نصيحتكم يالربع : آخذ أرض ولا اشتري بيت

[بــوعبدالله]

السلام عليكم اخواني

ياجماعة ورب الكعبة محتار حدي

عندي 120 ألف كاش

آخذ أرض في أبوفطيرة ولا اشتري بيت بالعقيلة قيمته 210 الاف ومساحته 450 متر ؟

محتار ومستوي حدي

 

[بو بـدر]

موضوعك ناقص انت عندك 120 كاش غير 70 وتبي تشتري بالعقيلة بـ 210 وناقصك 20 الف

مافي مقارنة اخذ العقيلة وانت مغمض

 

[بــوعبدالله]

لاتنسى سلفة البنك يطولي عمرك
من خلالها أكمل ال 210

 

[عذبي 71]

مساك الله بالخير اخوي بوعبدالله
الحيرة امر طبيعي في وضعك يالغالي لانك مقدم على مشروع مصيري ومكلف جدا وصعب انك تتراجع بعد ماتقرر لانك راح تدخل في قروض والتزامات كبيره..
ولكن الاصعب عندما تتخيل هالمشروع يتأرجح بين الحقيقه والحلم وتخشى من عدم تحققه..
فانصحك اولا بحسم قرار الشراء ..

ثانيا انت محتار بين بيت وارض فضاء..
وهنا الاختيار يجب ان تتخذه بناءا على احتياجك وخريطة حياتك.. وبمشورة شركائك بالحياة..

لو شريت في بوفطيره اليوم 120 الف ما راح تجيب لك اكثر من شارع واحد 400م ..
وبنائها لن يقل عن 95 الف.. مع انتظار 3سنوات.. وعندك مصاريف اجار مثلا..
كم بتكون صرفت ؟؟؟ ولا تنسى البناء يبي خبره وصبر وجهد..
ولكن ستنال بالنهايه فيلا على كيفك..

اما يا اخوي يابوعبدالله لو حطيت210الاف في بيت بالعقيله
وكان هالبيت بناءه جيد مو تجاري ووتصميمه المعماري يناسب ذوقك وموقعه عاجبك وفيه مجال لتسكن فيه وتؤجر البقيه منه ..
واجرت جزء من هالبيت خلال ثلاث سنوات كم سيكون مدخولك؟؟
على الاقل 500دك شهريا
يعني بعد ثلاث سنوات تدخل من البيت 18 الف دك تساعدك على التزاماتك وقروضك..
فانصحك ان تتوكل على الله ولا تتردد..
لانه بصراحه المساحه والسعر جيد.. والمنطقه جيده..
*

 

[zidantheking]

عطني مواصفات و موقع (مع ارتدادات و واجهة ) بيت العقلية و اقولك اذا يسوا

و تاكد انه بنيان مو تجاري

 

[بــوعبدالله]

راعيه يقول خذاه أسود وهو شطبه رغم انه تشطيبه مو ذاك

أما بالنسبة للموقع فهو عادي جدا يعني شارع واحد سد لد

 

[التايلندي]

نصيحتي لك ارض بوفطيرة اربح لك مستقبلا

 

[بــوعبدالله]

اخوي التايلندي
الغرض مو الربح
الغرض السكن

 

[مستثمر73]

أخوي بو عبدالله

أذا أنت رجل تبي تسكن ومتضايق في سكنك الحالي سواء أيجار أو مع الأهل والبيت ضيق ؟ لا تأخذ في أبو فطيره أو الفنيطيس ..
والسبب أن يبيلك لا يقل عن 4 سنوات علشان تقدر تسكن بالبيت وفوق هذا مشاكل البناء ويبيله خبره وتعب ..

ونصيحه لا تستعجل بشراء البيت ألا بعد التأكد من بناء البيت والجيران ألي حواليك . وديربالك من الشريطيه ترى أذا سعر البيت 200 يحطونه 250 ألأف !!

ساوم صاحب البيت بنفسه لأن بعضهم مو بياع بس عارض البيت علشان يشوف كم يجيب ومأذي خلق الله بروحه وجيه

الله يوفقك

 

[الـصانع]

والله ياخوي رآيي من رآي الاخوان توكل على الله واشتر بالعقيله

وهم افتر واتعب يمكن تلاقي بيت ارخص وموقعه افضل

و أجر الدور الثاني منها انته ساكن بـ بيتك ومنها مدخولك موجود ويساعدك على سداد القروض

 

[سديم العقار]

اذا مصمم اخذ فيالعقيلة مرغوووبه حيل لانه السد بنيانه نص ونص 220 او 230 وايجاراته غالية جدا تبي تستثمر فاهو احسن استثمار في المنطقه العاشرة واغلى ايجارات وفى المبيعه فهو احسن مبيعه ؟ مافيية خسارة نهائياا تشترى 220 تبيع 230 صدقنى بس اخذ بنيان صح حتي لو تزيد فلوسك

مكتب سديم العقار ادارة كويتية 100 / 100

بـيـع / شــــراء / ادارة امـــــلاك الــــغــيــر

شــعــارنا / مـصـداقـيـة / ثــقـه / الـــتــزام

بأدارة : عبدالعزيز
ت: 55556438

 

[haddaq8]

أخوي كلام الاخوان صحيح ، و ازيدك كم معلومة مهمة:

-إذا القسايم المجاورة كلها مبنية فهذا شي زين ، لأنها إذا مو مبنية راح تلوع كبدك من البنيان المستقبلي ، نصيحة نصيحة نصيحة

-إذا أسرتك صغيرة تأكد إنك تقدر تقسم البيت علشان الإيجار ، ترى تسوى

-حط لك مبلغ احتياطي لا يقل عن 3000 دينار حق التصليحات و طلب الكهرباء إلخ...

