أبـــــي شــــوركـــم...

[Advanced Diver]

(( السلام عليكم ))
مقدما أشكر كل من اخذت من وقته وقرا الموضوع ...
باختصار أنا شريت بيت من واحد وكل الامور تمت بالطريقه القانونيه وتحول البيت بأسمي والماء والكهرباء باسمي ... طبعا قبل لا اشتري البيت كان صاحب البيت متفق مع واحد على بيع البيت ومسوي معاه عقد عند الدلال الظاهر انه صار فيه مشكله على حد قول صاحب البيت ان إللي كان يبي يشتري قام يتهرب منه على التحويل .... المهم قالي صاحب البيت ان إللي متفق معاه سكن البيت ... انا قلت حق صاحب البيت ما لك شغل فيه انا بس يتحول البيت بأسمي راح اتفاهم معاه ... وألحين الريال قاعد بالبيت من دون وجه حق والبيت بأسمي والماء والكهرباء كذالك ... طبعا أنا ما كلمت للحين الرجال إللي قاعد بالبيت... وما أبي أسوي شي وتصير الغلطه علي ...

أبي أسمع منكم المشوره ... ​

 

[rahaly]

اخوي اذا كان كلام البائع صحيح ... يمكن رفع دعوى طرد غاصب
ويمكن تكون دعوى مستعجلة ان توافر شروطها

لكن خوفك يكون مأجر البيت له او لغيره
او وجوده في البيت له سبب قانوني

عموما أساله عن سبب شغله للبيت .. عشان تتخذ القرار

ونصيحتي لك اذا فيها محكمة .. الجأ لمحامي حاذق .. لان الغلطة في هذه المسائل قد تضيع عليك حق وتخسر فيها الكثير من الوقت

والله اعلم

 

[Advanced Diver]

اشكرك على تفاعلك معاي 000
اولا البيت مو مؤجر لا له ولا لغيره ولا يوجد عقد إيجار اصلا
وأبي افهم معنى (( سبب قانوني ))
احب أضيف معلومه وهي انه صاحب البيت الاصلي لما اتفق مع اللي كان يبي يشتري البيت انه فيه تشطيبات خفيفه يسويها وبعدها يتم التحويل 000 ولما اخلصت التشطيبات بدا الشاري بالتهرب يعني بالعربي ما عنده فلوس وسكن البيت وحاول صاحب البيت بشتى الطرق علشان يكمل الإجراءات ويستلم فلوسه ...وماكو فايده أخرتها زهق وباع البيت حقي

الحين أنا عارف أني اقدر أطلعه من البيت بس ابي الطريقه القانونيه وسريعه​