الوطنية العقارية .. العقد الجديد ..

[rahaly]

بمناسبة اعلانات عقود المخازن المليارية ..

أبشركم أنا مستأجر من الوطنية العقارية .. وبيزيدون ايجاري 40% !!!

والعملية متوقفه على توقيعي ..

تهقون لو اوقع السهم يطير؟؟

أوقع والا ما اوقع؟؟


ترى المسأله والله جد (الزيادة) :d



تحياتي

رحالي

 

[M$LL$ONA$RE]

السلام اخوى رحالى...
ما فهمت عليك...
ممكن توضح؟

 

[بو علي]

.

لاتوقع ليمن نشتري السبت :d

وعقبها بيطير السهم

 

[wolf steps]

مستاجر وين؟؟؟؟

 

[خذ العلم]

هي زيادة .........!!!!!!!!! سمعنا وقع احسن

 

[M$LL$ONA$RE]

يالاخوان بعون الله ان السهم سوف يستمر فى هالصعود البطئ...بس انتبهوا

1)يوم السبت السهم لازم يقفل فوق 1440 . (جدا مهم)
a) السهم لازم لا ينزل عن 1420.

خلونا ننطر الى يوم السبت وانشاالله خير للجميع...

اخوى رحالى:-

الخبر مو زين من جميع النواحى.

 

[rahaly]

حبيبي المليونير .. القصة
أنا مستأجر مكتب من الشركة الوطنية العقارية ..
والان هم طالبين مني اوقع معاهم عقد جديد بزيادة الاجرة 40% ..

وأعتقد لو اوقع العقد السهم يطييييير فوق ....

فهمت حبيبي؟ :d


انا تراني بخدمتكم .. وين مصلحتكم قولولي ..


اوقع العقد والا ما اوقع؟؟؟

تحياتي

رحالي

 

[M$LL$ONA$RE]

ان وقعت او ما وقعت...الارقام اللى حطيتهه مو رايحه تتغير بالنسبه للناحيه الفنيه...

سؤال:- شنو صار على موضوعك بالنسبه لعلاقه الدببه و الثيران و اعيال عم اخو ابو جد رئيس مجلس اداره متوفى...(و من المحتمل ايضا جميع الحيوانات الاليفه على الكوكب)...و سوق الاوراق الماليه الكويتيه؟؟؟
انشاالله فكرت فى حل...؟؟؟

.................................................

 

[As You Like]

أخي العزيز رحالي :

الله يهداك بس أنا لما قريت عنوان موضوعك إستانست قلت في عقد جديد ومهم للشركة أثاري السالفة جذي

عموما بالنسبة لرايي أنا ما أنصحك توقع العقد لأن الزيادة كبيرة حيل وتكسر الظهر إلا إذا كنت حيل مرتاح للمكان ومتعود عليه من زمان هذا شي ثاني...

أتمنالك كل التوفيق....

 

[rahaly]

as you like

اولا طبعا الموضوع مهم ..
بالنسبة لي طبعا

اما الزيادة مضطر عليها لان ايجاري قديم ولو زادوني 70% هم راح يكون باسعار اليوم ..

مضطر اخاك لا بطل ..

شكرا


تحياتي

رحالي

 

[rahaly]

حبيبي المليونير ..

للعلم انا مشتري كمية كبيرة في الوطنية العقارية .. لاني مؤمن بصعودها انشاء الله ..

لكن مؤمن ايضا وتماما بعدم صحة التحليلات الفنية في السوق الكويتي ..
وتشوف الثيران بسرعة يقلبون دببة والدببة يقلبون ثيران ..

واخوي وعمي ربع ولد جيران رئيس مجلس الادارة ..

وتتحطم التحليلات الفنية .. وهذي مشكلة السوق الكويتي ..

والحين ما نصحتني ..

اوقع والا ما اوقع؟ :d

 

[الخلوري]

اكيد بنقول لك لا توقع ، زيادة 40% مرة واحدة

الخلوري