-بس على فكرة ، هذا السعر غالي شوي ، بأي قطعة؟ إذا اب قطعة واحد أوكي لأنها أرقى و أغلى قطعة بس إذا بالقطع الثانية حده 190 ألف و خصوصا إنه سد لد و تشطيبه مو ذاك الزود على قولتك ، 210 وايد إلا إذا كان ثلاث طوابق أو سرداب

غير جذي توكل على الله ، ترى العقيلة مرغوبة و قومت تخلص

 

[بــوعبدالله]

قواكم الله ياجماعة

أخوي كلام الاخوان صحيح ، و ازيدك كم معلومة مهمة:

-إذا القسايم المجاورة كلها مبنية فهذا شي زين ، لأنها إذا مو مبنية راح تلوع كبدك من البنيان المستقبلي ، نصيحة نصيحة نصيحة

-إذا أسرتك صغيرة تأكد إنك تقدر تقسم البيت علشان الإيجار ، ترى تسوى

-حط لك مبلغ احتياطي لا يقل عن 3000 دينار حق التصليحات و طلب الكهرباء إلخ...

-بس على فكرة ، هذا السعر غالي شوي ، بأي قطعة؟ إذا اب قطعة واحد أوكي لأنها أرقى و أغلى قطعة بس إذا بالقطع الثانية حده 190 ألف و خصوصا إنه سد لد و تشطيبه مو ذاك الزود على قولتك ، 210 وايد إلا إذا كان ثلاث طوابق أو سرداب

غير جذي توكل على الله ، ترى العقيلة مرغوبة و قومت تخلص

مشكور وماقصرت ياخوي
بس للعلم ماكو ولا بيت بالعقيلة حاليا أقل من 205 ألف
وفوق هذا مساحته أقل من 400 متر

اذا لقيت بالأسعار اللي تقول عنها رحم الله والديك بلغني

 

[mekhled99]

تبي الراي يابو عبدالله الكاش عزيز حط افلوسك وديعه ودور لك بيت من دور او شقه واسكنه لين يجي طلبك وتنام وانت مرتاح ولا تحاتي وفلوسك ذخر لك وللمستقبل الوضع العقاري غير طبيعي

 

[zidantheking]

450 متر يسوا 210 حاليا خصوصا اذا ارتداده 4-5 امتار على واجهة 20 متر و شارعه عريض ( 8 امتار ) بس اذا يمك وايد ناس امأجرين و يصفطون علشارع ما يسوا

 

[بـوخـــــالـد]

السلام عليكم اخواني

ياجماعة ورب الكعبة محتار حدي

عندي 120 ألف كاش

آخذ أرض في أبوفطيرة ولا اشتري بيت بالعقيلة قيمته 210 الاف ومساحته 450 متر ؟

محتار ومستوي حدي

وعليكم السلام ورحمة الله وبركاته

بوعبدالله شر البليةُ ما يضحكُ

ههههههههههههههههههههههههههه

والله حالي مثل حالك ومحتار بين القسائم وبوفطيره بالذات
بس أنا معاي بحدود ال 200 ألف ومحتار مثلك والله يالأمير
ولا أدري أي قرار أتخذ وكذا مره فكرت أعرض مشكلتي للشباب
والنصيحه تنشرى على ما قالوا والله يسهلها على الجميع اللهم آآآمين . ​

 

[بــوعبدالله]

عسى الله يوفقك يابوخالد
مشكلة اذا الواحد ضاع بين حانا ومانا

 

[المؤشراتي2]

الدين النصيحه

ابلع العافية وخش فلوسك المنطقه تعيش ظروف متقلبه والهوامير يطلعون فلوسهم

انتظر حتى تهدا العواصف

 

[بـوخـــــالـد]

عسى الله يوفقك يابوخالد
مشكلة اذا الواحد ضاع بين حانا ومانا

الله يوفق الجميع يا بوعبدالله
أي والله مشكله لكن اللي يستقر على راي يعلم صاحبه
وعسى الله يسهلنا الأمور جميعآ بحـــــــــــول الله ..​

 

[بـوخـــــالـد]

الدين النصيحه

ابلع العافية وخش فلوسك المنطقه تعيش ظروف متقلبه والهوامير يطلعون فلوسهم

انتظر حتى تهدا العواصف

المؤشراتي

الله يجزاك خير على النصيحه وبارك الله فيك
وملينا يالأمير من الإيجارات وهذا حنا نحاول
نخش الفلوس بس العقار كل يوم قاعد يرتفع وأكلونا الهوامير
وحنا يا ربعك ضايعين بالطوووشه والله يسهلها إن شاءالله ..​