حل لمشكله فيفا وسياسه الداونلود

[fss911]

السالفه ومافيها يبيلها شباب صمله من 20 وفوق يتجمعون في مجمع الافنيوز والكل جايب الراوتر والوصله مالته وتنقط بوسط المجمع وتنداس وتكسر وكل هذا
بحضور الصحافه هذا درس بسيط للى يحب يسوييه تخيل يحصل هذا الشي ؟
شنو رد الشركه ؟


شوفو يوم يناسبكم وانا واحد من الناس اللي بجيب الراوتر اللى عندي وقطه وسط المجمع ودوسه برجلي وكسره وقبلها بيوم نبلغ اداره فيفا باللي راح نسوييه
ونشوف تجاوبهم اذا مافي شي سوينا اللى براسنا بس وين اللى يصمل ؟

 

[fabulass]

هذا اذا كان منهم فايدة ، ما منهم رجا اخوي

 

[man.vip]

ان شاء الله انا وياكم
ضروري التنسيق ويكون في صحافه حتى لو فيفا ماتأثرت بس احنا ماسكتنا عن حقنا وهذا المهم ،،،

مع العلم اني الغيت اشتراكي وجددت اشتراكي بالدي اس ال ولكن الراوتر باط جبدي بالبيت حتى ولدي الصغير مايبي يلعب فيه يقول ( كخ )

 

[Hitler]

هذا هو الحل بس لاتنسى تنسق مع اي صحافة او تلفزيون

 

[foxmind]

وانا معاكم وخل التجمع يكون من خلال هالموضوع وان صار الصحافه سهله ان شاء الله

 

[daryq8]

اخوي اذا تضيف الشباب بالواتس اب يكون افضل

وانا مع اي خطوه

 

[profesional]

أخوي أنا معاكم وضيفني بالواتس اب

99119927 بلغني أي وقت وأنا حاضر

 

[nxman]

الحل عشرين شخص يروحون حماية المستهلك بس وانا جاهز لان حماية المستهلك اهي الجهه المعنيه بحماية حقوقنا

 

[طلال701]

انا معاكم بعد شوفوا شنو تبون تسوون وانا وياكم
راسلونى على الخاص بالموعد
والله يوفقكم ان شاء الله

 

[starQ8]

الله يوفقكم ترا الحين الاعلام اهوا اللي يرد الحق لصحابه والله وياكم انشاءءالله

 

[abo--essa]

وانا بعد وياكم

 

[man.vip]

ياشباب هذا رابط برنامج فيفا في اب استور
http://itunes.apple.com/kw/app/viva-kuwait/id420409069?mt=8

ياريت تشاركون برأيكم في صفحة البرنامج يمكن إدارة الشركة يحسون اشوي

 

[daryq8]

وين رحت اخوي fss911

الموضوع جدي ولا بس تفريغ هموم

 

[171]

بمجمع الأفنيوز ؟؟؟

طبعا ما يبيله جنزات ضيقه و كل واحد مربيله عرف ولا ذيل على راسه
و نص كلامه " ياولد ياولد " هههههههههه


أضحك يا شباب لحد يزعل

 

[fss911]

انا موجود متابع الموضوع للحين ماوصلنا للعدد الكافي

 

[171]

قرقر واجد

كلام سيده مافي

 

[fss911]

للرفع

 

[العنيزي]

قرقر واجد

كلام سيده مافي

انا اشهد بس قول مافي فعل للاسف للاسف للاسف

 

[ابوخالد 1]

انا هم وياكم بس ما اكسر راوتري

 

[بوعبدالله]

خالد عبدالحميد الزامل اذا تذكرونه صاحب الدعوى ضد البنوك و الي كسبها .. على حسب كلامه ان اليوم الاربعاء مجهز مذكرة مرفوعه للقضاء بخصوص شركات الانترنت وفيها ثغرات كثيرة ضد وزارة المواصلات و شركات الانترنت . اذا انتو جادين بأصلاح الوضع حطوا ايدكم بإيد الرجال وعاونوه بالجهد فقط لانه على حسب علمي الرجال بروحه بدون محامي .