن أعرف عن نفسي أنا طلعلي في صباح الدفعة الأخيرة توه قبل أسبوع مع منو تحديدا أقدر أبدل وشكرا جدا

 

[بومحمد63]

مشكوووور على التوضيح .....آنا كنت من الناس الي في البداية صار عندهم لبس بالاعلان وبعد

ما قريته مرة ثانية وضحت الصورة بس كنت ناطر واحد يأكد لي الي فهمتة , وكنت أفتح النت كل

يوم أدور أحد يأكد المعلومة . واليوم قريت مشاركتك . جزاك الله كل خير وما قصرت ريحت بالنا عسا

الله يريح بالك دووم .

العفو يا الطيب و الله يوفقك ان شاء الله

 

[بومحمد63]

طيب لو سمحت طال عمرك ممكن أعرف عن نفسي أنا طلعلي في صباح الدفعة الأخيرة توه قبل أسبوع مع منو تحديدا أقدر أبدل وشكرا جدا

العفو يا الطيب

حاليا تقدر ان شاء الله تبدل مع اي قسيمة في صباح فقط

لكن بعد ان تستلم تصريح البناء فوقتها ان شاء الله تقدر تبدل مع اي وحدة سكنية ( شرط تكون هذه الوحدة موزعة عن طريق الاسكان ) كذلك تبدل مع اي طلب ( لغاية 2003 )

 

[khaled9999]

بااااااااارك الله فيك بومحمد

 

[بومحمد63]

بااااااااارك الله فيك بومحمد

الله يبارك فيك اخ خالد

 

[بومحمد63]

و نتمنى تكون وضحت الصورة

 

[alwinian]

السلام عليكم
مع احترامى لى صاحب الموضوع ياخوى مو على كيفيك تلمع وتشمع
حنا صارلنا 19 سنه ناطرين الدور وحالتنا حاله وعيالنا صارو كبرنا وغير الى عنده معاق تبطل البدل بنفس المنطقه ليش خلها كملها بعد للتسليم شنو الجديد الى سوته هيئه الاسكان يعنى لويسلمون الارض راح نبدل ليش التعطيل والدكتاتوريه بالبدل تدرى ليش ابو محمد لانه قسائم بوفطيره للحين ماخلصت هى ويالمسيله على حسابنه علشان يحدونك تشترى ارض ابو فطيره ولا المسيله
هيئه الاسكان هى السبب برفع اسعار ابوفطيره والمسيله ولا يوم نزلت ابوفطيره والمسيله وقفت ورزاره الاسكان معاهم وحطت قرار التبديل نفس المنطقه
الناس قامت تفهم مابين الاسطور ياخوى حرام عليهم الشى الى يسونه
الامارت 3 سنوات وسته محطه قطارات
يعنى تبى تفهمنى انه قرار الهيئه الاسكان التبديل بنفس المنطقه خدم الطلبات القديمه اقولك غلطان انا من الناس ماخذ دور كامل 550 دينار والهيئه تعطينى بدل اجار 150 والوافد المدرس يعطونه 140 دينار والله ياسلام سلم على الاسكان
يعنى بعد كم سنه لو تقاعد راح يصير معاشى 920 والاجاره 550 وينج ياهيئه الاسكان
ليش ماتبطلين البدل على كافه المناطق والناس تبدل وتعيش حياتها
الا غلط وغلط الاقرار والظالم

 

[بومحمد63]

السلام عليكم
مع احترامى لى صاحب الموضوع ياخوى مو على كيفيك تلمع وتشمع
حنا صارلنا 19 سنه ناطرين الدور وحالتنا حاله وعيالنا صارو كبرنا وغير الى عنده معاق تبطل البدل بنفس المنطقه ليش خلها كملها بعد للتسليم شنو الجديد الى سوته هيئه الاسكان يعنى لويسلمون الارض راح نبدل ليش التعطيل والدكتاتوريه بالبدل تدرى ليش ابو محمد لانه قسائم بوفطيره للحين ماخلصت هى ويالمسيله على حسابنه علشان يحدونك تشترى ارض ابو فطيره ولا المسيله
هيئه الاسكان هى السبب برفع اسعار ابوفطيره والمسيله ولا يوم نزلت ابوفطيره والمسيله وقفت ورزاره الاسكان معاهم وحطت قرار التبديل نفس المنطقه
الناس قامت تفهم مابين الاسطور ياخوى حرام عليهم الشى الى يسونه
الامارت 3 سنوات وسته محطه قطارات
يعنى تبى تفهمنى انه قرار الهيئه الاسكان التبديل بنفس المنطقه خدم الطلبات القديمه اقولك غلطان انا من الناس ماخذ دور كامل 550 دينار والهيئه تعطينى بدل اجار 150 والوافد المدرس يعطونه 140 دينار والله ياسلام سلم على الاسكان
يعنى بعد كم سنه لو تقاعد راح يصير معاشى 920 والاجاره 550 وينج ياهيئه الاسكان
ليش ماتبطلين البدل على كافه المناطق والناس تبدل وتعيش حياتها
الا غلط وغلط الاقرار والظالم

