بعد صباح الاحمد شنو راح يوزعون

[ابو حمد الغالي]

ياتري بعد صباح الاحمد الي اخر الشهر تخلص شراح يوزعون متنا واحنا ننطر ولا اكو طاري تعبنا والعمر يجري




طلبي 96 شهر 5 شتوقعون ولي وين بتوصل

 

[aboshja3]

انا راجعت الاسكان الاسبوع اللي فات وقالي احد الموظفين انه في قسايم راح نعلن عنها بس تخلص التوزيعات الحاليه المناطق اللي تم الاعلان عنها ابوحليفه والصباحيه جم قسيمه وقالي بعد في بالمنقف جم بلوك والفحيحيل وبيوت الظهر بس ماتكلم عن غرب هديه وراح يعلن عنها بعد التوزيعات الحاليه وهذا كلام سكرتير وكيل بالوزاره وعلى ذمته

 

[aboshja3]

بس طلبك تقدر ادش بيوت سعد العبدالله تحوشك

 

[ابو حمد الغالي]

مابي سعد العبدالله ولا صوبها


ياريت صوب الجنوب صوب اهلنا

 

[الله يخارجنا]

​

أبو حمد شوف الخاص أو هذا رقمي 55400082 دق علي لو تسمح

 

[ابو حمد الغالي]

انا ناطر ابدل مع قبل 92

 

[ابو حمد الغالي]

الظاهر محد عارف

 

[ليث متواضع]

قسايم الخيران وقسايم الوفره

 

[ابو حمد الغالي]

لا والله ما ظن



يارب نتفاجا بمناطق جديده

 

[M7ROOS]

في توزيع بمنطقة الخيران جنه المساحه 500م

 

[الرجل الخشن]

نفس كلام أخوي (ليث متواضع)قسائم بمنطقة الوفرة 600م وقسائم بالخيران بجريدة الوطن قبل ثلاث أيام.

 

[الوافي ابو محمد]

بالنسبه للتوزيعات القادمه هي الخيران والمطلاع بس لحد الأن لم يتم توقيع العقد للبدء بالبنية التحتيه

وبالتوفيق