برنامج صغيروون .. إن شاء الله يعجبكم

[bodalal]

برنامج صغنون .. إن شاء الله يعجبكم

السلام عليكم ..

هذا برنامج صغير حيل لبعض الحسابات المهمة في سوق الأسهم

بس لازم يكون في .Net في الوندوز علشان يشتغل ..

DotNet FrameWork

اللي يسوي أبديت أول بأول راح يشتغل معاه على طول

للتحميل المباشر

http://www.bodalal.com/StockUnits.zip

تم تحديث البرنامج .. وإضافة ساعة توقيت البورصة للسوق الكويتي والأمريكي





بالتوفيق ...

 

[MH For Ever]

مشكور اخوي بو دلال برنامج جميل ومفيد

عساك على القوة

 

[Mohammedq8]

ميه ميه

يعطيك العافيه بودلال...

برنامج شامل ورائع وجميل ، منها للأفضل..

 

[rahaly]

عجييييييييب .. مريح .. يوفر الوقت


شكرا جزيلا والله يعطيك العافية


تحياتي

رحالي

 

[DNANEER]

السلام عليكم
انا نزلت البرنامج بس ما اشتغل عندى ممكن احد يساعدنى ؟؟؟

 

[bodalal]

مشكورين يا جماعة .. تستاهلون أكثر والله

أخوي دنانير .. لازم يكون عندك دوت نت فريم وورك .. تحديث للوندوز اكس بي

معليش .. هذي تحديثات غصبن علي ..

 

[lion]

.. لازم يكون عندك دوت نت فريم وورك .. تحديث للوندوز اكس بي

..

يعني شنو المقصود ارجوا التوضيح لان البرنامج مااشتغل عندي ولك جزيل الشكر بو دلال

 

[bodalal]

اخوي دنانير واخوي Lion مشكورين على الاهتمام ..

بالنسبة للدوت نت ..

افتح المستكشف عندك وروح للسي راح تلقى مجلد اسمه DOTNETFX

C:\DOTNETFX

افتح المجلد وسو سيت اب من الملف سيت اب

هذا عبارة عن إطار عمل لمعظم البرامج الجديدة اللي مبرمجينها بلغات البرمجة الحديثة .NET

هذا تحديث ضروري للوندوز اكس بي

بالتوفيق .. واذا في اي استفسار انا حاضر

 

[Austad]

ســلام

للي أو يلي ماأشتغل عنده البرنامج يروح وينزل هذا البرنامج من الميكروسفت علشان يشتغل عنده !
Microsoft .NET Framework Version 1.1 Redistributable Package

من هنـــــــــــــا

برنامج بحدود 50 كيلو بايت يحتاج برنامج تشغيلى بحدود 23 ميغا بايت !

(

الله يعينكم
Austad

 

[bodalal]

مو لازم ينزلونه من الانترنت .. الملفات موجودة بالسي .. بس سو سيت اب

وعلى فكرة هذا تحديث ضروري .. معظم البرامج الجديدة تحتاجه ..

هذا مستقبل البرمجيات مثل ما يقولون

 

[bodalal]

سويت تحديث للبرنامج .. عدلت بعض الشغلات وأضفت توقيت للبورصة

التوقيت مو ذاك الزود ... بس إن شاء الله أقدر أعدله عن قريب

 

[Eng]

السلام،،،
تحية إجلال لك يا بودلال
مجهود جبار و إستخدام مميز لأغلب الأدوات في الدوت نت
راعيت حتى التفاصيل في ال يوزر إنترفيس..من ألوان و تقسيم النافذه
و المينيو بار..والبوب أب...
موهبه أتمنى إنك تهتم فيها ...خصوصا إنك أتحب أتفيد إخوانك و خواتك بالمنتدى لوجه الله...قواك الله.

