بيت بالاندلس او مزرعه

[hotkandor]

شباب السلام عليكم وبعد
عندي بيزتين وابي رايكم معاي من اهل الخبرة
اشتري بيت بالاندلس مأجر ولا اشتري مزرعة بالعبدلي اتسثمرها
يعني ازرع وابيع وهل الزراعه استثمار ناجح
ارجو منكم افادتي من خبرتكم وشكراااااا

 

[zidantheking]

الزراعه استثمار ناجح بس مو نفس العقار

لا تنسا انه المزرعة تقدر تستفيد منها كاستراحة

 

[مستقل]

الدوله بتوزع مزارع على المواطنين بلاش شكو تشتري مزرعه ثانيا شوف المزارعين يتحلطمون

نصيحتي لك التجاره التجاره التجاره ....................... وابعد عن الاسهم

والله يوفقك .

 

[hotkandor]

مشكورين ياشباب
مو هذي المشكلة اشتري مزرعة وباجر يوزعون مزارع وتقل اسعارهم
وبنفس الوقت ترى العقار مريح يعني على طول مدخول شهري
وعندي شباب مزارعين يقولون الزراعة استثمار وايد حلو
واذا تجارة تكفون وجهوني ترى ما اعرف شي عن التجارة
يا اهل الراي والخبرة شاوروني وان شاء الله في ميزان حسناتكم

 

[q8loving]

اترك عنك المزرعة ترى ماوراها الا الخسارة صدقني....لو انت ماخذها من الحكومة توزيع ببلاش اوكي..لكن شراء ما انصحك الا اذا الله مغنيك وتبيها للراحة والاستجمام ولجمعة الاهل ووناسة العيال

 

[nabhaan79]

بيت في الأندلس وأجره

شلك بعوار الراس

طاق درب كل يوم ومقابل العمال والماي فاض والماي وقف والماطور خربان والكلاب كلو الخرفان وعراقي طب علينا وغيره من سوالف

بيت تمر كل يوم تشوفه ويمكن يطلع مؤجر ما يدفع عادي تطرده وتجيب غيره خساره شهر شهرين

مو مثل المزرعه سالفه صراحه

والأفضل من هذا كله

تاجر مع الله سبحانه وتعالى 3500 سولك مسجد والباقي بيت

وإذا ما حجيت إحجز هالسنه للحج والله يوفقك

 

[hotkandor]

جزاك الله خير نصيحة حلوة والله
انا شباب رايح العمرة هالخميس وابي ادعيلكم
ان شاء الله
المزرعة عوار راس صج بس وناسة الاهل ومكسب ان شاء الله
ما نستغني عن شورتكم

 

[zidantheking]

البيزتين الي عندك يكفون بيت 3 ادوار ؟؟؟

اذا اي قسمه شقق و اجره

و خصص مبلغ تبرع فيه او ابني مسجد فيه