يا جماعه مسروق جيب لاندكروزر 2010

[ابو نايف2010]

اخواني اللي يحس باي شبه للسياره يبلغني الله يرحم والديكم

اللون. ابيض. اللوحه اكيد راح يشيلونها. الرقم 1010/54
الموتر جديد

العمليه صارت اليوم الصبح الخميس الساعه 6 الصبح من قدام البيت في الرقه السياره كانت شغاله

تكفووووون يا الربع اللي له مزرعه ولا جاخور يسال اللي هناك او بالسكراب

لا حول ولا قوه الا بالله

ربعن تعاونو ما ذلو. اخوكم. ابو نايف. 66929840

 

[Singel]

عسي الله يردلك حلالك والله من راح ابلغ الربع بس نصيحتيلك روح السكراب ودورفي الجيوب الي هنالك انشالله تلقاه سليم ولاهو مفكك والله يعقله لك انشالله

 

[راكان يتيم]

الله يعوضك خير ويرد ضالتك لك لكن بالسكراب تلقاها لان يدخلونها بالحوطه ويقصونها مثل ماصارت لشخص

 

[BO NASEER]

لا حول ولا قوه الا بالله

تلقاها وصلت لليمن الحين ...

أهم شي بلغ عنها عشان ما تطلع بره الكويت ,, ترى السيارات تطلع بحبه خشم بدون توكيل..

و مثل ما قالوا الاخوان عليك بالسكراب

وانا راح اسويلك اعلان بــ تويتر

أسأل الله تعالى ان يرد لك ضالتك أو يعوضك خير منها ..

 

[ياسر الروقي]

ارفع قضيه بسرعه قبل لا يهربونه
اسأل الله العظيم ان يرد لك حلالك
ويهون عليك المصيبه

 

[LEXUS]

الله يجمعك بضالتك ان شاء الله مال الحلال ما يضيع

اذا كانت شغاله قدام البيت هذا مو حرامي محترف تلقاه واحد من الشباب السهيره مو بعيد عنكم
بيفتر فيها شوي ويوقفها بمكان اسال الخمام اذا كان موجود او احد الجيران الله يهديه ان شاء الله و يردها .

 

[الحريه وطن]

لا تتعدي ثلاث مناطق ام الهيمان او الظهر او جابر العلي

هذي مناطقهم شلة الكسب

النيجر

 

[ابومشعل62]

الله لايوفقه ولاتخاف والله ما يتهنى . والله يعوضك بداله وعنده مايضيع .

تنبيه : الرجاء من الاخوان عدم ترك المركبه شغاله عند نزولك للمحل او امام المنزل .

 

[ياسر الروقي]

سألت واحد من الشباب بالرقه قال ان فيه ثلاث حالات مشابه بالرقه حصل بشهر
وفي حاله لقريبته سرقة سيارتها بالجمعيه
واضن ان السارق مراهق منحرف
لكن ان لقيتها بشرنا يا بو نايف

 

[nokia*nokia]

الله بالخير بونايف

تم نشر إعلان سرقة الجيب

في التويتر + الواتس أب

وإن شاء الله سيارتك بترجع

تحياتي لك.

 

[171]

سبحان الله عندنا بالجهرا متروسه بدون
بس مافي سرقة سيارات الا حالات نادرة جدا

الظاهر مثل ماقال أخونا العضو الحريه وطن
مناطق يكثر فيها الكسابه

 

[sosoo]

مع الاسف

أكثر السرقات تكون باهمال صاحب السياره لانه تركها شغاله

يعني يا حرامي تعال اسرق

يا مصبنجي اسرقها وقحص فيها

بعدين اللاندكروز الجديد يطفي بعد 200 متر اذا الريموت مو بالسياره

الله يفرج كربك وينفس همك ويرد ضالتك عليك

وبالتوفيق

 

[maax1]

لا تتعدي ثلاث مناطق ام الهيمان او الظهر او جابر العلي

هذي مناطقهم شلة الكسب

النيجر

موبعيده

ياجماعه سرقات اللاندكروزر الجديد شغاله هليومين
سمعت اكثر من واحد انسرقت منه

( لا تتركون السويج فيهااااااااا طفها منت خسرااااااااااان لايروح حلالك برمشه عين ) يحترق سلف ولا تروح السياره

اخوى الله يجمعك بضالتك آمين
والصحه والسلامه اثمن منها راسك سالم

 

[ابو نايف2010]

مشكووورين يا الربع

وما قصرتو على الكلام الطييب

وانشالله نحصلها اذا الله كاتب

 

[الأرستقراطي]

لا تحاتي يا بو نايف ،،، اول شي انوي اذا لقيتها ان شاء الله تطلع صدقة ،،، في بجنبكم بقالة او مطعم او ديوانية شباب ؟؟؟

 

[I T C]

اخوي دور عليها بالبراحات هذا اكيد شغل مصابن يقحصون ويحذفونها,.....

الحريه وطن الله يقطع ابليسك على سالفة النيجر ...

 

[wooow]

مع الاسف

أكثر السرقات تكون باهمال صاحب السياره لانه تركها شغاله

يعني يا حرامي تعال اسرق

يا مصبنجي اسرقها وقحص فيها

بعدين اللاندكروز الجديد يطفي بعد 200 متر اذا الريموت مو بالسياره
الله يفرج كربك وينفس همك ويرد ضالتك عليك

وبالتوفيق

لو 200 كيلو ما يطفي

 

[أعرابي]

للأسف ديرتنا صارت مثل الهند القانون فيها فالت لا أفراد شرطة و لا دوريات و الموجودين مالهم خلق و عليهم ضغط , الله المستعان ,مدرس أردني إنسرق جيبه في الجهرا و راح يبلغ و قالوله دوره أحسنلك حنا نسجل قضية و لمسكنا حرامي بسرقة مشابهه نلبسه جيبك , و بعد ثلاث أيام إنسرق جيب لانكروزر ثاني نبفس الشارع و لمدرس أخر .

 

[Singel]

سيارت اخوي انسرقت من الاندلس راح المخفر قالو له خلاص راح ندورها لك قام هويدورها لقها في الصلبيه راح بلغ المخفر قاله جيبها نرفع البصمات وهذا وجهه الضيف رفعو البصمات ولا بلغوه بشي واستلم السياره وطلع فيها ههههههههه
ونفس اخوي هذا اسنرقت سيارته من عند شقته لقيها بعد شهرين جنب مخفر جابرالعلي سبحان الله علي حالتها هههههههههههههه منحوس اخوي ولاصار شي ولا لقو الي سرق

 

[الاحمـد]

حط اعلان بالوسيط مع مكافأة مجزية للي يدلك عليها
بس المشكلة يمكن الارقام يغيرونها

واذا اللون ابيض بعد مشكله ، لان جيبات اللاندكروزر اغلب اللي منتشر اللون الابيض

افتر بالرقة وجابر العلي والظهر وشارع الغوص(اهم شي هذا) بالليل عالساعه 12 او 1 لان اغلب السيارات المبيوقة تلقاها مع هالشباب الفاشل ، اللي لا شغل ولا مشغله يبوقون السيارات ويستعرضون فيها...
شوف عيني سيارات اخر موديل يصعدها الرصيف وهو مسرع وكانه يسوق بقي بالمخيم الحبيب\
والناس تبلغ عنهم ولا اكو فايدة...
عمك اصمخ...