اعتقد ان هالاسبوع خاشلنا شي

[بوحسن]

نلاحظ ان السوق اليوم في شي غريب

يعني ارتفعت المال بارباحها 20 مليون ربح صافي !

بس !

السهم نزل اليوم


بنك الخليج .. خبرها اب 36 مليون صافي ربح .. وهم انزلت

الاهليه نطت شوي بمليون سهم ولا جان ينزلونها

المتحده ..خبر حلو لها بالجريده عن عقود المدينه الحدوديه ... بس انزلت


ليش ما ليش ... ما يندرى بس اكيد السوق خاشلنا شي

 

[بيج بن]

والله مادري ليش انا متشائم جدا
شكله في نزله قوية قادمة والله اعلم
اتمني ان اكون مخطيء يارب

 

[بوحسن]

ليش تتشائم ...

حبيبي اذا انزلت اسهمك قبل او بعد اخبار الربع الثاني الطيبه

معناتها شي واحد .. انك بتربح فيهم تالي ( مسالة تجميع بس )

وهم عشان تصكر الكمبيوتر وتجابل شغلك اشوي وتخلص معاملاتك

ملينا من مجابل الكمبيوتر.. عيونا راحت

نبي اشوي راحة

وان ارتفعت فشي طبيعي لارباح غير طبيعيه

 

[بوعيد]

والله يا الصبر ....اعتقد ان الحياه فرص بس عاد من يعرف المحافظ والصناديق شناويه عليه ؟؟؟؟؟؟؟
انا اعتقد ان السيوله الموجوده ماراح تظل بهالركود والنفط صاعد بس متى ينعكس على السوق الله اعلم

 

[بوحسن]

من امس واضح ان في تصحيح خفيف

انت ما تشوف السوق السعودي الي سيولتة اكبر من سيولتنا والشركات هناك ايضا محققه ارباح خياليه

بس الحين قاعد يمر بتصحيح

انا من زمان اقول هالشي

الي تبيه المحافظ يصير وبس ( اترك العقد اترك قوة السهم )

عاد البعض يحاول يفسر سلوك المحفظه وسلوك المشترين عن طريق الشارت والتحليل الفني وعادة ما يتوفق الكثير ويتنبأ بما سيجري من خلال متابعة السلوك في البيع والشراء



هذا ملحض البورصه

نصيحتي ..والله هذي فرصه .. عشان تقضون معاملاتكم يا الشباب واشوي ترحمون عيونكم من الكمبيوتر

عموما الاسهم الي اتوقعها بترتفع بشكل طيب جدا

المال
الاهليه
المواشي
الاستثمارات
بيت التمويل

 

[careful_invest]

الحقيقة ان متفائل بالرغم من النزول الحاد للسوق..والسبب بان النزول غير مبرر اطلاقا في ضوء جودة الأرباح وارتفاع اسعار النفط والاستقرار السياسي والاقتصادي والعقود الضخمة. لكن مشكلتنا الفعلية هو الطمع والحسد التي تعشش بين الكويتيين كما عبر عنه معالي رئيس مجلس الوزراء الشيخ صباح. انا الحين ودي أفهم..بريطانيا المعنية بالانفجارات ترتفع اسهمها وسوقنا ينزل..جميع بورصات الخليج خذت حاصلها في الصعود لعدة اسابيع واحنا للحين ما دش علينا الخير بالرغم من ان معدل الربحية وقيمة اسهمنا الأقل في الخليج. لما تدخل بورصات الخليج في عمليات تصحيح وجني أرباح شئ طبيعي لأن كان في صعود. الحين وضعنا ليش في نزول..لأن المحافظ والصناديق ناويين على نية مبطنة بالجشع والطمع والحسد في حق الشعب الكويتي.
يا اخوان ارجعوا الى كل من قدم تحليل فني عن اسعار الدعم لعدة أسهم وراح تشوفون ان هذا التحليل يسقط أمام تداعايات الجشع الذي يكنه لنا الكثير من هوامير البورصة.
وما لنا الا الصبر..ولكني متفائل..

 

[dnyay]

( ما دام قطاع التامين بس اهو بس اللى خضر الحين لا ما كدينا خير

 

[بيج بن]

ليش تتشائم ...

