هل منطقة الفنيطيس بتكون مثل العقيلة ( بيوت شركات ) ؟؟؟

[بــوعبدالله]

السلام عليكم

اليوم افتريت في منطقة الفنيطيس
وماشاء الله البيوت أغلبها 3 أدوار وفي بيوت خاصة حتى من التشطيب

سؤالي ياجماعة الخير
الشركات بنت أغلب بيوت العقيلة وباعتها على الناس

تتوقعون يصير نفس الشي مع الفنيطيس أو بوفطيرة مستقبلا ؟

 

[yasalam]

ولد عمي تراك غلطان باسم المنطقة الي فتريت فيها.
منطقة فنيطيس مافيها بيوت لان ماصرحوا فيها للبناء

الا جان كنت متخيل شكل المنطقة بعد سنتين من الان


 

[zidantheking]

قصدك الفنطاس الزراعي ؟ (ابو الحصانية )

 

[عميد الاندية]

لا كلامه صح يا الغالي

انا رحت المنطقه ,, وفتريت فيها , ومن كثر ما تعبت لان الجو حار
رحت الجمعيه وشريتلي بطل ماي فولفك ..
عاد شفتلي دلال هناك تاجر اراضي قلتله ابي ارض 500 متر على 3 شوارع , قالي موجود

فسألته على جم , قالي غاليه شوي اب 20000 لانها مقابل الخدمات , قلتله ليش نزلت الاسعار قبل جم يوم كانت الاسعر نار
قالي ذبحنا قرار مادري جم على شيسمونه مضطرين ان احنا نبيع بهالسعر
عاد قلت مره وحده اخذلي ارضين وحده ابني عليها البيت والثانيه اسويها حديقه حق يهال الفريج يلعبون فيها العصاري ,,

والسموحه من صاحب الموضوع , والله الكلام مو لك , حق منو فكر في القرار الذباح اللي ذبح المواطن ورفع الاسعار وضحك التاجر علينا

 

[بــوعبدالله]

الفنطاس الزراعي وين .. والفنيطيس وين ؟

شلون مو الفنيطيس ؟
حسب علمي اني دخلت الفنيطيس وقطعة 2 بعد
قبل جم سنة كنت أدخل نفس الدخلة حق مزرعة يصير فيها مزاد

للعلم اهي بين القرين وصباح السالم ، والقطعة اللي دخلتها قريبة جدا من طيبة كلينك اللي بصباح السالم

 

[zidantheking]

شكلي مخرف ، ترا احنا ٢٠١١

الفنيطيس اهي الي تحت المسيلة السكنية ، ما فيها شوارع شلون تقولون جمعية

الفنطاس الزراعي ( ابو الحصانية ) اهي الي علبحر و فيها بيوت و قسايم

و اذا لقيت ٥٠٠متر بلزراعي الي عل بحر ثلاث شوارع و مقابل خدمات ب ٢٠٠ اعتقد السعر ممتاز

لان المنطقة هادية و حليوة ، بس اذا بلفنيطيس ما يسوى

للنتبيه ( الفنيطيس قبل كانت الفنطاس بعدين تغير اسمها و صارت الفنيطيس و الي عل بحر صارت الفنطاس الزراعي )

 

[بــوعبدالله]

ياخوي الناس صارلها سنة كاملة تبني بالفنيطيس بس مو كل القطع أعتقد 1 و2 و3
من طريق الفحيحيل تكون يمينك بعد جسر صباح السالم ونهايتها جسر القرين

 

[yasalam]

دش سايت البلدية وشوف خريطة مناطق الكويت بالاسامي ونت تعرف.
يمكن مشتبه بالمسيلة هناك بلشو البنا صارلهم سنة فقط.
الفنيطيس كانت فيها بقالة طهران مطلة علي الفحيحيل جانك عارفها.

 

[عقاري1]

دش سايت البلدية وشوف خريطة مناطق الكويت بالاسامي ونت تعرف.
يمكن مشتبه بالمسيلة هناك بلشو البنا صارلهم سنة فقط.
الفنيطيس كانت فيها بقالة طهران مطلة علي الفحيحيل جانك عارفها.

السلام -- ذكرتنا بقالة طهران وتكمل سيدا مزرعة بوصلوح ههههه

 

[بــوعبدالله]

والله عدل كلامكم يالربع طلعت المسيلة
وطلعت مضيع
ومسميها على اسمها القديم مال المزادات
خبري كان اسمها الفنيطيس

 

[zidantheking]

المسيلة اغلب الي يبنون سكن خاص و ايجار (الدور الاخير ) بنفس الوقت

اما شركات ما سمعنا عنهم

رحت الجمعيه وشريتلي بطل ماي فولفك ..

المسيلة ما فيها جمعية ؟؟؟

 

[بـوخـــــالـد]

والله عدل كلامكم يالربع طلعت المسيلة
وطلعت مضيع
ومسميها على اسمها القديم مال المزادات
خبري كان اسمها الفنيطيس

بوعبدالله

بسم الله عليك الرحمن الرحيم علامك خرفت يالأمير .؟
الظاهر مو منك من الأسعار اللي راح تشوش على عقولنا كلنا
ههههههههههههههههههههههههههه ​