تنصحوني ادخل في سوق الاسهم السعودية

[الزعفران]

السلام عليكم ورحمة الله وبركاتة
اخواني الاعضاء
انا كويتي و مقيم بالكويت
وحاب ادخل في سوق الاسهم السعودية
هل تنصحوني بالدخول ؟
هل فيكم نفسي مقيم بالكويت و يدير المحفظة من الكويت
عن طريق النت ؟
و شنو افضل بنك لفتح الحساب به و ادارة المحفظة عن طريق النت ؟
و مثل مايقولون
من استشارك دخل في ذمتك
والسلام عليكم ورحمة الله

 

[النجدي2007]

انا لي تجربة سابقة في السوق السعودي دخلت في مبلغ 12 الف في سنة 2006 وماصفيت الا علي 3800 خسارتي 8200دينار , من رايي الشخصي مانصحك تضارب بالسوق السعودي للاسباب كثيرة اولها اسعار غالية يعني مثلا كان عندي سهم النقل الجماعي شارية علي سعر 48 ريال يعني تقريبا 3 دنانير كويتي وزع علينا ارباح نهاية العام نص ريال بس يعني 35 فلس تقريبا !! وكنت مستغرب من التوزيعه علي سعر السهم والمصيبة اني لما دشيت منتديات الاسهم السعودية وشفت تعليقات المتداولين علي توزيعه السهم الاغلبية مستانسين وفرحانين !! وبعد التوزيعه نزل السهم تقريبا الي 30 ومن بعدها الي 25 ريال !! , فقارنت توزيعات الكويت علي اسعار اسهمهم جدا ممتازة مثال زين سعرها 1,300 قبل التوزيعه وعطت 200 فلس . وغير توزيعات البنوك الكويتية مقارنة بسعرها , وعلي فكرة السوق السعودي فية شركات ورقية كثيرة مثال شركة المكيرش(انعام حاليا) وبيشة اوقفوهم عن التداول , يعني رايي خلك بالكويتي اشوف اسعارة مناسبة
والله يوفقك يارب

 

[الزعفران]

النجدي 2007
اشكرك على النصيحة
وفعلا صرفت النظر حالياً عن الموضوع
بس الواحد مو عارف شلون او وين يشتغل
المعاش مايكفي و مثل مايقولون اللي على المعاش ماعاش
اذا عندك فكرة معينة او شغله تزود الدخل الشهري لا تنساني
و الله يرحم والديك ويبارك فيك و بمالك ويفتح عليك ابواب رزقة وكل خير
تحياتي

 

[النجدي2007]

النجدي 2007
اشكرك على النصيحة
وفعلا صرفت النظر حالياً عن الموضوع
بس الواحد مو عارف شلون او وين يشتغل
المعاش مايكفي و مثل مايقولون اللي على المعاش ماعاش
اذا عندك فكرة معينة او شغله تزود الدخل الشهري لا تنساني
و الله يرحم والديك ويبارك فيك و بمالك ويفتح عليك ابواب رزقة وكل خير
تحياتي

الله يجزاك خير علي الدعوة الحلوة اجمعين يارب العالمين , اذا المبلغ الي عندك زين اشتر لك شقة تمليك في الفروانية ولاميدان حولي تري رخيصات علي 30 و 29 الف ماجرة 250 او 200 واذا المبلغ الي عندك تحت 25 اشترلك شقة تمليك في منطقة المهبولة وماجرة بعد , العقار احسن لك من الاسهم بواجد

 

[khalid592]

فعلا العقار حلو بس يحتاج مبلغ شوي كبير ..

اخوي الزعفران .. الشغل مو واقف على الاسهم بس .. بالعكس انا الحين اشوف الاسهم اكثر مخاطر وضغط نفسي لا يساوي الارباح اللي تاخذها .. طبعا انا اتكلم بس عن الربحان .. اما الخسران الله يعينه ..

طبعا السبب الاوضاع الاقتصاديه بشكل عام والاضطرابات السياسيه والازمات الاقتصاديه وقله السيوله كل هالامور اتوقع انها مبررات كافيه حق صعوبه الربح باسواق الاوراق الماليه ..

==

اما طرق الشغل كثيره .. وانا انصحك تبدأ في مجالك ..
مثلا لو انت تحب كمبيوتر تشتغل بمجال الكمبيوتر
لو تحب السيارات تشتغل بمجال السيارات
لو تحب الهواتف تشتغل بالهواتف .. وجذي .. يعني تشتغل بالاشياء اللي تقدر تبدع فيها او تحبها ..

وانصحك لا تبدأ كبير .. ابدأ شوي شوي الى ان توسع اعمالك واشغالك وتصل الى غايتك .. ولا تدش بكل راس مالك .. حاول تمسك كاش بيدك حق اكثر من مشروع ..
لو دخلت بمشروع حاول لا تشتغل بأكثر من 50 % من الكاش اللي عندك .. عشان تقدر تتصرف اذا صار اي شي لا سمح الله او اذا حبيت تدخل مشروع ثاني وتقدر تنوع استثماراتك ..

تذكر ان تبحث بدراسه ميدانيه في السوق قبل لاتدخل باي مشروع .. وتدرس المشروع من جميع النواحي اللي ممكن تأثر على مشروعك ..

القصد من كل كلامي انه الارزاق كثيره بس احرص لا تبدأ بمشروع غالي ةلازم يكون مدروس واعقلها وتوكل ..