التوقيت يبيلىه إذا تسمحلي أبدي ملاحظتي إللي ما راح أتقلل من شأن البرنامج ولا من إبداعك..
يحتاج كلاس خاص حق المستخدم علشان إحدد مكان تواجده بالنسبه لتوقيت غرنتش...
شي ثاني..كانت عندي فكره قديمة بس للأسف ما أسعفني الوقت لتنفيذها لضيق الوقت..أحب أقولك إياها وأنت سوها و إنشاله اتكون دعوات رواد المنتدى كلها حقك
برنامج فيه فايل اكسس للملفات التي على الدسك ..بالتحديد ملفات أكسل..
ملفات الأكسل تكون محدثه( مبدأيا) من قبل المستخدم قبل أستخدام البرنامج.
البرنامج وظيفته الأساسيه كالتالي:
1- يسمح للمستخدم بإختيار الملف الذي يريده من أي دايريكتوري.
2- يقوم البرنامج بقراءه المعلومات من الملف
3- معلومات الملف تخص شركة معينه..سعر الإقفال..الإفتتاح..أعلى..أقل..كمية التداول..نفس ملفات الأكسل اللي الشباب حاطينها عن كل شركة.
4- البرنامج يحتوي على المعادلات الازمه لتطبيق النظريات المعروفه على المعلومات( الشموع ..موفنج أفرج..الخ) تقريبا نفس الميتا ستوك.
5- يختلف عن الميتا ستوك بأنه بعد إختيار النظريه من قبل المستخدم..يقوم البرنامج بأعطاء أما نصيحة بيع أو شراء مع تحديد مدي قوة النصيحة بالنسبه المئوية. مع ذكر الأسباب أن أمكن
6- يمكن للمستخدم أن يطلب تطبيق أكثر من نظرية لتطبيقها على المعلومات و الحصول على النصيحه.

مثال:
فتح ملف المخازن.
إختيار الشموع + الفنجان و عروته
البرنامج يعطيني الرسوم البيانيه بالإضافه إلي
نصيحه: شراء..بيع...إحتفاظ
أعطاء نقاط الدعم و المقاومه..بشكل صريح..مو لازم المستخدم أعرف يقره الشارت.
و سلامتك..
مع خالص التقدير و الإحترام..

 

[bodalal]

مشكوووووور أخي Eng على هالتشجيع والكلام الطيب اللي ما يطلع إلا من الناس الطيبين أمثالك

أشكرك أيضاً على هذا النقد الممتاز .. وإن شاء الله يكون في مصلحة العمل والجميع ..

على الرغم من اني هاوي وليس محترف في مجال البرمجة .. لكن بإذن الله أبذل جهدي لتنفيذ هذا المشروع
ولو إني أعتقد انه أكبر بكثير من قدراتي .. خاصة وإني أفتقد حتى إلى الأساس النظري للنظريات والعمليات الحسابية ...

البرنامج يحتوي على المعادلات الازمه لتطبيق النظريات المعروفه على المعلومات( الشموع ..موفنج أفرج..الخ) تقريبا نفس الميتا ستوك.

ومع هذا , إن شاء الله أقدر أحصل معلومات تساعدني على تنفيذ الفكرة الممتازة اللي طرحتها ..

كل الشكر والتقدير لطرحك الجميل ..

أخوك محمد

 

[bodalal]

تم تعديل البرنامج مرة ثانية وإضافة حساب " نسبة الربح " في كل من السوق الأمريكي والكويتي ..

وتحياتي للجميع ..

 

[bodalal]

.


تم تعديل البرنامج .. ولو اني مو ملاحظ ان أحد مهتم

عموما .. تم إضافة حساب العملة بالكويتي للسوق الأمريكي .. علشان الواحد يعرف بالتحديد جم بالكويتي

كما تم إضافة زر أمر " حفظ " لحفظ البيانات في ملف نصي .

بالتوفيق ...


.

 

[hhhmg]

برنامج رائع حقيقي من انسان رائع فعلا الله يوفقك ويزيدك من فضله تعالى

هل لك ان ترشدنا عن الاسعار التي تقل عن الدينار كيفية كتابتها حيث اجد بعض الصعوبات
ايضا العمولة التي قدرها عن 5 دينار لابد ان تساوي 5 دينار

 

[bodalal]

.

تسلم الله يجزاك خير على الكلام الطيب .. واللي ما يطلع إلا من الناس الطيبين

بالنسبة لحسبة الأسهم اللي أقل من 4000 آلاف .. معاك حق .. ما انتبهت لها ..

بإذن الله أعدل البرمجة في القريب العاجل ... ومشكور على الرد الطيب

بالتوفيق ..


.

 

[bodalal]

.

أخوي hhhmg ... تم تعديل الكود وهالحين يحسب العمولة صح إن شاء الله

يا ليت تجرب البرنامج بعد التعديل .. وتتأكد .. وتبلغني بأي ملاحظات ثانية

ولك كل الشكر والتقدير



.

 

[bodalal]

تم رفع الاصدار الثاني ....

الكثير من التغييرات ... خاصة بالشكل

 

[bodalal]

الاصدار الثاني في الرابط التالي ...

http://www.indexsignal.com/vb/showthread.php?t=30609