رايكم في هذه السيارة ؟؟

[(طموح وقنوع)]

يا اخوان يا اهل الخبره مانستغني عن آرائكم وخبراتكم
بسالكم عن جيب كيا موهافي
وجدت من يمدحه وشكله عاجبني بنفس الوقت اشوف مبيعاته جيده ومشاهد بكثرة بالطرق
بانتظار الاراء النيره

 

[بو محمد 999]

شوف هل ال koc صارفينلهم 8 سلندر


واحد من الربع مهندس يقول انه يصرف بانزين...

وبانتظار الاراء ..

والشباب ما يقصروا....

 

[أعرابي]

واحد من الربع إشترى ستة سلندر يمدحه لكن يقول تحس مو جامد حيل مو ثقيل بالخط , لكن الصف الثالث للمقاعد مريح عكس باقي الجيوب عموما زين و مرغوب و صرف البنزين فيه متوسط 7كم للتر , أفضل من البرادو بالسعر فقط سعره أقل من الأربع سلندر برادو ب 2300 دينار
شوف هالموقع fueleconomy.govو شوف هالموقع carsurvy.com

 

[560SEL]

السياره حلوه ومواصفاته ممتازه ومن داخل تصميمها رائع وناعمه
لكن انا انتقدها باكثر من نقطه
الجوده فيها ما وصلت للحد المطلوب مع انها افضل من التويوتا والكيا الان افضل من اول بواجد وهذا اللي خلاهم يفوقون على تويوتا
العزم كويس لكن ما يخدمك اذا انت راعي بر
السياره بشكل عام ممتازه وسعرها منافس مقارنه بغيرها من نفس الفئه وهي سياره عائليه اكثر من انها جيب

 

[(طموح وقنوع)]

ياسلام عليكم وعلى ردودكم
على فكره انا ابيها للوالد الله يحفظه
ابيه بديل للباثفايندر
احس اغلب الجيوب اللي نعرفهم بهالفئه تراجع مستواهم او صارت اسعارهم مبالغ فيها
الكيا حققت ثقه بفتره وجيزه واشوف القبول لها بازدياد
اضافه الى ان السياره وسيعه ومركبها حلو وبنفس الوقت مو كبيره جدا

بارك الله فيكم جميعا وما نستغني عن مشورة الطيبين امثالكم