حبيبي اذا انزلت اسهمك قبل او بعد اخبار الربع الثاني الطيبه

معناتها شي واحد .. انك بتربح فيهم تالي ( مسالة تجميع بس )

وهم عشان تصكر الكمبيوتر وتجابل شغلك اشوي وتخلص معاملاتك

ملينا من مجابل الكمبيوتر.. عيونا راحت

نبي اشوي راحة

وان ارتفعت فشي طبيعي لارباح غير طبيعيه

عرفت الحين ليش انا كنت متشائم؟
الي خايف منه حصل
وهو ان يتم اعلان ارباح الشركات والسوق ما يتفاعل معاها كما كان الكل متوقع

 

[بوحسن]

شوف بيج بن النزول كان واضح من تداول امس وانا علشان جذي كتبت الموضوع من ان السوق خاشلنا شي

السوق ما يقدر ما يتفاعل مع الارباح بالعكس ..الناس تدش البورصه علشان الارباح ..والشركات اهم شي عندها الارباح فشلون ما راح تتفاعل

بالعكس هالشي انا اسميه الطمع والي بتشوفه بيخلي السهم يشلع فوق

شلون ..انا اقولك

تبي المحافظ انها تلم نفس هالاسهم باسعار نازله مره ثانيه ... وبتشوف في فتره قادمه السوق دوم مرتفع ليم يوصل كل سهم لما يستحقه او اقل بقليل

تدري هالشي يخليني اطمئن ان سوقنا بخير .... لان اذا ارتفع السوق حيل وتفاعل بقوه ..معناته في نزول قادم من بعد ارتفاع ضخم يساوي قوة الصعود السابقه معناته تصحيح ضخم وهالشي محد يبيه اكيد..مافينا حيل تصحيح ضخم ... ..لان ليم الحين في وقت على سنة 2006

 

[حريص]

الاخ الصبر كلمك منطقي وصحيح الف بالاميه بس عاد وين الي يقتنع في هالكلام
تحياتي لك

 

[بو عبدالوهاب]

لعبتهم

ودايما مع اعلانات الارباح .. تصير هالسوالف

بس بالنهايه .. لايصح الا الصحيح

والشركة اللي محققه ارباح قويه

صاعده صاعده .. موبكيفهم

المسأله كلها ضغط على السهم .. وتجميع

 

[البواردي]

بصراحه



انا اول مره اخاف من البورصه وقاعد افكر من الظهر اني اطلع هالاسبوع
ما ادري ليش انا خايف بس عندي احساس ان المسأله لازم ينخاف من السوق وخاصتاً هالايام المقبله
مو قاعد اخوفكم لكن هذا احساسي وانا يمكن اسيل هالاسبوع واطيحله مضاربه بسسسسسس يعني اطلع من السوق ما بجيبي ولا سهم


والله المستعان

 

[Ben-Gets]

شكله مكمل الحبيب

 

[بوحسن]

والله ما اعتقد بيكمل وايد على هالاخبار الطيبه الي ليم الحين قاعدين نشوفها

وانشالله تكمل ..التجاري - المال ع - ( بيت التمويل- ارباح خياليه تقال المركز المالي - الاسنثمارات الوطنيه - اشاعات اقرب الى الصحه 70 فلس والثاني 100 فلس )

وقبل الوطني والخليج والمال

اتوقع عدم استمرار المحافظ بهذا المنوال فتره اطول

يعني صعب عليه يصمد لمده طويله

 

[بيل غيتس]

اخوى الصبر مفتاح انا اتفائل بيوم الاثنين بدايه نزول بعدها صعود والسوق اليوم انشاء الله خضر ولاتحاتى المجموعه
اخوك بيل غيتس

 

[بوحسن]

وانا بصراحه احترم رايك يا بيل غيتس ودربك خضر .. واتوقع الي تقوله بيصير انشالله
بس مو اليوم اتوقع

 

[بوحسن]

كنت متوقع نزول السوق بس ! ..

8855 اول اول امس الكمية المتداوله 183,406,000


8785 اول امس الكمية المتداوله 153,092,000


8736 امس الكمية المتداوله 102,125,500


آخر سعر اليوم 8699.4 الكميه المتداوله 101,719,000
نسبة التغير -0.43% التغيير -37.2

يعني من 8855 الى 8699


التصحيح الى الان خفيف نوعا ما

انشالله خير يا سوق .. ليمتى هالنزول ما يندرى ..بس الله يستر من توقع الاخ وولف ستب عن المخازن بتوقع ترحيل نسة من الارباح للربع الثالث لان برايي المخازن ومجموعتها تقود السوق الى الان ..وقد تقودها الى النزول في الوقت الحالي .. انشالله يا رب يطلع غلط توقع وولف