و عليكم السلام

اخوي انا وضحت قرار يبدو لي ان الناس فهمته غلط و بعدين ارجو اذا فهمت موضوعي انك تجاوبني على هالاسئلة :

1- عطني كلمة وحدة فيها تلميع (على حد تعبيرك الراقي ) للاسكان او لوزيرها الحالي ؟

2- شنو علاقتي انا بقرار الاسكان بعدم فتح البدل لكل اصحاب الوحدات السكنية و ما دخل ذلك بالتشميع ( على حد تعبيرك الرائع ) ، لا يكون انا صاحب الاقتراح او انا اللي وقعت على القرار !!!!
3- شنو علاقتي انا في ظروفك اللي ما لها ابدا علاقة بالموضوع ( صار لك 19 سنة ، اعاقة ، ابوفطيرة ، الامارات ، معاشك ، ايجارك ، .... ) ، زين بعد ما ذكرت لي مشاكلك في البيت و الدوام و ....... الحمد الله انك بعد ما قلت اني انا السبب في مقتل بن لادن و خسارة ريال مدريد !!!!!!!!


اخواني احيانا الواحد يتردد في الكتابة بسبب التعليقات اللي ما لها داعي مع اني لا تاجر عقار و لاني بمسؤول لكن اردت التوضيح لأن قرار البدل الاخير كان فعلا غير واضح

عموما اعدكم ان شاء الله اني بقط هالتعليقات وراء ظهري

و الله ولي التوفيق

 

[alwinian]

واضح من كلامك

يا اخوان لاحظت مؤخرا كثير من الاخوان ( مع احترامي الشديد لهم ) أساؤا تماما فهم القرار الأخير للشيخ أحمد الفهد
هذا شنو نسميه
القرار والى فاهمينه غلط على قولتك !!!!!!!!!
شنو الشى الزين فيه من القرار البدل !!!!!!!
شنو تبى توضح على الربط
غير التلميع لوزراة الا سكان

 

[khaled9999]

و عليكم السلام

اخوي انا وضحت قرار يبدو لي ان الناس فهمته غلط و بعدين ارجو اذا فهمت موضوعي انك تجاوبني على هالاسئلة :

1- عطني كلمة وحدة فيها تلميع (على حد تعبيرك الراقي ) للاسكان او لوزيرها الحالي ؟

2- شنو علاقتي انا بقرار الاسكان بعدم فتح البدل لكل اصحاب الوحدات السكنية و ما دخل ذلك بالتشميع ( على حد تعبيرك الرائع ) ، لا يكون انا صاحب الاقتراح او انا اللي وقعت على القرار !!!!
3- شنو علاقتي انا في ظروفك اللي ما لها ابدا علاقة بالموضوع ( صار لك 19 سنة ، اعاقة ، ابوفطيرة ، الامارات ، معاشك ، ايجارك ، .... ) ، زين بعد ما ذكرت لي مشاكلك في البيت و الدوام و ....... الحمد الله انك بعد ما قلت اني انا السبب في مقتل بن لادن و خسارة ريال مدريد !!!!!!!!


اخواني احيانا الواحد يتردد في الكتابة بسبب التعليقات اللي ما لها داعي مع اني لا تاجر عقار و لاني بمسؤول لكن اردت التوضيح لأن قرار البدل الاخير كان فعلا غير واضح

عموما اعدكم ان شاء الله اني بقط هالتعليقات وراء ظهري

و الله ولي التوفيق

وابى ازيدك من الشعر بيت

انت ورا كارثه الغزو انت احد اسباب تفتييت الوحده الوطنيه

هذاا بس بيت لاتخلينى اقول القصيده كامله:d:d:d:d:d

 

[بومحمد63]

يا اخوان لاحظت مؤخرا كثير من الاخوان ( مع احترامي الشديد لهم ) أساؤا تماما فهم القرار الأخير للشيخ أحمد الفهد
هذا شنو نسميه
القرار والى فاهمينه غلط على قولتك !!!!!!!!!
شنو الشى الزين فيه من القرار البدل !!!!!!!
شنو تبى توضح على الربط
غير التلميع لوزراة الا سكان

و من قال لك ان هالقرار زين او حتى شين - عطني كلمة واحدة فيها مدح لهالقرار

بعدين اذا انت ما خدمك هالقرار مو تحط الحرة فينا خاصة مثل ما اعرف انك تبي تبدل في فهد الاحمد و بالتالي هالقرار يفيد فقط فئة معينة

http://www.indexsignal.com/forum/showthread.php?t=278915